ഉറുമ്പ് കടികൾ.

അഹങ്കാരികളും ഞണ്ടുകളും

2011-09-24T11:49:00.000+03:00

കാറ്റു പറഞ്ഞതും

കടലു പറഞ്ഞതും

കാലം പറഞ്ഞതും പൊള്ളാണേ..

പത്തു വർഷങ്ങൾക്കു മുൻപാണെന്നു തോന്നുന്നു കലാകൌമുദി പുറത്തിറങ്ങിയത് ഒരു സുന്ദരമായ ചിത്രവുമായിട്ടായിരുന്നു. പുറംചട്ട മുഴുവൻ നിറഞ്ഞു നില്ക്കുന്ന ഒരു ഭീമൻ ഞണ്ടിന്റെ ചിത്രമാണത്. ചുവന്ന പശ്ചാത്തലത്തിൽ ചുവന്ന ഞണ്ടിന്റെ ചിത്രം. എന്തായിരുന്നു ആ ചിത്രത്തിന്റെ പ്രത്യേകത ? ശ്രദ്ധിച്ചാൽ കാണാവുന്ന തരത്തിൽ മാത്രം കാണാവുന്ന ഒന്ന്. മുകളിലേക്ക് കയറാൻ ശ്രമിക്കുന്ന ഞണ്ടിനെ താഴേക്കു വലിക്കുന്ന മറ്റൊരു ഞണ്ട്…!!. കവർ സ്റ്റോറിയായി ഒരു കഥയുമുണ്ടായിരുന്നു. കഥ ഇങ്ങനെയാണ്.

(കഥ പറയാനുള്ള എന്റെ പരിമിതമായ കഴിവ് ചിലപ്പോൾ കല്ലുകടിയായേക്കാം; ക്ഷമിക്കണം)

ലോകം മുഴുവനുമുള്ള രാജ്യങ്ങളിൽ നിന്നുള്ള ജൈവ സമ്പത്തുക്കളുടെ ഒരു പ്രദർശനം നടക്കുന്നു. മറ്റു പല രാജ്യങ്ങൾക്കൊപ്പം ഇൻഡ്യയിൽ നിന്നും കേരളവും പങ്കെടുക്കുന്നു. ഇൻഡ്യയുടെ പവലിയനിൽ കേരളം പ്രദർശിപ്പിച്ചിരിക്കുന്നത് കുറേ ഞണ്ടുകളാണ്. ഒരു കുട്ടയിൽ കൂട്ടിയിട്ടിരിക്കുന്ന കുറേയധികം ഞണ്ടുകൾ. അടച്ചുറപ്പില്ലാതെ തുറന്നിട്ടിരിക്കുന്ന ഞണ്ടുകളെ കണ്ടിട്ട് വിദേശരാജ്യങ്ങളിൽ നിന്നും വന്ന സന്ദർശകക്ക് സംശയം ;

ഇങ്ങനെ തുറന്നിട്ടാൽ ഞണ്ടുകൾ എങ്ങോട്ടെങ്കിലും ഓടിപ്പോവില്ലെ ?

സ്റ്റാളിലെ മലയാളിയായ ബാബുവിന്റെ മറുപടി ഇങ്ങനെ;

ഓ . അങ്ങനൊന്നും പോകത്തില്ല സാറേ. ഇതൊക്കെ ആലപ്പുഴയിൽ നിന്നും കൊണ്ടുവന്ന ഞണ്ടുകളാ.. അഥവാ ഏതെങ്കിലുമൊരെണ്ണം അങ്ങനെ രക്ഷപ്പെടാൻ ശ്രമിച്ചാൽ ബാക്കി എല്ലാം കൂടെ അതിന്റെ കാലു വലിച്ച് താഴെ ഇട്ടോളും.

മലയാളിയുടെ സ്വതസിദ്ധമായ പാലം വലിയുടെ കഥ പറയാനാണ് ഇക്കഥ ( വിജു വി. നായരോ ടി.എൻ ഗോപകുമാറോ ആണെന്നു തോനുന്നു.) ലേഖകൻ പറഞ്ഞു വയ്ക്കുന്നത്.

ഇതിവിടെ പറയാൻ കാരണം ഈ അടുത്ത കാലത്ത് ഓൺലൈൻ മാധ്യമങ്ങളിൽ കണ്ടു വരുന്ന ചില പ്രവണതളെ സൂചിപ്പിക്കാനാണ്.

കേരളം ഇൻഡ്യൻ ക്രിക്കറ്റിൽ രഞ്ജി ട്രോഫിക്കപ്പുറം കാണാതിരുന്ന കാലത്തു നിന്നാണ് ശ്രീശാന്ത് എന്നൊരു പയ്യൻ ഇൻഡ്യൻ ക്രിക്കറ്റിൽ സാന്നിധ്യമറിയിക്കുന്നത്. (എബി കുരുവിളയെയും ടിനു യോഹന്നാനെയും മറക്കുന്നില്ല ). എന്തൊക്കെ കുറവുകളുണ്ടെങ്കിലും ലോകകപ്പിൽ കളിക്കുന്ന ആദ്യത്തെ മലയാളിയാകാൻ ശ്രീശാന്തിനു കഴിഞ്ഞു. ടി20 ലോകകപ്പിലും മികച്ച പ്രകടനം കാഴ്ചവയ്ക്കാനായി ശ്രീശാന്തിന്. എന്നാൽ ശ്രീശാന്ത് ഡിസ്കോകളിൽ ആടിപ്പാടി നൃത്തം വയ്ക്കുന്നു, പരസ്യ ചിത്രങ്ങളിൽ കോമാളി വേഷം കെട്ടുന്നു, അവൻ കളിച്ചാൽ ടീമിന്റെ കാര്യം പോക്കാണ് എന്ന രീതിയിൽ അദ്ദേഹത്തെ താറടിച്ചു കാണിക്കാനാണ് പലപ്പോഴും സ്വന്തം നാട്ടുകാരായ നമ്മൾ മലയാളികൾ സമയം ചിലവാക്കിയിരുന്നത്. ഏറ്റവും വലിയ ആരോപണം കളിക്കളത്തിൽ മര്യാദവിട്ടു പെരുമാറുന്നു എന്നതാണ്. ഒരു പക്ഷേ അത് ശരിയുമാകാം. പക്ഷേ നിങ്ങളറിയുന്ന എത്ര കളിക്കാരുണ്ട് പതിവിലേറെ മാന്യന്മാരായി കളിക്കളത്തിൽ പെരുമാറുന്നവർ ? അല്ലെങ്കിൽ തന്നെ കളി ഒരു യുദ്ധമാകുമ്പോൾ അഗ്രസ്സീവായി പെരുമാറുന്നതിൽ എന്താണ് തെറ്റ് ?

നിങ്ങൾ കാണുന്ന സെബ്രിറ്റികളെല്ലാം മാന്യതയുടെ ഉത്തമ മാതൃകകളാകണം എന്ന് ആഗ്രഹിക്കുന്നത് നിങ്ങളുടെ അത്യാഗ്രഹത്തിന്റെ ഭാഗമല്ലേ ? സ്വതസിദ്ധമായ സ്വഭാവവിശേഷങ്ങൾ അഴിച്ചു വച്ചുകൊണ്ടാകണം സമൂഹത്തിന്റെ മുമ്പിൽ അവതരിക്കാൻ എന്നാവശ്യപ്പെടുന്നത് നിങ്ങളുടെ ദുരഭിമാനത്തിന്റെ ഭാഗമല്ലേ ? ഇരുപതോ ഇരുപത്തിരണ്ടോ വയസ്സായ ഒരു പയ്യൻ നാല്പതു വയസ്സായവനെപ്പോലെ പെരുമാറണം എന്നു പറയുന്നത് എന്തു വിശേഷസ്വഭാവത്തിന്റെ ഭാഗമാണ് ? തന്നെ സഹായിക്കാൻ ബാധ്യസ്ഥരായവർ അതു ചെയ്യാതെ വരുമ്പോൾ അവരോട് അവഗണാപൂർ‌വ്വം പെരുമാറുന്നത് സ്വാഭാവിക പ്രതികരണത്തിന്റെ ഭാഗം മാത്രമാണ്..

ഇത്തരത്തിൽ മലയാളിയുടെ ഞണ്ട് സ്വഭാവം മറനീക്കപ്പെടുന്നത് മറ്റോരു ചെറുപ്പക്കാരന്റെ നെഞ്ചത്തോട്ടാണ്. നന്ദനം എന്ന സിനിമയിലൂടെ സിനിമാ ലോകത്തേക്ക് വന്ന പ്രിഥ്വിരാജ് എന്ന നടൻ. നന്ദനം, സ്റ്റോപ് വയലൻസ്, എന്ന ചിത്രങ്ങൾ ഏകദേശം ഒരേ കാലത്താണ് പുറത്തു വരുന്നത്. ആദ്യചിത്രമായ നന്ദനത്തിലൂടെ മലയാളത്തിന് കഴിവുള്ള ഒരു സ്വാഭാവിക നടനെ ലഭിക്കുകയായിരുന്നു. സ്റ്റോപ് വയലൻസ് എന്ന ചിത്രത്തിലെ “സാത്താൻ” എന്ന കഥാപാത്രം ആ ചെറുപ്പക്കാരൻ എഴുതിത്തള്ളാവുന്നവനല്ല എന്നും തെളിയിച്ചു. ഇക്കാലത്തു തന്നെയാണ് “ഫെഫ്ക”യും “അമ്മ”യും തമ്മിലുള്ള കരാർ തർക്കങ്ങൾ മറനീക്കി പുറത്തുവരുന്നത്. ഒരു പുതുമുഖനടന്റെ ഏറ്റവും വിഷമമേറിയ ഘട്ടമായി അതിനെ കാണാം. കോടിക്കണക്കിനു രൂപ മുതൽ മുടക്കുള്ള ഈ വ്യവസായത്തിൽ ചിലരുടെ ചക്കളത്തിപ്പോരിനൊപ്പമല്ല പകരം പണം മുടക്കുന്നവനൊപ്പമാണ് നില്ക്കേണ്ടതെന്നു തീരുമാനിക്കാനായത് ആ ചെറുപ്പക്കാരന്റെ ആർജ്ജവം കൊണ്ടുതന്നെയാണ്.

സൂപ്പർസ്റ്റാറുകളുടെ അലിഖിതമായ അപ്രമാദിത്വത്തിന്റെ നിഴലിലായിരുന്ന മലയാളം സിനിമാവ്യവസായം ഈ ചെറുപ്പക്കാരനുമേൽ അടിച്ചേല്പ്പിച്ചത് കടുത്ത ഭൃഷ്ടായിരുന്നു. സംവിധായകൻ വിനയന്റെ മേൽ അടിച്ചേല്പ്പിക്കപ്പെട്ട വിലക്കുകൾ അദ്ദേഹത്തിന്റെ പണിപ്പുരയിലായിരുന്ന ചിത്രത്തിൽ (സത്യം 2004) അഭിനയിച്ചുകൊണ്ടിരുന്ന പ്രിഥ്വിരാജിലേക്കും വന്നു വീണു. പ്രിഥ്വിരാജ് അഭിനയിക്കുന്ന ചിത്രങ്ങളിൽ അമ്മയുടെ അംഗങ്ങൾ ഒന്നും അഭിനയിക്കാൻ പാടില്ല എന്ന പ്രഖ്യാപിത വിലക്കും വന്നു. ഒരു പുതുമുഖനടന് ലഭിക്കാവുന്നതിൽ വച്ച് ഏറ്റവും വലിയ പ്രഹരമായിരുന്നു അത്. എന്നാൽ അമ്മ മല്ലികാ സുകുമാരന്റെ ഫലപ്രദമായ ഇടപെടൽ മൂലം പ്രിഥ്വിരാജ് മെല്ലെ തമിഴിലേക്ക് കളം മാറ്റിച്ചവിട്ടി. സൂപ്പർ ഹിറ്റായി മാറിയ “കനാക്കണ്ടേൻ” എന്ന ചിത്രത്തിലെ “മദൻ” എന്ന കഴുത്തറുപ്പുകാരനായ പലിശക്കാരനായി മാറ്റിനിറുത്താനാവാത്ത സാന്നിധ്യമാണ് താനെന്ന് ഒരിക്കൽ കൂടെ അരക്കിട്ടുറപ്പിക്കുകയായിരുന്നു പ്രിഥ്വിരാജ് എന്ന നടൻ. പിന്നെ “പാരിജാതം” “മൊഴി”, “അഭിയും നാനും”, “ശത്തം പോടാതെ”, “രാവൺ” എന്നിങ്ങനെ ഒട്ടേറെ ചിത്രങ്ങൾ. ഒടുവിൽ തന്നെ ഒഴിവാക്കിയ മലയാളം തമ്പുരാക്കന്മാർക്കൊപ്പം “താന്തോന്നി” യായി മലയാളത്തിൽ നിലയുറപ്പിക്കുകയും ചെയ്തു. ഇപ്പോൾ “ആഗസ്റ്റ് സിനിമ” എന്ന പേരിൽ സ്വന്തം സിനിമാ നിർമ്മാണക്കമ്പനിയുമായി താനിവിടെ നില്ക്കാൻ തന്നെ തീരുമാനിച്ചു എന്ന് പ്രഖ്യാപിക്കുന്നു ഈ ചെറുപ്പക്കാരൻ.

ഇനി നമ്മൾ ഒത്തൊരുമിച്ചു ചേരുന്ന ഞണ്ടുകളി തുടങ്ങുകയായി. അവൻ ധിക്കാരിയാണ് എന്നതാണ് ആദ്യത്തെ പ്രശ്നം. നേരത്തെ ചോദിച്ചതുതന്നെ ആവർത്തിക്കുന്നു. അവൻ എന്തുകൊണ്ട് ധിക്കാരി ആവാൻ പാടില്ല ? നിങ്ങൾ താലപ്പൊലിയും വെൺചാമരവുമായി കൊണ്ടു വന്ന താരമൊന്നുമല്ലല്ലോ അവൻ ? ഈ വ്യവസായത്തിൽ ആരെ കൊള്ളണമെന്നും തള്ളണമെന്നും വ്യക്തമായി വകതീവുള്ള ഒരു അചന്റെയും അമ്മയുടെയും മകന്‌ ഇത്രയൊക്കെയേ പറ്റൂ എന്നു കരുതുന്നതല്ലേ ഭംഗി ? അവൻ ഇംഗ്ലീഷ് സംസാരിക്കുന്നു, ഗർ‌വ്വോടെ സംസാരിക്കുന്നു എന്നൊക്കെ പഴി പറയുമ്പോൾ അവൻ ചവിട്ടി നടന്ന മുള്ളുകളെ മറന്നു പോകുന്നു. പണ്ടു തന്നെ ഒതുക്കാൻ ശ്രമിച്ചവരെ തിരിച്ച് പ്രഹരിക്കാനല്ല പകരം കൂടെ നിർത്താൻ തന്നെയാണ് ഈ ചെറുപ്പക്കാരന്റെ ശ്രമം. 2002 രണ്ടിൽ സിനിമയിലേക്ക് വന്ന് ഇത്രയും കാലത്തിനിടക്ക് എഴുപതോളം ചിത്രങ്ങൾ; അവയിൽ പലതും മികച്ച വാണിജ്യ നേട്ടം കൊയ്തത്. മലയാളത്തിന്റെ മിനിമം ഗ്യാരണ്ടി നായകനായി പ്രിഥ്വിരാജ് ഉയർന്നു വരികയാണ്. ഒരല്പം അഹങ്കാരവും ഗർവ്വും അനുവദിച്ചു കൊടുക്കേണ്ടതാണ് നമ്മൾ.

ചരിത്രം വിലപേശുന്നു.

2011-09-20T18:17:00.000+03:00

ലോകം നയതന്ത്ര സമവാക്യങ്ങളിൽ വലിയൊരു മാറ്റത്തിനു കാത്തിരിക്കുകയാണ്. 2011 സെപ്തംബർ 23ന് വെള്ളീയാഴ്ച ഫലസ്തീൻ നാഷണൽ അതോറിറ്റി നേതാവ് മഹമ്മൂദ് അബ്ബാസ് യൂ.എന്നിൽ നടത്തുന്ന പ്രസംഗത്തോടുകൂടെ ഫലസ്തീനെ അംഗമാക്കണമെന്നാവശ്യപ്പെട്ടുകൊണ്ടുള്ള പ്രമേയം അവതരിപ്പിക്കും. നിരന്തരം അതിർത്തികൾ ലംഘിക്കപ്പെട്ട, പാലായനം ചെയ്യപ്പെട്ട ഒരു ജനതയുടെ സ്വതന്ത്ര രാജ്യം എന്ന സ്വപ്നത്തിലേക്കുള്ള ശ്രമം എന്ന നിലക്കല്ലാതെ ഇത്രയധികം പ്രാധാന്യം അർഹിക്കുന്നതെന്തുകൊണ്ടാണ് ? ഫലസ്തീന്റെ യൂ. എൻ അസംബ്ലിയിലേക്കുള്ള അംഗത്വ ശ്രമങ്ങളെ ആദ്യം സൂചിപ്പിച്ച "ലോകം നയതന്ത്ര സമവാക്യങ്ങളിൽ വലിയൊരു മാറ്റത്തിനു കാത്തിരിക്കുകയാണ് " എന്ന തരം പ്രസ്ഥാവനകൾ അതി വൈകാരികത നിറഞ്ഞതും അതിശയോക്തിയുമായികരവുമായി തോന്നാം. എന്നാൽ ഈ മേഖലയിലെ രാഷ്ട്രീയത്തിൽ അല്പമെങ്കിലും താല്പര്യമുള്ളവർക്ക് അതൊരിക്കലും അതിശയോക്തികരമായി തോന്നാനിടയില്ല. ഇസ്രായേലിന്റെ അധിനിവേഷങ്ങൾക്ക് എന്നും ധനവും ആയുധവും നല്കി സഹായിച്ചിരുന്ന അമേരിക്കക്ക് മനം മാറ്റം ഉണ്ടാകാനിടയുണ്ട് എന്ന് അറബ് ലോകം സ്വപ്നം കാണുന്നു.

ഒരു രാജ്യത്തെലെ ജനങ്ങൾ മുഴുവൻ അനധികൃത താമസക്കാരായി മുദ്രകുത്തപ്പെടുക, ഇന്നലെവരെ ജീവിച്ച, തങ്ങൾ ജനിച്ചു വളർന്ന മണ്ണ് ഒരു സുപ്രഭാതത്തിൽ വൈദേശികരുടെ ആക്രമണത്താൽ എല്ലാക്കാലത്തേക്കുമായി ഉപേക്ഷിച്ചു പേകേണ്ടി വരിക, എന്നെങ്കിലും തങ്ങൾക്ക് തിരികെ എത്താനാകും എന്ന വിശ്വാസത്തിൽ താല്ക്കാലിക കൂടാരങ്ങളിൽ ജീവിച്ചു മണ്ണടിയേണ്ടി വരിക, ഇതെല്ലാം ലോകത്തിന്റെ മറ്റൊരു ദിക്കിലും കേൾക്കാനാവാത്തവിധം പരിചിതമാണ് ഫലസ്തീൻ ജനതക്ക്.

ലോകത്തിലെ ഒട്ടുമുക്കാൽ വരുന്ന രാജ്യങ്ങളും എതിർപ്പില്ലാതെ അംഗീകരിക്കുന്നതാണ് അതവരുടെ മണ്ണു തന്നെയാണ്, അതവർക്ക് തിരികെ ഏല്പ്പിക്കാനുള്ള സമയം അതിക്രമിച്ചിരിക്കുന്നു എന്നത്. പക്ഷേ, എതിർപക്ഷത്ത് ശത്രു പ്രബലനായതുകൊണ്ടുമാത്രം വായ്മൂടിക്കെട്ട സഹോദരങ്ങൾ ഉള്ളതുകൊണ്ട് മാത്രം പൊടിമണ്ണ് തിന്നു ജീവിക്കേണ്ടി വരുന്നതാണ് ഫലസ്തീൻ ജനതയുടെ ഗതികേട്.

ഇസ്രായേലിന്റെ രൂപീകരണം മുതൽ പുകയുന്ന ഒന്നാണ് ഫലസ്തീൻ-ഇസ്രായേൽ അതിർത്തി തർക്കം. സായുധമായും അല്ലാതെയുമുള്ള സമരങ്ങൾ ഒരിക്കലും ഒഴിഞ്ഞിട്ടില്ലാത്ത മേഖല. ഒരർഥത്തിൽ ലോകം രണ്ടായി വെട്ടി മുറിക്കുന്ന അതിർത്തി രേഖ. പിന്നെ അധിനിവേശത്തിന്റെ തുടർക്കഥകൾ.. നിരന്തരം ലംഘിക്കപ്പെടുന്ന അതിർത്തികൾ. പാഴ്രേഖകളായി മാറുന്ന ഉടമ്പടികൾ. അതിൽ അവസാനത്തേതാണ് 1967ലെ അറബ് യുദ്ധശേഷമുണ്ടാക്കിയ ഉടമ്പടി. അതിർത്തികൾ വീണ്ടും ലംഘിക്കപ്പെട്ടു. 67നു ശേഷം മാത്രം ഇസ്രായേലിൽ നിന്നും വെസ്റ്റ് ബാങ്കിലേക്കും ഗാസയിലേക്കും കുടിയിരുത്തപ്പെട്ടവരുടെ എണ്ണം അഞ്ചു ലക്ഷത്തിലേറെ വരും. അന്താരാഷ്ട്ര ഉടമ്പടിപ്രകാരം നിശ്ചയിക്കപ്പെട്ട അതിർത്തിയിൽ നിന്നും ഇസ്രായേൽ പിടിച്ചടക്കിയത് ഫലസ്തീന്റെ 22 ശതമാനത്തിലേറെ ഭൂപ്രദേശം.

സത്യത്തിൽ യൂ.എൻ അംഗത്വം ലഭിക്കുന്നതോടുകൂടെ തങ്ങളുടെ എല്ലാ പ്രശ്നങ്ങൾക്കും പരിഹാരമാകും എന്ന മിഥ്യാധാരണയൊന്നും വച്ചുപുലർത്തുന്നില്ല ഫലസ്തീൻ നേതാവ് മഹമ്മൂദ് അബ്ബാസ് . ഒരംഗരാജ്യത്തിന്റെ അതിർത്തികൾ മറ്റൊരംഗരാജ്യം ലംഘിക്കുന്നു എന്നു പരാതി ഉയർത്താൻ ഒരു വേദി എങ്കിലും ഉണ്ടാകും എന്നു മാത്രമേ അദ്ദേഹം സ്വപ്നം കാണുന്നുള്ളൂ. എന്നാൽ ഇപ്പോൾ അദ്ദേഹത്തിന്റെ സ്വപ്നങ്ങൾക്ക് ജീവൻ പകരാൻ ചില കാരണങ്ങളുണ്ട്. അതിൽ പ്രധാനം അമേരിക്കൻ പ്രസിഡന്റ് ബരാക്ക് ഒബാമയുടെ ചില പ്രസ്ഥാവനകളാണ്.

ഫലസ്തീൻ-ഇസ്രായേൽ പ്രശ്നപരിഹാരത്തിനായി 1967 ലെ കരാർ പ്രകാരമുള്ള അതിർത്തികൾ അംഗീകരിച്ച് സമാധാനം സ്ഥാപിക്കണം എന്ന് അമേരിക്കൻ പ്രസിഡന്റ് ബരാക്ക് ഒബാമ ആവശ്യപ്പെട്ടിരിക്കുന്നു എന്നതാണ് വാർത്ത. ഈ മേഖലയിലെ രാഷ്ട്രീയത്തിൽ താല്പര്യമുള്ളവർക്ക് ഞെട്ടലും ആഹ്ലാദവുമുളവാക്കാൻ പോന്നതു തന്നെയാണ് ആ പ്രസ്ഥാവന. പറഞ്ഞത് അമേരിക്കൻ പ്രസിഡന്റ് തന്നെയാണോ എന്നുപോലും സംശയം ഉളവാക്കുന്നതരത്തിലുള്ളതാണ് ആ പ്രസ്ഥാവന. 43 മൂന്നു തവണ യൂ. എന്നിൽ അമേരിക്ക ഇസ്രായേലിനെ അനുകൂലിച്ചുകൊണ്ട് ഫലസ്തീന്റെയോ അറബ് രാജ്യങ്ങളുടെയോ പ്രമേയങ്ങൾ വീറ്റോ ചെയ്തു. അതേ അമേരിക്കയുടെ പ്രസിഡന്റ് അത്തരത്തിൽ ഒരു ഒത്തു തീർപ്പിനെക്കുറിച്ച് സംസാരിക്കുന്നത് ആദ്യമായാണ്. കടുത്ത ആക്രമണങ്ങൾക്കും വന്യമായ നരഹത്യകൾക്കും കളമൊരുക്കുമ്പോഴൊക്കെ സയണിസ്റ്റുകൾക്ക് വിളക്കു പിടിക്കാൻ മാത്രം നാവുയർത്തിയിട്ടുള്ള അമേരിക്കൻ പ്രസിഡന്റുമാരിൽ നിന്നും വേറിട്ട് ഒബാമയിൽ നിന്നും ലോക ജനത മറ്റു ചിലതു പ്രതീക്ഷിച്ചിരുന്നു, പ്രത്യേകിച്ച് മുസ്ലീം ലോകം. പക്ഷേ തിരഞ്ഞെടുക്കപ്പെട്ട് വളരെ ക്കുറച്ചു നാളുകൾക്കകം യൂ.എന്നിൽ ഇസ്രായേൽ ആക്രമണങ്ങൾക്കെതിരെയുള്ള പ്രമേയം വീറ്റോ ചെയ്തതിലൂടെ ഒബാമ വെറും ഷോ-ബാമ ആണെന്ന് തെളിയിക്കപ്പെട്ടു, .

ഈ സാഹചര്യത്തിലാണ് വീണ്ടും ഒരു പ്രമേയം അവതരിപ്പിക്കപ്പെടുന്നത്. ഇസ്രായേലും അമേരിക്കൻ സാമന്തന്മാരും ഒഴിച്ചുള്ള എല്ലാ രാജ്യങ്ങളും ഈ പ്രമേയത്തെ പിന്താങ്ങുമെന്ന് ഏകദേശം ഉറപ്പായിരിക്കുന്ന സാഹചര്യത്തിലാണ് അമേരിക്കൻ പ്രസിഡന്റ് ബരാൿ ഒബാമയുടെ മേൽ പറഞ്ഞ പ്രസ്താവനയുടെ പ്രാധാന്യം. ജർമ്മനി ഫ്രാൻസ്, ബ്രിട്ടൻ, റഷ്യ, യൂ.എൻ, യൂറോപ്യൻ യൂണിയൻ എന്നിങ്ങനെ ലോകം മുഴുവൻ ഒബാമയുടെ ആവശ്യത്തെ പ്രകീർത്തിച്ചപ്പോൾ (ഇൻഡ്യക്കാർ ഇതൊന്നും കാണുന്നില്ല. കണ്ടില്ല കേട്ടില്ല, മിണ്ടിയില്ല)‌ നാല്പതിലേറെ വർഷങ്ങൾക്ക് മുൻപ് അംഗീകരിക്കപ്പെട്ട അതിർത്തികൾ അംഗീകരിച്ച് സമാധാനം നടപ്പിലാക്കണം എന്നത് സ്വീകാര്യമല്ലെന്നും ഒബാമ സ്വപ്നങ്ങളിൽ ജീവിക്കുകയാണെന്നും യാദാർഥ്യത്തെ കാണുന്നില്ലായെന്നും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു തിരിച്ചടിച്ചു.

എന്തുകൊണ്ടാണ് ബരാക്ക് ഒബാമയുടെ ഈ പ്രസ്താവന രാഷ്ട്രീയ പ്രാധാന്യമർഹിക്കുന്നത് ? ഇസ്രായേലിന്റെ രൂപീകരണത്തിനു ശേഷം അമേരിക്കയുടെ രാഷ്ട്രീയ നയരൂപീകരണത്തിനു കടകവിരുദ്ധമാണ് ഇപ്പോൾ ഒബാമ പ്രഖ്യാപിക്കുന്ന പുതിയ നയം. ഒരു പക്ഷേ ഇപ്പോൾ നടക്കുന്ന അറബ് വസന്തം എന്ന് ഓമനപ്പേട്ടു വിളിക്കുന്ന പരിവർത്തനങ്ങളിൽ പോലും ഇസ്രായേലിന്റെ സം‌രക്ഷണം എന്ന അജണ്ടയാണുള്ളത്. സത്യത്തിൽ അമേരിക്കൻ ആഗ്രഹത്തിനു വിരുദ്ധമായി ടുണീഷ്യയിലും ഈജിപ്തിലും നടന്ന അട്ടിമറികൾ പ്രസിഡന്റ് ഒബാമയെ ഒരു പുനർ വിചിന്തനത്തിനു പേരിപ്പിച്ചതാകാനാണു സാധ്യത. ഇസ്രായേലിന്റെ ഫലസ്ഥീൻ അധിനിവേശത്തെയും കോളനിവല്ക്കരണത്തെയും എല്ലാക്കാലത്തെയും ആയുധ-സാമ്പത്തിക സഹായം നല്കി പരിപോഷിപ്പിച്ച അമേരിക്കയുടെ ആദ്യമായ നയവ്യതിയാനം. അമേരിക്കൻ ജനത ഒടുക്കുന്ന നികുതി എങ്ങനെ ചിലവാക്കപ്പെടണം എന്നു തീരുമാനിക്കാനുള്ള സ്വാതന്ത്ര്യം ആർക്കായിരിക്കണം എന്നതുകൂടെ തീരുമാനിക്കാനുള്ള ഒരു നടപടിയാണ് ഒബാമയുടെ ഈ തീരുമാനത്തിലൂടെ പുറത്തുവരുന്നത്. അതിർത്തി തർക്കങ്ങൾക്ക് ശാശ്വതപരിഹാരം കാണണമെങ്കിൽ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു രാജിവച്ചൊഴിയണമെന്ന് ഒരു മുഴം നീട്ടിയെറിഞ്ഞു മുൻ പ്രസിഡന്റ് ജിമ്മി കാർട്ടർ. മിഡിൽ ഈസ്റ്റിലെ ബന്ധങ്ങൾ നല്ലരീതിയിൽ തുടരണമെങ്കിൽ അമേരിക്ക ഫലസ്ഥീനിന്റെ പ്രമേയത്തെ പിന്താങ്ങണമെന്ന് സൌദിയും പറയാതെ പറഞ്ഞുകഴിഞ്ഞു. എന്നാൽ വീണ്ടും ഒരു വീറ്റോ ഒഴിവാക്കാനുള്ള ശ്രമത്തിലാണ് അമേരിക്ക. ഫലസ്തീനിന്റെ പ്രമേയം മതിയായ വോട്ടു ലഭിക്കാതെ തള്ളിക്കളയാനുള്ള തന്ത്രത്തിനു ഒരുക്കൂട്ടുകയാണ് ഇസ്രായേൽ-അമേരിക്കൻ ലോബി. എന്നാൽ അറബ് സമൂഹത്തിന് ഇപ്പോഴും ശുഭപ്രതീക്ഷയാണുള്ളത്. അമേരിക്ക മറ്റൊരു വീറ്റോ പ്രയോഗിക്കുകയാണെങ്കിൽ സൌദി അടക്കമുള്ള പ്രബല അറബ് സുഹൃത്തുക്കളുടെ എതിർപ്പിനും ക്രമേണ അറബ് ലോകത്ത് അമേരിക്കയുടെ സ്വാധീനത്തിൽ വൻ ഇടിവ് സംഭവിക്കാനിടയുണ്ടെന്നും അഭിപ്രായപ്പെടുന്നു മേഖലയിലെ പ്രമുഖ രാഷ്ട്രീയ നിരീക്ഷകർ.

ഇസ്രായേലിനോട് 1967 ലെ ഉടമ്പടി പ്രകാരം സമാധാന ചർച്ചകൾ പുനരാരംഭിക്കണമെന്നാവശ്യപ്പെടുകയും അതേ സമയം യൂ.എന്നിലെ ഫലസ്തീനിന്റെ പ്രവേശനത്തെ തടയാൻ അനുനയത്തിന്റെയും ഭീഷണിയുടെയും സ്വരം ഉയർത്തുകയും ചെയ്യുന്നത്, സമാധാന ചർച്ചകൾ എന്ന പേരിലുള്ള പ്രഘസനത്തിലേക്ക് വീണ്ടും ഫലസ്തീനിനെ കൊണ്ടുവരിക എന്ന ഉദ്ദേശ്യത്തോടെ മാത്രമാണെന്ന് വിശ്വസിക്കുവാനാണ് എനിക്കിഷ്ടം. യൂ. എൻ. പ്രവേശനം സാധ്യമായാൽ ഇസ്രായേലിന്റെ മനുഷ്യാവകാശ ലംഘനങ്ങൾക്കെതിരെ ഫലസ്തീൻ അന്താരാഷ്ട്ര ക്രിമിനൽ കോടതിയെ സമീപിക്കുമെന്നും അങ്ങിനെ സംഭവിച്ചാൽ ഇസ്രായേലിനെ താങ്ങി നിർത്തുന്ന അമേരിക്കക്ക് കൂടുതൽ കാലം പിടിച്ചു നില്ക്കാനാവില്ലെന്നും ഇസ്രായേൽ‌-അമേരിക്കൻ അച്ചുതണ്ട് ശക്തികൾ ഭയപ്പെടുന്നുണ്ട്. എന്നാൽ മുൻ കാലങ്ങളിലെ അനുഭവങ്ങൾ വച്ചുകൊണ്ട് വീണ്ടും ഒരു ചർച്ചക്ക് പ്രസക്തിയില്ലാ എന്നാണ് ഫലസ്തീൻ അനുഭാവികൾ വിശ്വസിക്കുന്നത്.

ലോകം മുഴുവൻ കാല്കീഴിലെത്തിക്കുന്ന ലോകപോലീസായ അമേരിക്കക്ക് താങ്കളുടെ പ്രസിഡന്റിന്റെ ആവശ്യം നടപ്പിലാക്കാനുള്ള ത്രാണീയുണ്ടോ ? സാഹചര്യങ്ങൾ ഒബാമക്ക് അനുകൂലമല്ലെന്നു പറയേണ്ടിവരും. രാജ്യത്തെ നിയന്ത്രിക്കുന്ന ഒട്ടുമുക്കാലും ധനകാര്യ-മാധ്യമ സ്ഥാപനങ്ങളും സയണിസ്റ്റ് നിയന്ത്രണത്തിലാണ്. പലപ്പോഴും അമേരിക്കയുടെ നയതന്ത്ര തീരുമാനങ്ങളുടെ ചുക്കാൻ പിടിക്കുന്നതുപോലും സയണിസ്റ്റ് ലോബികളാണെന്നിരിക്കേ (ഇസ്രായേലിനെ അനുകൂലിക്കുന്നവർ മിത്രങ്ങളും മറ്റെല്ലാം ശത്രുക്കളും) ഇക്കണ്ട കാലമത്രയും കൊണ്ട് അവർ നേടിയെടുത്ത മണ്ണ് വിട്ടുകൊടുത്തുകൊണ്ടുള്ള ഒരു നീക്കത്തിനും സയണിസ്റ്റുകൾ തയ്യാറാകുമെന്നു കരുതാനാവില്ല. മറ്റൊരു വിധത്തിൽ പറഞ്ഞാൽ സയണിസ്റ്റുകളാൽ ഹൈജാക്ക് ചെയ്യപ്പെട്ട ഒരു പാവ ഗവൺ‌മെന്റ് മാത്രമാണ് അമേരിക്കയുടേത്. ആ പാവ ഗവൺ‌മെന്റിന്റെ തലവനായ ബറാക്ക് ഒബാമക്ക് ചെയ്യാൻ കഴിയുന്നതിനേക്കാൽ വലുതാണ് ഇപ്പോൾ അദ്ദേഹം ഏറ്റെടുത്തിരിക്കുന്ന ഫലസ്തീൻ ദൌത്യം. രണ്ടാമതൊരു അവസരത്തിനായി മത്സരിക്കാനൊരുങ്ങുന്ന ഒബാമ പിടിച്ചിരിക്കുന്നത് ഒരു പുലിവാലാണ് എന്നത് നിസ്സംശയം പറയാം. ഇനിയതല്ല, ഈ ദൌത്യം അദ്ദേഹം വിജയകരമായി പൂർത്തിയാക്കുകയാണെങ്കിൽ ലേകം കണ്ട ഏറ്റവും ശക്തനായ ഭരണാധികാരിയായി കണക്കാക്കപ്പെടും ഒബാമ. കാത്തിരുന്നു കാണേണ്ടതാണ് അത്. ഇപ്പോൾ തന്നെ അടുത്ത തിരഞ്ഞെടുപ്പിൽ ഒബാമയെ പരാജയപ്പെടുത്താനുള്ള എല്ലാ ഒരുക്കങ്ങളും പൂർത്തിയാക്കികഴിഞ്ഞു അമേരിക്കൻ മാധ്യമ ലോകം. (സ്റ്റാൻഡേർഡ് ആന്റ് പുവറിന്റെ ക്രൈഡിറ്റ് റേറ്റിങ്ങ് താഴ്ത്തൽ, അമേരിക്കൻ ജനതയുടെ 25 ശതമാനത്തിലേറെ വരുന്നവർ ദാരിദ്ര്യ രേഖക്കു താഴെയാണെന്നുള്ള പഠന റിപ്പോർട്ടുകൾ, തൊഴിലില്ലായ്മ, ആരോഗ്യ ഇൻഷുറൻസ് പരിപാടി, എന്നിങ്ങനെ പൊലിപ്പിച്ചെടുക്കാൻ വാർത്തകൾ ഏറെയാണ്. സമീപ ഭാവിയിൽ ഒബാമയുടെ മകൾ ഡ്രൈവിങ്ങ് നിയമം തെറ്റിച്ചു, മിഷേൽ ഒബാമ വിലകൂടിയ ചെരുപ്പുകൾ ഉപയോഗിക്കുന്നു എന്നിങ്ങനെ “നിർദ്ദോഷകരമായ” പല വാർത്തകളും വെളിച്ചം കാണും.

വാല്ക്കഷണം. സുഹൃത്തേ ഇനിയും പാവം അമേരിക്കൻ ജനതയെ പഴിക്കരുത്. അവർ നികുതി കൊടുക്കുന്നത് ഇസ്രായേലിന്റെ സം‌രക്ഷണത്തിനു മാത്രമാണെന്നറിയാത്ത ജനതയെ നിങ്ങളെന്തിനു പഴിക്കുന്നു?.

ഇൻഡ്യൻ ഭരണാധികാരികളോട് : നിങ്ങൾക്ക് ഒരു വിദേശനയം ഉണ്ടോ? അതോ ടെൽ അവീവിൽ നിന്നും കത്തു കിട്ടുന്നതുവരെ കാത്തിരിക്കുകയാണോ ? (ഈ അടുത്ത കാലത്ത് വിദേശവിചാരം എന്ന ടെലിവിഷൻ പരിപാടിയിൽ "ചേരിചേരാ നയത്തിനു അന്ത്യമായി" എന്ന് ശ്രീ. ടി.പി. ശ്രീനിവാസൻ പറയുന്നതുകേട്ടു. കൂട്ടിക്കൊടുപ്പ് ഉപജീവനമാക്കുന്നവരെ സഹിക്കാം; പക്ഷേ സ്വന്തം മകളെ കൂട്ടിക്കൊടുപ്പുകാരന്റെ കൂടെ പറഞ്ഞയക്കുന്ന മാതാപിതാക്കളെ സഹിക്കാനാവില്ല.

ആന്റണിയുടെ തലയുരുളുമോ ?

2011-05-18T19:25:00.000+03:00

വിവിധ സംസ്ഥാനങ്ങളിലെ നിയമസഭാ തിരഞ്ഞെടുപ്പുകൾ കഴിഞ്ഞിരിക്കുന്നു. മൂന്നു ദശാബ്ദത്തിലേറെ പ.ബംഗാൾ ഭരിച്ച ഇടതു പക്ഷം പടിയിറങ്ങുന്നു.. കേരളത്തിലും തമിഴ്നാട്ടിലും ഭരണ മാറ്റം സംഭവിക്കുന്നു. ഇൻഡ്യയുടെ രാഷ്ട്രീയ സമവാക്യങ്ങളിലും സാരമായ മാറ്റങ്ങൾ വരുത്താൻ പോന്നതാണ് തിരഞ്ഞെടുപ്പ് ഫലങ്ങൾ. കേന്ദ്രം ഭരിക്കുന്ന കോൺഗ്രസ്സിന്റെ സഖ്യകക്ഷിയാണ് പ.ബംഗാൾ ഭരണത്തിലേറുന്നതെങ്കിൽ തമിഴ് നാട്ടിൽ രണ്ടാം യൂ.പി.ഏ സർക്കാരിന്റെ കടുത്ത വിമർശകയായ കുമാരി ജയലളിതയാണ് ഭരണത്തിലേറുന്നത്. കരുണാനിധിയുടെ നേതൃത്വത്തിലുള്ള ഡി.എം.കെ യുടെ പിന്തുണയോടെ കേന്ദ്രം ഭരിക്കുന്നു എന്നതു മാത്രമാണ് ജയലളിതയുടെ എതിർപ്പിന് കാരണം. കരുണാനിധിയെ പുറംതള്ളിയാൽ പിൻ തുണക്കാൻ തയ്യാറാണെന്ന് ജയലളിത തിരഞെടുപ്പിനു മുൻപു തന്നെ വാഗ്ദാനം ചെയ്തിരുന്നു. അതുകൊണ്ട് തന്നെ സോണിയാഗാന്ധിയുടെ ചായസല്ക്കാരം എന്തുകൊണ്ടും ജയലളിത കാത്തിരുന്നതു തന്നെയാണ്. മാറ്റം സംഭവിക്കുന്നത് തമിഴ്നാട്ടിലല്ല, കേന്ദ്രത്തിലാണ്. ഡി.എം.കെ ആയാലും ഏ.ഐ.ഏ. ഡി.എം.കെ ആയാലും ഭൂരിപക്ഷം ലഭിച്ചാൽ കേന്ദ്രത്തിൽ ഭരണത്തിലിരിക്കുന്ന അല്ലെങ്കിൽ ഭരിക്കാൻ സാധ്യതയുള്ള പാർട്ടിക്ക് പിന്തുണ പ്രഖ്യാപിക്കും. അതിനവർക്ക് ബി.ജെ.പി എന്നോ കോൺഗ്രസ്സ് എന്നോ മൂന്നാം മുന്നണിയെന്നോ വ്യത്യാസമില്ല. കരുണാനിധിയായാലും ജയലളിതയായാലും സ്വകാര്യ സ്വത്തുസമ്പാദനത്തിന്റെ കാര്യത്തിൽ ഒന്നു തന്നെ. സ്ഥാപിതമായ താല്പര്യങ്ങൾ സംരക്ഷിക്കപ്പെടണമെങ്കിൽ അധികാരം ഉണ്ടാകണം. മമതാ ബാനർജിയുടെ കാര്യത്തിൽ കാര്യങ്ങൾ കുറെക്കൂടെ വ്യക്തമാണ്. ഒറ്റക്ക് ഭരിക്കാനുള്ള ഭൂരിപക്ഷമുള്ള തൃണമൂലിനൊപ്പം നില്ക്കുകയെന്നത് വളരെക്കാലമായി അധികാരത്തിൽ നിന്നും വിട്ടു നിന്ന പശ്ചിമ ബംഗാളിലെ കോൺഗ്രസ്സിന് മമത കനിഞ്ഞു നല്കുന്ന അപ്പക്കഷ്ണങ്ങൾ ധാരാളം. ഒപ്പം കേന്ദ്രത്തിലെ കസേര സോണിയ-ജയലളിത-മമത എന്നിങ്ങനെ ത്രിമൂർത്തികളുടെ ബലത്തിൽ ഉറപ്പിക്കുകയും ചെയ്യാം.
                           മമതാബാനർജി ഒഴിഞ്ഞു നല്കുന്ന റെയിൽ മന്ത്രാലയം, ഡി.എം.കെ യുമായുള്ള സഖ്യം പിരിയുന്നതു വഴി ഒഴിവു വരുന്ന ടെലികോം അടക്കമുള്ള മന്ത്രിക്കസേരകൾ എന്നിവ നികത്താനായി ഉടൻ ഒരു മന്ത്രിസഭാ പുനഃസംഘടന കേന്ദ്രഗവണ്മെന്റിൽ ഉണ്ടാകും. കരുണാനിധിയെയും കുടുംബത്തെയും ആജീവനാന്തം അഴിയെണ്ണിക്കാനുള്ള വക ലഭിക്കുമെന്നറിയാവുന്ന ജയലളിത ടെലികോം മന്ത്രാലയം ചോദിച്ചു വാങ്ങുമെന്നത് ഉറപ്പാണ്. ഒപ്പം അംബാനി-ടാറ്റാമാർ പൂണ്ടുവിളയാടുന്ന ടെലികോം മേഖല സ്വന്തം മണിപെഴ്സിന്റെ കനവും കൂട്ടും. അങ്കവും കാണാം താളിയും ഉടക്കാം.
        മന്ത്രിസഭാ പുനഃസംഘടന ഉണ്ടാകും എന്നത് വ്യക്തമായ സംഗതിയാണെങ്കിലും ഈ കുറിപ്പിന്റെ തലക്കെട്ടിൽ സംശയിക്കുന്നതുപോലെ ആദർശ ശുദ്ധിയുടെ ആൾരൂപമായ ശ്രീമാൻ ഏ.കെ ആന്റണിയുടെ തലയുരുളുന്നതെന്തിനാണ് ? അങ്ങനെ ഒരു സംശയത്തിന് എന്താണ് പ്രസക്തി ? ശ്രീമാൻ ആന്റണിക്ക് നല്കിയ പ്രതിരോധമന്ത്രാലത്തിൽ ആർക്കാണു താല്പര്യം ?
        ശ്രീ.ഏ.കെ.ആന്റണി ഈയിടെ ഒരു പണിപറ്റിച്ചു. അമേരിക്കയിലേക്ക് വൻ തോതിൽ പണമൊഴുക്കും അമേരിക്കൻ ജനതക്ക് തൊഴിൽ സാധ്യതകളും വർധിപ്പിക്കുന്ന, ഇക്കഴിഞ്ഞ നവംബറിൽ അമേരിക്കൻ പ്രസിഡന്റ് ഒബാമ നേരിട്ട് ഇൻഡ്യയിലേക്ക് വന്ന് പറഞ്ഞുറപ്പിച്ച 10 ബില്യൻ ഡോളർ വരുന്ന യുദ്ധവിമാനക്കച്ചവടം വേണ്ടെന്നു വച്ചു.   ബൂയിങ്ങിന്റെ എഫ് / ഏ -18 സൂപ്പർ ഹോർണെറ്റ്, ലോൿ ഹീഡിന്റെ എഫ്-16 സൂപ്പർ വൈപ്പർ എന്നിങ്ങനെ 126 വിമാനങ്ങൾ വാങ്ങാനായിരുന്നു ഇൻഡ്യ കണ്ട ഏറ്റവും വലിയ ആയുധ ഇടപാട് കരാർ. റഷ്യയുടെ മിഗ് 30, സ്വീഡന്റെ ഗ്രിപ്പെൻ എന്നിവയും ഗുണനിലവാരം കുറഞ്ഞത് കാരണം വേണ്ടെന്നു വച്ചവയിൽ പെടും. യൂറോപ്യൻ വിമാനമായ യൂറോഫൈറ്റർ ടൈഫൂൺ, ഫ്രഞ്ച് നിർമ്മിത റാഫേൽ എന്നിവയാണ് പ്രതിരോധമന്ത്രാലയത്തിന്റെ ഗുണനിലവാര പരിശോധനയിൽ കഴിവുതെളിയിച്ച വിമാനങ്ങൾ. കാശ്മീർ പോലുള്ള മേഖലകളിൽ പ്രവർത്തന മികവു പുലത്തിയില്ല എന്നതാണ് അമേരിക്കൻ-റഷ്യൻ-സ്വീഡിഷ് വിമാനങ്ങൾ ഒഴിവാക്കപ്പെടാൻ കാരണം. ഏ .കെ. ആന്റണിയെ സംബന്ധിച്ചിടത്തോളം ഇത്രയും ഭീമമായ ആയുധ ഇടപാടിൽ അമേരിക്കയെ സഹായിച്ചു എന്ന പേരിൽ പഴികേൾക്കാൻ വയ്യ. മാത്രവുമല്ല ഗുണനിലവാരം പുലർത്താത്ത വിമാനങ്ങൾ വാങ്ങുക വഴി ആന്റണി അഴിമതി കാട്ടി എന്നാരോപിക്കപ്പെട്ടാൻ കസേര തെറിക്കാനും സാധ്യതയുണ്ടെന്നു കാണുന്നു ആന്റണി. എന്നാൽ കാര്യങ്ങൾ ആന്റണിയുടെ പ്രതീക്ഷകൾക്കപ്പുറത്തേക്കാണ് നീങ്ങുന്നത്. ഇടപാടിൽ ഇൻഡ്യയെക്കൊണ്ട് അനുകൂല നിലപാടെടുപ്പിക്കാൻ കഴിയാത്തതിന്റെപേരിൽ ഇൻഡ്യയിലെ അമേരിക്കൻ അംബാസിഡർ ടിം റോമറുടെ കസേര തെറിച്ചു കഴിഞ്ഞു. ഇൻഡ്യക്ക് അമേരിക്കയുമായുള്ള സഹവർത്തിത്വമല്ല പകരം ചില വിമാനങ്ങളിലാണ് താല്പര്യമെന്ന് അമേരിക്കൻ നയതന്ത്രഞ്ജൻ ആഷ് ലി ടെല്ലിസ് അഭിപ്രായപ്പെടുന്നു. ആന്റണി സോഷ്യലിസ്റ്റ് താല്പര്യങ്ങൾക്കാണ് മുൻ ഗണന നല്കുന്നതെന്ന് രാജിവച്ച ഐ പി എൽ മന്ത്രി ശശി തരൂരും പറയുന്നു. ആന്റണിയെ സംബന്ധിച്ചിടത്തോളം ഈ ഒരു ആയുധ ഇടപാടിലൂടെയല്ലാതെയും അമേരിക്കയുമായുള്ള സഹകരണത്തിനു സാധ്യതകളുണ്ട്. എന്നാൽ ഇസ്രായേലിന്റെ സുരക്ഷയും കച്ചവടവും ഒഴിച്ച് മറ്റൊരു പരിഗണയും ഒരു കാര്യത്തിലും കാണിക്കാത്ത അമേരിക്കക്ക് ഏ.കെ. ആന്റണി കണ്ണിലെ കരടായി മാറും.
        ഈ അവസരത്തിലാണ് സംസ്ഥാന തിരഞ്ഞെടുപ്പുകളുടെ ഫലം പുറത്തു വരികയും കേന്ദ്രം ഭരിക്കുന്ന യൂ.പി.ഏ യിൽ അഴിച്ചു പണി ഉണ്ടാകുന്നത്. സ്വാഭാവികമായും മന്ത്രിസഭയിലും അഴിച്ചു പണി അനിവാര്യം. ആയുധ ഇടപാടിന്റെ പേരിൽ ആന്റണിയുടെ കൈയ്യിൽ നിന്നും പ്രതിരോധമന്ത്രാലയം പിടിച്ചു വാങ്ങിയാൽ സോണിയക്കും മന്മോഹൻ സിംഗിനും പഴികേൾക്കേണ്ടി വരും. സ്വാഭാവികമായ ഒരഴിച്ചു പണിയിൽ റെയിൽ വേ മന്ത്രാലയം ആന്റണിയെ ഏല്പ്പിച്ചാൽ സംഗതികൾ കുറെക്കൂടെ സ്വീകാര്യമാകും. റെയിൽ വേ നല്കുന്നതു വഴി കേരളത്തിൽ കൂടെ തെക്കുവടക്കിനു മിനിറ്റൊന്നിനു മൂന്നു വച്ച് ട്രെയിൻ ഓടിക്കാനുള്ള അവസരം നല്കുകയാണ് എന്ന് സംസ്ഥാനത്തെ കോൺഗ്രസ്സ് നേതാക്കൾക്ക് വീമ്പിളക്കുകയും ചെയ്യാം. കാക്കയുടെ വിശപ്പും മാറും പോത്തിന്റെ കടിയും.
    അമേരിക്കൻ വിധേയത്വം മൂത്ത് ഗാന്ധി സ്മൃതിയിൽ പട്ടിക്ക് മൂത്രമൊഴിക്കാൻ പോലും അവസരമൊരുക്കിയ മന്മോഹൻ സിംഗ് ഇക്കാര്യത്തിൽ എന്തു നടപടി എടുക്കുമെന്ന് സമീപ ഭാവിയിൽ നമുക്ക് കാത്തിരുന്നു കാണാം.

എൻഡൊസൾഫാൻ നിരോധിക്കുക.

2010-11-10T22:08:00.000+03:00

ഏ കെ ആന്റണി വീണ്ടും കേരള മുഖ്യമന്ത്രി ആകുമോ?

2010-11-10T19:56:00.000+03:00

കേരളത്തിലെ രാഷ്ട്രീയ സാഹചര്യങ്ങളിൽ അഞ്ച് വർഷം ഐക്യജനാധിപത്യ മുന്നണി, അടുത്ത അഞ്ചു വർഷം ഇടതുമുന്നണി എന്ന രീതിയിലാണ് ഭരണം കൈയ്യാളുന്നത്. പ്രത്യേക സാഹചര്യങ്ങളോ അട്ടിമറികളോ ഉണ്ടായില്ലെങ്കിൽ സ്വാഭാവികമായും കോൺഗ്രസ്സ് നേതൃത്വം നല്കുന്ന ഐക്യജനാധിപത്യ മുന്നണി കേരളം ഭരിക്കുമെന്നു കരുതാം. കഴിഞ്ഞ ലോകസഭാ, പഞ്ചായത്ത് തിരഞ്ഞെടുപ്പുകളിലെ ഇരു പക്ഷവും നേടിയ വോട്ടുകൾ വച്ചുകൊണ്ട് ഇടതുപക്ഷത്തിന് വീണ്ടും കേരളം ഭരിക്കാൻ അവസരം ലഭിക്കാൻ സാധ്യതയുണ്ട് എന്നത് കാണാതെയല്ല ഇതെഴുതുന്നത്. മാറി മാറി ഇടതും വലതും ഭരിക്കുന്ന രീതി മാത്രമാണിവിടെ കണക്കാക്കപ്പെടുന്നത്. അത്തരത്തിൽ കണ്ടാൽ, അടുത്ത നിയമസഭാതിരഞ്ഞെടുപ്പിൽ ഐക്യജനാധിപത്യമുന്നണി കേരളം ഭരിക്കാനാണ് സാധ്യത. അങ്ങിനെയാണെങ്കിൽ ആരാവും കേരള മുഖ്യമന്ത്രി ?
ഉമ്മൻ ചാണ്ടി, രമേശ് ചെന്നിത്തല, വയലാർ രവി, കെ.കരുണാകരൻ, മുരളി(?) എന്നിങ്ങനെ കേരളാ മുഖ്യമന്ത്രിപദം സ്വപ്നം കാണുന്ന നേതാക്കളുടെ ഒരു നീണ്ടനിര തന്നെയുണ്ട് കോൺഗ്രസ്സിൽ. ജി.കാർത്തികേയനും, കെ.വി.തോമസ്സും, മുല്ലപ്പള്ളി രാമചന്ദ്രനും അടങ്ങിയ മറ്റൊരു നിരയും കാത്തിരിപ്പുണ്ട്. ആരാവും മുഖ്യമന്ത്രി ?

കെ.പി.സി.സി. പ്രസിഡന്റ് പദം വീണ്ടും രമേശ് ചെന്നിത്തലെയെ ഏല്പ്പിച്ചു കൊടുത്തതു തന്നെ, ഡാ നീ അവിടെങ്ങാനും ഇരുന്നോ. ഇനി മറ്റേ കസേരയിലൊന്നും നോട്ടമിട്ടേക്കരുത് എന്നത് പറയാതെ പറയുകയായിരുന്നു കേരളത്തിലെ കോൺഗ്രസ്സ് നേതാക്കൾ ഒന്നടങ്കം. എങ്കിലും ഒരു അവസരം ഒത്തുവന്നാൽ മുഖ്യമന്ത്രി ആവില്ല എന്നൊന്നും പ്രഖ്യാപിക്കാൻ ചെന്നിത്തല തയ്യാറാവില്ല എന്നതാണ് സത്യം.
മുഖ്യമന്ത്രി താനായിരിക്കും എന്നത് ഏതാണ്ട് ഉറപ്പിച്ചാണ് ഉമ്മൻ ചാണ്ടി നടക്കുന്നത്. ഏ.കെ ആന്റണി രാജിവച്ചു പോയപ്പോൾ മുഖ്യമന്ത്രി ആയതുകൊണ്ടും മറ്റൊരു മുഴുവൻ ടേം മുഖ്യമന്ത്രി ആകാനുള്ള സാധ്യതയും ഉമ്മൻ ചാണ്ടിക്കു തന്നെ.
അടുത്തത് വയലാർ രവിയാണ്. കോൺഗ്രസ്സ് രാഷ്ട്രീയത്തിൽ പല ഉന്നത സ്ഥാനങ്ങളിൽ ഇരുന്നിട്ടുണ്ടെങ്കിലും മുഖ്യ മന്ത്രിയുടെ കസേര എല്ലാക്കാലത്തെയും അദ്ദേഹത്തിന്റെ സ്വപ്നമാണ്. കരുണാകരൻ - ആന്റണി- ഉമ്മൻ ചാണ്ടി സർക്കിളിൽ നിന്നും വേണ്ടത്ര പരിഗണന കിട്ടാതെ പോകുന്നുണ്ടോ തനിക്ക് എന്ന പരിദേവനവും അദ്ദേഹത്തിനുണ്ട്.
കരുണാകരൻ - ഇനിയൊരൂഴം കൂടെ കേരള മുഖ്യമന്ത്രി ആകണമെന്ന സ്വപ്നം ഉണ്ടാകാൻ സാധ്യതയില്ലെങ്കിലും മകൻ മുരളിയെ ഒരു നല്ല നിലയിലെത്തിക്കണമെന്ന ഒരച്ചന്റെ സ്വപ്നം സാക്ഷാല്ക്കരിക്കണമെങ്കിൽ ഒരങ്കം വെട്ടിയാണെങ്കിൽ പോലും മുഖ്യമന്ത്രിക്കസേര അദ്ദേഹത്തിനും ആഗ്രഹമില്ലാതല്ല.

ഇതുവരെ ചിത്രത്തിലില്ലാതെ മാറി നില്ക്കുന്ന സാത്വികനാണ് ശ്രീ. ഏ.കെ. ആന്റണി. കേന്ദ്രമന്ത്രി പദം അദ്ദേഹം ആസ്വദിക്കുന്നു എന്നു പറയാനാകുമോ എന്നു സംശയമാണ്. മാത്രവുമല്ല പ്രതിരോധ മന്ത്രിയായി അദ്ദേഹത്തിന്റെ പ്രകടനവും കോൺഗ്രസ്സ് വൃത്തങ്ങളിൽ അതൃപ്തി ഉളവാക്കുന്നില്ലേ എന്ന സംശയവും നിലനില്ക്കുന്നുണ്ട്. ഈ നിലയിൽ കേന്ദ്ര മന്ത്രി പദം ഉപേക്ഷിച്ച് ശ്രീ. ഏ.കെ. ആന്റണി കേരളത്തിലേക്ക് തിരികെ വന്നാൽ എന്താകും അദ്ദേഹത്തിന്റെ സ്ഥാനം ? കെ.പി.സി.സി. പ്രസിഡന്റ് ? ഹേയ് വീണ്ടും ആ പദത്തിലേക്ക് പോകാനാവില്ലാ അദ്ദേഹത്തിന്. കോൺഗ്രസ്സിന്റെ രീതി വച്ചുകൊണ്ട് ഇനി അദ്ദേഹത്തിനു പറ്റിയ പദവി പ്രധാനമന്ത്രി പദമാണ്. അതൊട്ട് സോണിയാ ഗാന്ധി സമ്മതിച്ചു കൊടുക്കുമോ ? ഇല്ല. :) പിന്നല്ലെങ്കിൽ മുതിർന്ന കോൺഗ്രസ്സ് നേതാക്കൾക്ക് വിശ്രമജീവിതം നയിക്കാൻ ഏല്പ്പിച്ചു കൊടുക്കുന്ന കസേര ഏതെങ്കിലും സംസ്ഥാനത്തെ ഗവർണറുടേതാണ് . അത്രക്കങ്ങു പ്രായമായോ ശ്രീ. ഏ.കെ ആന്റണിക്ക് ? ഇല്ല. അങ്ങനെ നോക്കിയാൽ അദ്ദേഹത്തിനു പറ്റിയ കസേര കേരളാ മുഖ്യന്റേതു തന്നെയാണ്.

ഇതിനിടയാണ് അടുത്ത കേരള മുഖ്യൻ ഉമ്മൻ ചാണ്ടി ആയിരിക്കും എന്ന ചെന്നിത്തലയുടെ പ്രസ്ഥാവനയും, അതു തീരുമാനിക്കേണ്ടത് ചെന്നിത്തല അല്ല എന്ന വയലാർ രവിയുടെ മറുപടിയും വരുന്നത്. ചെന്നിത്തല എന്തിനായിരിക്കാം അനവസരത്തിൽ അങ്ങനൊരു പ്രസ്ഥാവന ഇറക്കുന്നത് ? സ്വാഭാവികമായും കാലങ്ങളായി മുഖ്യമന്ത്രിക്കസേര സ്വപ്നം കണ്ടിരിക്കുന്ന വയലാർ രവിയെ പ്രകോപിപ്പിക്കാനാണോ ? അല്ലെന്നു പറയുകയാവും ഉചിതം. ഇവിടെയാണ് ചെന്നിത്തല ആന്റണിക്കുവേണ്ടി കേരളത്തിലെ കോൺഗ്രസ്സിൽ ഒരു യുദ്ധത്തിനു കളമൊരുക്കുന്നത്. ഉമ്മൻ ചാണ്ടിയും വയലാർ രവിയും തന്നെയാണ് മുഖ്യ അങ്കം വെട്ടുകാർ. പോരു കോഴികൾ കൊത്തിപ്പറിക്കട്ടെ. അങ്കം മുറുകുമ്പോൾ സോണിയാ മാഡം ഇടപെടും. ഒത്തു തീർപ്പു സ്ഥാനാർഥിയായി പരമസത്വികൻ-അഴിമതിയുടെ കറപുരളാത്ത-അലുമിനിയം ഗ്ലാസ്സിൽ വെള്ളം കുടിക്കുന്ന-സർവ്വ സമ്മതനായ ശ്രീ. ഏ.കെ.ആന്റണി രംഗത്തു വരുന്നു. വിലപേശലിൽ ലീഡർ കരുണാകരനും എതിർപ്പുണ്ടാകാൻ സാധ്യതയില്ല. കാരണം മുരളി വിഷയത്തിൽ എല്ലാക്കാലത്തും ലീഡറുടെ പ്രിയ ശിഷ്യൻ ആന്റണി സഹായിച്ചിട്ടേയുള്ളൂ എന്ന ലീഡർക്കറിയാം. സാവകാശത്തിൽ ചെന്നിത്തലയെ മുട്ടുമടക്കിക്കാനും ആന്റണി വരുന്നതു തന്നെയാകും ലീഡർക്കു മെച്ചം. എല്ലാവരും തൃപ്തർ. :)

ഒബാമ.

2010-11-07T11:27:00.000+03:00

വന്മരങ്ങൾ വീഴുമ്പോൾ- കഥകൾ: ദേവൻ.

2010-11-06T21:55:00.000+03:00

2007 ആദ്യകാലത്താണ് ബ്ളോഗ് എന്താണെന്നറിയുന്നത്. ഓർക്കൂട്ടിൽ ഒരു സുഹൃത്ത് അയച്ചു തന്ന വിശാലമനസ്കന്റെ ബ്ളോഗ് ലിങ്ക്‍ വഴി. പിന്നെ കുറേകാലം കഴിഞ്ഞാണ് സ്വന്തമായി ബ്ളോഗ് തുടങ്ങുന്നത്. എഴുതാൻ എന്തെങ്കിലും ഉണ്ടായിട്ടല്ല, വായിച്ച് ഇഷ്ടപ്പെട്ട പോസ്റ്റുകൾ വീണ്ടും വായിക്കാനായി കൂട്ടിവയ്ക്കാനിരിടമെന്നതായിരുന്നു സ്വന്തമായി ബ്ളോഗ് തുടങ്ങാൻ കാരണം. പിന്നാലെ ഒരുപാട് പോസ്റ്റുകൾ വായിച്ചു. ഇഷ്ടപ്പെട്ടത് പി.ഡി.എഫ് ആക്കി സൂക്ഷിച്ചു. കാലത്തെ അതിജീവിക്കുന്ന രചനകൾ ബ്ളോഗിൽ വിരളമാണെന്ന ധാരണ അന്നും ഇന്നും മാറിയിട്ടില്ല. നല്ല കഥാകാരന്മാരോ കഥാകാരികളോ ഉണ്ട്. പക്ഷേ, അവർ എഴുത്തിനെ ഗൌരവമുള്ളതായി കാണുന്നില്ല എന്നത് അവർ അവരോട് തന്നെ ചെയ്യുന്ന പാതകമാണ്. ഒരു കഥയോ കവിതയോ കൂടുതൽ വായനക്കാർ നല്ലെതെന്നു പറഞ്ഞാൽ അതോടെ എഴുത്തു നിർത്തി നിരൂപണത്തിലേക്ക് തിരിയുന്നവരും വിരളമല്ല. സ്വന്തം തട്ടകമെന്താണെന്ന് തിരിച്ചറിയാനാക്കാത്താതാണവരുടെ പ്രശ്നമെന്നേ തോന്നിയുള്ളു. പലപ്പോഴും "വലിയ എഴുത്തുകാരൻ" ആയി എന്ന അഹം ഭാവവും ആകാമെന്നു തോന്നി. ഇത്തരം മിഥ്യാധാരണകളിലൊന്നും കുടുങ്ങിപ്പോകാതെ, തനിക്കു ചെയ്യാനാവുന്നത് ചെയ്യുന്ന അണ്ണാറക്കണ്ണന്മാരും ധാരാളം.

അക്കാലത്ത് മനസ്സിലിടം പിടിച്ച ചില കഥകൾ കൂട്ടി വച്ചതിൽ നിന്നും ചിലതെടുത്ത് വായിക്കുമ്പോൾ, "ഇതു ഞാൻ മുൻപ് വായിച്ചതാ" എന്ന തോന്നലോടെ മാറ്റിവയ്ക്കാൻ തോന്നാത്ത, വീണ്ടും വായന ആവശ്യപ്പെടുന്ന ചില കഥകളാണ് ദേവന്റേത്. ഹൃദയത്തിൽ നിന്നും ഉറവപൊട്ടി, ഒഴുകിപ്പരന്ന്, ഒരു പുഴയായ് ആർത്തലക്കുന്ന അമർത്തിപ്പിടിച്ച നിലവിളികളാണ് ദേവന്റെ കഥകൾ.പലപ്പോഴും ദേവന്റെ കഥകളെ ബ്ലോഗ് വായനക്കാർ ശരിയായ ഗൌരവത്തോടെ വായിച്ചിട്ടില്ല എന്നു തോന്നി. തമാശക്കഥകളെന്ന അലംഭാവത്തോടെ വായിച്ചു മാറ്റി വച്ചു. ഉള്ളിൽ പുകഞ്ഞു കത്തുന്ന ഉമിത്തീയായിയുമായി പുറത്തു വരുന്ന ആ കഥകളെ വെറും കൊച്ചുവർത്തമാനങ്ങളായി കണ്ടു. കമെന്റുകൾ പറയുന്നതതാണ്. ആ കഥകൾ വീണ്ടും വായിക്കപ്പെടണമെന്നും വായനക്കാർ ബ്ളോഗിലെ കുടുംബക്കൂട്ടങ്ങളായി മാത്രം ഒതുങ്ങരുതെന്നും തോന്നിയതുകൊണ്ടണ്, ദേവന്റെ കഥകളെ പിഡീഫ് ആക്കി പുനഃപ്രസിദ്ധീകരിക്കണം എന്ന തോന്നലിനു പിന്നിലുള്ള പ്രചോദനം.

വളരെയൊന്നും പരിചയക്കാരില്ലാതെ, ആരാണെന്ന് അറിയിക്കതെ ഒരിക്കൽ മാത്രം കണ്ടു പരിചയമുള്ള ദേവന്റെ ഈ മെയിൽ തപ്പിയെടുത്ത് ഒരപേക്ഷ കൊടുത്തു. "ഓ അതൊന്നും അത്ര വായിക്കപ്പെടാനുള്ള കഥകളല്ല" എന്ന അഭിപ്രായമാണ് ദേവേട്ടൻ എന്നു പലരും സ്നേഹപൂർവ്വം വിളിക്കുന്ന കഥാകാരന്റെ പ്രതികരണം..! ആവർത്തിച്ചുള്ള അഭ്യർഥനക്കവസാനം ഇഷ്ടമുള്ളതു ചെയ്തോളൂ എന്നൊരു വാക്കു കിട്ടി. പിന്നെ അതെങ്ങനെ ആകണമെന്നായി ചിന്ത. ഞാൻ പുസ്തകങ്ങൾ കൂട്ടി വയ്ക്കുന്ന പിഡീഫ് ലൈബ്രറി എന്ന സംരഭത്തിലൂടെ വായനക്കാരിലെത്തിക്കാം എന്ന ആത്മവിശ്വാസത്തോടെ ആദ്യ പണികൾ തുടങ്ങി. കഥകളുടെ തിരഞ്ഞെടുക്കലും എഡിറ്റിങ്ങും വലിയ കടമ്പയായിരുന്നു. അക്ഷരത്തെറ്റുകൾ വളരെയൊന്നുമില്ലാത്തത് അനുഗ്രഹമായി. കഥകൾക്ക് അനുയോജ്യമായ ചിത്രങ്ങൾ വരച്ചു തരാമോ എന്ന ചാറ്റ് മെസ്സേജിന് ബ്ളോഗിലെ ഏറ്റവും പ്രസിദ്ധനായ കാർട്ടൂണിസ്റ്റ് 120 കിഗ്രാൻ എന്നു സ്വയം വിളിക്കുന്ന സജ്ജീവിന്റെ പ്രതികരണം വല്ലാത്ത ഒരനുഭവമാണ്.ഞാൻ മാത്രമല്ല ദേവന്റെ കഥകളെ വീണ്ടും വീണ്ടും വായിക്കാനിഷ്ടപ്പെടുന്നതെന്ന അറിവ് അത്ഭുതപ്പെടുത്തി. ജോലിത്തിരക്കിനിടയിലും അദ്ദേഹം ചില ചിത്രങ്ങൾ വരച്ചു തന്നു. കവർ പേജ് ചെയ്യാൻ ആരാ എന്ന ചിന്തക്ക് ഞാൻ തന്നെ എന്നതായിരുന്നു എന്റെ മനസ്സിൽ. പക്ഷേ ഈ കഥകൾക്ക് മാന്യമായ സ്ഥാനം നല്കുന്ന ഒരു കവർ പേജ് ഞാൻ ചെയ്താൽ ശരിയാവുമോ എന്ന ചിന്തയും അലട്ടി. സജ്ജീവ് തന്നെ നന്ദകുമാറിന്റെ പേരും സൂചിപ്പിച്ചു. പിന്നെ നന്ദകുമാറിനെ ഓടിച്ചിട്ടു പിടിക്കുക എന്നതായി ജോലി. നന്ദൻ തിരക്കുള്ളയാളാണ്, വല്ലപ്പോഴും ബസ്സിൽ വന്നാലായി..!. അങ്ങനെ ഒരു വരവിൽ കക്ഷിയെ വലയിട്ടു പിടിച്ച് അപേക്ഷ കൊടുത്തു. പൂർണ്ണ സമ്മത പക്ഷേ സമയം വേണം. തിരക്ക് മനസ്സിലാക്കാവുന്നതേയുള്ളു. വേണ്ടത്ര സമയം എടുത്തുകൊള്ളാൻ പറഞ്ഞപ്പോൾ എന്നാൽ കാത്തിരിക്കൂ എന്നായി. കാത്തിരുന്നു. പകരം മനോഹരമായ പുസ്തകക്കവർ ഈ മെയിലിൽ വന്നു ..! ഇതിനിടക്ക് എന്റെ ഒരു അഭിപ്രായത്തിന്റെ തലമണ്ടക്കിട്ട് ഒരു കൊട്ടും തന്നു നന്ദൻ. :)..

ഒടുവിൽ, ദേവന്റെ കഥകൾക്ക് അതർഹിക്കുന്ന ഒരുപുറം ചട്ടയും, അകത്ത് ദേവന്റെ കഥാപാത്രങ്ങളുടെ ജീവൻ തുടിക്കുന്ന കാരിക്കേച്ചറുകളുമായി നിങ്ങൾക്ക് സമർപ്പിക്കുന്നു.

കഴിയുന്നത്ര വായനക്കാരിലേക്ക് ഈ പുസ്തകം അയച്ചുകൊടുക്കാൻ എല്ലാ സുഹൃത്തുക്കളോടും അപേക്ഷിക്കുന്നു. പുസ്തകം ഇവിടെനിന്നും ഡൌൺ ലോഡ് ചെയ്യാം

സ്റ്റോണിങ്ങ് ഒഫ് സുറയ്യ-സിനിമ.

2010-09-08T00:33:00.000+03:00

വേട്ടയാടൽ ഒരു കലയാണ്. വ്യക്തമായ തയ്യാറെടുപ്പുകൾ വേണ്ടുന്ന മാനസികവും ശാരീരികവുമായ മുന്നൊരുക്കം വേണ്ടുന്ന കല. അതൊരു പക്ഷേ ഒരു ദിവസത്തിന്റെ, മാസത്തിന്റെ അല്ലെങ്കിൽ വർഷങ്ങളുടെ തന്നെ ശ്രദ്ധാപൂർവമായ തയ്യാറെടുപ്പുകൾ വേണ്ടി വരുന്ന കല. ഒരു വിരലിന്റെ അല്ലെങ്കിൽ നോട്ടത്തിന്റെ പിഴവുമൂലം എല്ലാം തകർന്നടിഞ്ഞേക്കാം. അതുകൊണ്ടുതന്നെ വേട്ടക്കാരന്റെ ശ്രദ്ധാപൂർവ്വമായ ഓരോ ചുവടുവയ്പ്പും മുന്നിശ്ചയപ്രകാരമാവും. പലപ്പോഴും അധികാര-ഭരണവർഗ്ഗമാവും വേട്ടയാടൽ എന്ന ഈ രസികൻ വിനോദത്തിന്റെ പ്രായോജകർ.
                        എന്നാൽ മറുവശത്ത് ഇരക്ക് , ഈ രസികൻ വിനോദം നിലനില്പിന്റെ, ഒരുപക്ഷേ ജീവൻ തന്നെ സംരക്ഷിക്കാനുള്ള സമരവും. ഏറ്റവും ഭീതിതമാകുന്നത്, ആക്രമിക്കപ്പെടുന്നതിനു തൊട്ടുമുന്നുള്ള നിമിഷത്തിലും തന്റെ മേൽ ചാടിവീഴുന്ന വേട്ടനായുടെ ഒരു ചലനം പോലും ഇരക്ക് മുൻകൂട്ടി കാണാനാവില്ല എന്നതു തന്നെ. എല്ലാ കെട്ടുകളും മുറുകിക്കഴിയുമ്പോൾ മാത്രമേ ഇര അറിയുന്നുള്ളു തന്റെ നിസ്സഹായവസ്ഥയുടെ, ആഴമെന്താണെന്ന്. *വേട്ടയാടൽ* ഏകപക്ഷീയമായ കളിയാണ്. കീഴടങ്ങുക അല്ലെങ്കിൽ മരിക്കുക എന്നതു മാത്രമാവും ഇരയ്ക്ക് ചെയ്യാനാവുന്നത്.
അത്തരമൊരു ഇരയുടെ കഥ പറയുകയാണ് സൈറസ് നൌറസ്തേ സംവിധാനം ചെയ്ത് 2008 പുറത്തിറങ്ങിയ സ്റ്റോണിങ്ങ് ഒഫ് സുറയ്യ (Stoning of SurayaM) എന്ന സിനിമ.
   ഫ്രെഡിയൂൺ സഹേബ്ജം എന്ന ഫ്രഞ്ച്-ഇറാനിയൻ പത്രപ്രവർത്തകൻ എഴുതിയ ഇതേപേരിലുള്ള സംഭവ കഥയുടെ ചലചിത്രാവിഷ്കാരമാണ് സ്റ്റോണിങ്ങ് ഒഫ് സുറയ്യ.   യാത്രക്കിടെ വാഹനം കേടായി ഇറാനിലെ ഒരു കുഗ്രാമത്തിൽ എത്തിപ്പെടുകയും അവിടെ വച്ച് യാദൃശ്ചികമായി കാണാനിടയായ സാറ എന്ന സ്ത്രീ പറഞ്ഞകഥ പുറം ലോകത്തെത്തിക്കുകയുമാണ് സഹേബ്ജാം.
മൂന്നു കുട്ടികളുടെ അമ്മയായ സുറയ്യയുടെ ഭർത്താവ് അലി മറ്റൊരു വിവാഹത്തിനു തയ്യാറെടുക്കുന്നു. അന്നാട്ടിലെ നിയമപ്രകാരം(ശരിയത്ത് ?) വിവാഹിതനായ പുരുഷന് മറ്റൊരു വിവാഹം കഴിക്കണമെങ്കിൽ മുൻഭാര്യയുടെ സമ്മതമുണ്ടാവണം. അതല്ലെങ്കിൽ ഭാര്യ ദുർന്നടപ്പുകാരിയാണെന്ന് തെളിയിക്കാനാവണം. അലി സുറയ്യയുടെ സമ്മതം അഭ്യർഥിക്കാനായി സുഹ്രൃത്തായ മതപുരോഹിതനെ അയക്കുന്നുവെങ്കിലും സുറയ്യ അതിനു തയ്യാറാവുന്നില്ല. പിന്നെ അലിയ്ക്ക് ഒരേ ഒരു മാർഗ്ഗമേയുള്ളൂ, അവൾ പരപുരുഷ ബന്ധമുള്ളവളാണെന്നു സ്ഥാപിക്കുക. .
                   എല്ലാ കാലത്തും നിയമവും അധികാരവും വേട്ടക്കാരനോടൊപ്പമാണ്. അലിയും സുഹ്രൃത്തായ മതപുരോഹിതനും തയ്യാറാക്കുന്ന തിരക്കഥക്കൊപ്പം നീങ്ങുകയാണ് നിയമവും സമൂഹവും. തെളിവുകളും സാക്ഷികളും എങ്ങനെ സൃഷ്ടിക്കപ്പെടുന്നു എന്ന് കാണുക. നിങ്ങളുടെ സ്വത്തിനോ ജീവനോ ഒരു നഷ്ടവും ഉണ്ടാകില്ലായെന്നുറപ്പാക്കിയാൽ ഏതു കൊടിയ തെറ്റിനെയും ചൂഷണത്തെയും നിങ്ങൾ കണ്ടില്ലെന്നു നടിച്ചേക്കും. നാളെ അതേ തെറ്റ് നിങ്ങളുടെ നേരെ ആവർത്തിക്കപ്പെടുന്നതുവരെ നിങ്ങൾ നിസ്സംഗനായി എല്ലാം കണ്ടു നില്ക്കും. നിങ്ങളുടെ വലതു ചെവി മുറിഞ്ഞു താഴെ വീഴുമ്പോൾ മാത്രമേ അത്രയും നാൾ നിങ്ങൾ കൊണ്ടു നടന്ന ഇരുതല വാളിന്റെ മൂർച്ച നിങ്ങളറിയൂ.

                    ഒരു കഥ അതിന്റെ ഏറ്റവും മോശമായ ഭാഷയിൽ മാത്രം പറയാനറിയാവുന്ന ഞാൻ അതിനു മുതിരുന്നില്ല. സിനിമാ ചരിത്രത്തിലെ ഏറ്റവും മഹത്തായ സിനിമയൊന്നുമല്ല സ്റ്റോണിങ്ങ് ഒഫ് സുറയ്യ. പക്ഷേ നിങ്ങളീ സിനിമ കണ്ടില്ലെങ്കിൽ നിങ്ങൾക്കൊരു നല്ല സിനിമാ നഷ്ടമായി എന്നു നിസ്സംശയം പറയാനാവും.നിങ്ങളുടെ മനസാക്ഷിയെ വിടാതെ പിൻ തുടരുന്ന ചിലതുണ്ടാവും സ്റ്റോണിങ്ങ് ഒഫ് സുറയ്യ യിൽ. ഈ സിനിമ കണ്ടിരിക്കുമ്പോൾ പാഷൻ ഒഫ് ക്രൈസ് എന്ന സിനിമ ഓർത്തതെന്തുകൊണ്ടാണ് ? സുറയ്യ എന്ന സാധുവായ നിരപരാധിയെ കല്ലെറിഞ്ഞു കൊല്ലുമ്പോൾ ഞാൻ ക്രിസ്തുവിനെ ഓർത്തു. ആ വലിയ മനുഷ്യന്റെ ക്രൂശുമരണത്തെ ഓർത്തു. പിന്നീടാണ് അറിയുന്നത് രണ്ടു സിനിമകളും നിർമ്മിച്ചിരിക്കുന്നത് ഒരേ ആൾ തന്നെയാണെന്നത്. !

സിനിമയുടെ രാഷ്ട്രീയം : ശീതയുദ്ധ കാലത്ത് ഹോളിവുഡ് സിനിമകളിൽ വില്ലൻ എപ്പോഴും റഷ്യക്കാരനും രക്ഷകൻ അമേരിക്കക്കാരനുമായിരുന്നു. ഇപ്പോൾ ശീതയുദ്ധമില്ല. തിന്മയുടെ അച്ചുതണ്ട് ഇറാനിലാണ്. അറബ്-മുസ്ളീം വംശജരുടെ കഥകൾക്കാവും മാർക്കറ്റ് വാല്യൂ കൂടുതൽ.

സുറയ്യയെ കല്ലെറിഞ്ഞു കൊല്ലുന്ന അവസാന ഭാഗങ്ങളിൽ ഗ്രാഫിക്സിന്റെ ആധിക്യമില്ലേ എന്ന ആശങ്ക പങ്കുവയ്ക്കുന്നു

ഞാന്‍ ലജ്ജിക്കുന്നു

2010-04-29T16:56:00.000+03:00

നിങ്ങളെയോര്‍ത്ത് ഞാന്‍ ലജ്ജിക്കുന്നു.

THE ISLE

2010-04-10T20:57:00.000+03:00

എന്താണ് പ്രണയം? ഇന്നിതേവരെ എന്റെ അറിവില്‍ പ്രണയത്തെ വസ്തുനിഷ്ഠമായി പഠിക്കുകയും അതേക്കുറിച്ചെഴുതുകയും ചെയ്തത് ഏറിക് ഫ്രോം ആണ്.പ്രണയത്തിന്റെ ഊടുവഴികളിലൂടെ അദ്ദേഹം സഞ്ചരിച്ചത് അന്നുവരെ കാണാത്ത കാഴ്ചകളിലൂടെയാണ്.അതുകൊണ്ട്തന്നെയാണ് “ആര്‍ട്ട് ഒഫ് ലൌവിങ്ങ് “ എന്ന പുസ്തകം അലമാരയില്‍നിന്നൊഴിഞ്ഞുപോകുമ്പോഴും നമ്മുടെ മനസ്സില്‍ ചില വരകളും കുറികളും പോറലുകളും നിലനിര്‍ത്തുന്നതും.ഒരു മരുക്കാറ്റുപോലെ നിന്റെ പ്രണയിനി സകലതും തൂത്തെറിഞ്ഞു കടന്നുപോകുമ്പോഴും നിന്റെ വ്യഥകളുടെ കാഠിന്യത്തെ മറന്ന്, അവളുടെ അസ്തിത്വത്തെക്കുറിച്ച് ചിന്തിക്കാനും അതല്ലാതെ അവള്‍ക്ക് മറ്റൊരു വഴിയില്ലായിരുന്നല്ലോ എന്നാശ്വസിക്കാനും നിങ്ങളെ പ്രേരിപ്പിക്കുന്നു എറിക് ഫ്രോം.എന്നാല്‍ അദ്ദേഹം പറയാതെ പോയ പ്രണയമുണ്ടോ? ഒരു പക്ഷേ അദ്ദേഹത്തിന്റെ കണ്ണുകള്‍ക്ക് കാണാനാകാതെപോയ പ്രണയവഴികള്‍? അതേ, ചിലതു പറയാതെ തന്നെയാണ് അദ്ദേഹം പോയതെന്നു പറയുന്നു The Isle എന്ന സിനിമ. നിങ്ങളിനിയും ഈ ചിത്രം കണ്ടിട്ടില്ലായെങ്കില്‍ ഒരു സിനിമാ ആസ്വാദകനെന്ന നിലയില്‍ നിങ്ങള്‍‌ക്കതൊരു നഷ്ടമാണ്.

പ്രണയവും രതിയും പരസ്പരപൂരകമായ ഒരു യുദ്ധതന്ത്രമാണിവിടെ. ഇഷ്ടപ്പെടുന്നവനെ വരുതിയിലാക്കാനുള്ള യുദ്ധത്തില്‍ എടുത്തുപയോഗിക്കാവുന്ന എറ്റവും മികച്ച ആയുധങ്ങള്‍.പ്രണയയും രതിയും ആയുധങ്ങളാവുമോ എന്ന ചോദ്യം പ്രസക്തം. ജീവിതം സുന്ദരമായ ചില കാഴ്ചകള്‍ മാത്രമല്ലെന്നും യുദ്ധവും പിടിച്ചെടുക്കലും കീഴടങ്ങലും എല്ലാം ചേര്‍ന്നതു തന്നെയാണെന്ന് പറയുന്നു സംവിധായകന്‍ കി ഡുക് കിം.

മൃഗങ്ങളോടും പക്ഷികളോടും കാണിക്കുന്ന ക്രൂരതയെ സ്ക്രീനില്‍ കാണിക്കുക വഴി, പരക്കെ പഴി കേള്‍ക്കേണ്ടി വന്നിട്ടുണ്ട് ഈ സംവിധായകന്,അതൊക്കെ സ്പെഷ്യല്‍ ഇഫക്റ്റുകളുടെ സഹായത്താല്‍ കാണിക്കുന്നതല്ലേ എന്ന് സംശയം പ്രകടിപ്പിക്കുന്നവരോട് സംവിധായകന്‍ പറയുന്നത്, അതൊക്കെ പച്ചയായ ജീവിതമെന്നു തന്നെയാണ്. രതിപോലും ഒട്ടും കലര്‍പ്പില്ലാതെ കാണിക്കുന്നതും താന്‍ ചെയ്യുന്നതൊന്നും വെറും ഗിമിക്കുകളല്ലെന്നും ജീവിതം പരുക്കനായ ചില സത്യങ്ങളുടെ ആകെത്തുകയാണെന്നുമുള്ള വിളിച്ച് കൂവല്‍ തന്നെ.

താന്‍ സ്നേഹിക്കുന്ന പുരുഷന്‍ തന്നെ മാത്രം സ്നേഹിക്കണമെന്ന ആഗ്രഹം ചില സ്ത്രീകള്‍ക്കുണ്ടാകാം. അവന്റെ അമ്മ, സഹോദരി, കൂട്ടുകാര്‍, ബന്ധുക്കള്‍ എന്നിങ്ങനെ അവനെ ചുറ്റിപ്പറ്റിനില്‍ക്കുന്ന സമൂഹം മുഴുവന്‍ തന്നിലേക്കൊഴുകേണ്ട സ്നേഹം പങ്കുവയ്ക്കുവാനായി കടന്നുവരുന്നവരാണെന്ന ചിന്ത.അവളതൊരിക്കലും അനുവദിച്ചുകൊടുക്കാറില്ല.പ്രായോഗികമായി വളരെയേറെ പ്രശ്നങ്ങള്‍ സൃഷ്ടിക്കുന്ന ഈ മനോഭാവം(Possessiveness) പുരുഷന് പലപ്പോഴും ജീവിതം നരകതുല്യമാക്കും.കുട്ടമണിയുടെ “വേരുവെട്ടി‍” പോസ്റ്റ് ഓര്‍ക്കുന്നു.ഈ ചിത്രത്തില്‍ പൊസ്സസ്സീവ്നെസ്സിന്റെ മൂര്‍ദ്ധന്യമായ അവസ്ഥയെയാണ് സംവിധായകന്‍ പറയാന്‍ ശ്രമിക്കുന്നത് (Distructive Possesiveness). തന്നെ സ്നേഹിക്കാത്തതൊന്നും നിലനില്‍ക്കണ്ടാ എന്ന അവസ്ഥ. തന്റെ പുരുഷന്റെ സ്നേഹം പങ്കുവയ്ക്കപ്പെടാവുന്ന എല്ലാ സാധ്യതകളേയും നശിപ്പിക്കുകയാണ് തന്ത്രം. അത് പക്ഷിയോ മൃഗമോ മത്സ്യമോ മനുഷ്യനോ എന്നില്ല, എന്തിനേയും ഏതിനെയും അവള്‍ തകര്‍ത്തെറിയും. ഒരു സ്ത്രീയുടെ ഏറ്റവും നിശ്ചയദാര്‍ഢ്യമുള്ള അവസ്ഥയും അതു തന്നെ. എങ്കില്‍ താന്‍ ആഗ്രഹിക്കുന്ന പുരുഷന്‍ “ഞാന്‍ നിന്റെ പുരുഷനല്ല, എനിക്കിഷ്ടമുള്ളപ്പോള്‍ നിന്നെവിട്ടു പോകാനുള്ള അവകാശമെനിക്കുണ്ട്” എന്ന് പ്രഖ്യാപിക്കുന്നതോടെ അവള്‍ സ്വയം കീഴടങ്ങി മരണത്തിലേക്കു നടക്കുന്നു. ഇവിടെ അവകാശം സ്ഥാപിക്കലല്ല, പകരം സ്നേഹിക്കപ്പെടാനുള്ള ആഗ്രഹം മാത്രമാണുള്ളത്. മറ്റൊന്നിനും പകരം വയ്ക്കാനാവില്ലെന്നവള്‍ വിശ്വസിക്കുന്ന സ്നേഹം.

സിനിമയുടെ ചില ഘട്ടങ്ങളില്‍ രതിയെ വളരെ വിദഗ്ദമായി ഉപയോഗിക്കുന്നുണ്ട് സംവിധായകന്‍. ഒരവസരത്തില്‍ അവള്‍ക്കത് അവന്റെ വേദന മറക്കാനുള്ള മരുന്നാണെങ്കില്‍, മറ്റൊരവസരത്തില്‍ അത് സ്വയം സമര്‍പ്പണമാവുന്നു.കീഴടങ്ങലിന്റേതായ അവാച്യമായ അനുഭൂതിയും അവളനുഭവിക്കുന്നു. രതി പുരുഷന്റെ ആശയടക്കലല്ല, പകരം സ്ത്രീയുടെ പുരുഷനുമേല്‍ ആധിപത്യം സ്ഥാപിക്കാനുള്ള ആയുധമാകുന്നു.

ശ്രദ്ധേയമായ കാര്യം ഈ ചിത്രത്തില്‍ നടീ നടന്മാര്‍, സംവിധായകന്‍,സംഗീതസംവിധായകന്‍,ഛായാഗ്രാഹകന്‍ എന്നിങ്ങനെ ആരും സിനിമയുടെ സംവേദനത്തെ മുറിപ്പെടുത്തുന്നില്ലായെന്നതാണ്. കഥാപാത്രങ്ങള്‍ പ്രകൃതിയെപ്പോലെ, കാറ്റുപോലെ, മഞ്ഞുപോലെ, കായല്‍ പോലെ, ചങ്ങാടങ്ങള്‍ പോലെ സിനിമയിലേക്കലിഞ്ഞു ചേരുന്നു.

നയന്‍ ഡെഡ്.(NINE DEAD)

2010-03-20T10:00:00.000+03:00

മരണത്തിനെത്ര ഭാവങ്ങളുണ്ട് ? മരണം വെറും പത്തു മിനിട്ടില്‍ നിങ്ങളെത്തേടിയെത്തുമെങ്കില്‍ നിങ്ങളുടെ ചിന്തകളും പ്രവര്‍ത്തികളും എന്തായിരിക്കാം ? നിങ്ങളുടെ അനാസ്ഥ മറ്റൊരു നിരപരാധിയുടെ മരണത്തിനു കാരണമായെങ്കില്‍ ആ തെറ്റിന്റെ പേരില്‍ നിങ്ങള്‍ മരണശിക്ഷക്ക് അര്‍ഹനാണോ? സ്വന്തം തെറ്റു തിരിച്ചറിയുകയും നിങ്ങളുടെ തെറ്റ് മരണത്തിനര്‍ഹമാണെന്നു ബോധ്യപ്പെടുകയും ചെയ്താല്‍ നിങ്ങള്‍ സ്വമേധയാ മരണത്തെ അഭിമുഖീകരിക്കാന്‍ തയ്യാറാവുമോ? അര്‍ഹമായ മരണത്തെ നിങ്ങള്‍ ആത്മധൈര്യത്തോടെ നേരിടുമോ അതോ സകല തെറ്റുകളും ഏറ്റുപറഞ്ഞ് ജീവിതത്തിനു വേണ്ടി കെഞ്ചുമോ?

ചോദ്യങ്ങളെല്ലാം ചോദിക്കുന്നത് നയന്‍ ഡെഡ് എന്ന സിനിമയാണ്.

നിങ്ങളുടെ ജീവിതത്തില്‍ നിങ്ങള്‍ വളരെ നിസ്സാരമെന്നു തള്ളിക്കളഞ്ഞ നിങ്ങളുടെ തെറ്റുകള്‍, നിങ്ങളുടെ നിരപരാധിത്വം ബോധിപ്പിക്കാനാവാതെ നിങ്ങള്‍ അറിഞ്ഞോ അറിയാതെയോ കുറ്റത്തെ മറ്റൊരു നിരപരാധിയില്‍ ചര്‍ത്തുമ്പോള്‍,അത് ഒരു നിരപരാധിയുടെ ജീവന്റെ വിലയെടുക്കുമ്പോള്‍ നിങ്ങള്‍ മരണാര്‍ഹനാണോ? ആണെന്നോ അല്ലെന്നോ പറയുന്നില്ല സിനിമ. പക്ഷേ ഒരായിരം ചോദ്യങ്ങള്‍‌കൊണ്ട് നിങ്ങളുടെ ഉറക്കം കെടുത്തുകതന്നെയാണ്‌.

ഉറപ്പാക്കപ്പെട്ട മരണത്തെ, പത്തുമിനിട്ടിനുള്ളില്‍ ഒരു വെടുയുണ്ടയുടെ രൂപത്തില്‍ ഒന്‍പതു പേരില്‍ ഒരാളെ തേടിവരുമെന്നുറപ്പാക്കുമ്പോഴും, നിങ്ങള്‍ ചെയ്തുപോയ മാപ്പര്‍ഹിക്കാത്ത തെറ്റിനെ ഏറ്റുപറയാന്‍ നിങ്ങള്‍ തയ്യാറാവുമോ? തെറ്റുകള്‍ കാഠിന്യം അവയുടെ സാഹചര്യത്തിനൊത്ത് ആപേക്ഷികമാണെങ്കിലും, താരതമ്യേനെ കുറഞ്ഞ ശിക്ഷയര്‍ഹിക്കുന്ന തെറ്റു ചെയ്തവരാകും അതാദ്യം ഏറ്റു പറയുക. മരണം അര്‍ഹിക്കുന്ന, യാതൊരു ദയയും അര്‍ഹിക്കാത്ത തെറ്റാണ് നിങ്ങള്‍ ചെയ്തുകൂട്ടിയതെന്ന് പൂര്‍ണ്ണബോധ്യമുള്ളപ്പോഴും മരണത്തിന്റെ വെടുയുണ്ട നിങ്ങളുടെ നെറ്റി തുളക്കുന്നതുവരെ അതു മറച്ചു പിടിക്കാനാവും പലപ്പോഴും ശ്രമിക്കുക. ക്രൂരനായ വിധിന്യായക്കാരന്‍ നിങ്ങളുടെ ജീവനെടുക്കുമെന്നുറപ്പാക്കിയാന്‍ നിങ്ങള്‍ക്ക് രണ്ടു വഴികളേയുള്ളു. സമസ്താപരാധം ഏറ്റുപറഞ്ഞ് കാലില്‍ വീണ് ജീവനുവേണ്ടി കേഴുക. അതുമല്ലെങ്കില്‍ എന്റെ ജീവനെരക്ഷിക്കാനായി ഞാന്‍ നിന്റെ മുന്‍പില്‍ കേഴുന്നതുകണ്ട് രസിക്കാന്‍ നിന്നെ അനുവദിക്കില്ല എന്നുറക്കെപ്പറഞ്ഞ് ചിരിച്ചുകൊണ്ട് മരിക്കുക.

നിങ്ങള്‍ വലിച്ചെറിഞ്ഞ ഒരു തീക്കൊള്ളി, ആയിരക്കണക്കിനു ബാലികാബാലന്മാരെ ചുട്ടുകൊന്ന ഒരു അഗ്നിയാഗത്തിനു തുടക്കമായെങ്കില്‍, അതൊരു കൈയ്യബദ്ധമായിരുന്നു എന്നു പറഞ്ഞ് ഒഴിയാനാവും നിങ്ങള്‍ ശ്രമിക്കുക. തീവ്ര വികാരങ്ങളുടെ, മനസ്സിനെ മദിക്കുന്ന, നിങ്ങളുടെ ഉറക്കം കെടുത്തുന്ന ആയിരമായിരം ചോദ്യങ്ങള്‍‌കൊണ്ട് നിങ്ങളെ തീച്ചൂളയിലേക്കു വലിച്ചെറിയാനാണ് ഈ ചിത്രം തിയറ്ററുകളിലേക്കു വരുന്നത്. കണ്ണുകള്‍ തുറന്ന്, കാതുകള്‍ വട്ടം പിടിച്ച്, ശ്രദ്ധാപൂര്‍വ്വം കാണാന്‍, വളരെക്കാലത്തിനു ശേഷം ഇതാ നിങ്ങള്‍ക്കൊരു മനോഹരമായ ചലച്ചിത്രം. നിങ്ങളിനി ഒന്നിനെയും അവഗണിക്കില്ല. ഒരു തെറ്റിനെയും നിസ്സാരവല്‍‌ക്കരിക്കില്ല. കാരണം, അതൊരുപക്ഷേ മറ്റൊരാളുടെ ജീവിതത്തെ ദുരിതപൂര്‍ണ്ണമാക്കിയാലോ?

പാട്രിക് വെഗെ മഹോണിയുടെ തിരക്കഥയില്‍ ക്രിസ് ഷാഡ്‌ലി സംവിധാനം ചെയ്ത ഈ ചിത്രം (2010 മര്‍ച് 9) മനോഹരമായ ഒരഭ്രകാവ്യമാണ്.(അവതാറിന്റെ ആരാധകര്‍ ക്ഷമിക്കുക). പത്തു മിനിട്ടിന്റെ ഇടവേളകളില്‍ ഒരാള്‍ വധിക്കപ്പെടുമ്പോള്‍ ടിക്..ടീക്.. എന്നി മിടിക്കുന്ന ക്ലോക്കിന്റെ ശബ്ദം നിങ്ങളുടെ ഹൃദയതാളെത്തില്‍ ഏറ്റക്കുറച്ചിലുകളുണ്ടാക്കുന്നുവെങ്കില്‍ സിനിമയുടെ സംഗീത സംവിധായകന്‍ ഡാനി ലക്സിനോട് നന്ദി പറയാം.

സിനിമയെ ഇഷ്ടപ്പെടുന്ന സുഹൃത്തുക്കളോട്, ഈ ചിത്രം കഴിയുമെങ്കില്‍ തിയറ്ററില്‍ ചെന്ന് കാണുക. ഒരിക്കലും നിങ്ങളുടെ പണം നഷ്ടപ്പെട്ടു എന്നതോന്നലുണ്ടാവില്ല. മാത്രമല്ല, നിങ്ങള്‍ ചിലവാക്കിയ പണം അര്‍ഹിക്കുന്നുണ്ട് ഈ സിനിമ.

സമീപഭാവിയില്‍ ഓസ്കാറിന്റെയോ കാനിന്റെയോ പുരസ്കാര വേളയില്‍ മെലീസ ജോന്‍ ഹര്‍ട്ട് എന്ന പേര് മികച്ച നടിയായി തിരങ്ങെടുക്കപ്പെടുന്നുവെങ്കില്‍ ഓര്‍ക്കുക, അവരത് അര്‍ഹിക്കുന്നുണ്ട്.

ലൌജിഹാദും മാത്തുക്കുട്ടിച്ചായനും -ഭാഗം രണ്ട്.

2009-12-17T20:06:00.002+03:00

ഭാഗം ഒന്ന് ഇവിടെ.
ലേഖനം മുഴുവൻ വായിച്ച മാത്തുക്കുട്ടിച്ചായൻ അന്ധാളിപ്പോടെ ചോദിച്ചു
കുര്യച്ചാ ഇതൊക്കെ ഒള്ളതാണോ? നമ്മുടെ പെങ്കൊച്ചുങ്ങളൊക്കെ ബാംഗ്ലൂരിൽ
പോകുന്നത് പ്രശ്നമാകുമല്ലോ.

ചോദ്യം ഇഷ്ടപ്പെട്ടെങ്കിലും “കുര്യച്ചാ” എന്ന വിളി പത്രമുതലാളിക്ക് തീരെ
ഇഷ്ടപ്പെട്ടില്ല. നസ്രാണിയാണെങ്കിലും, പത്തുനൂറുകൊല്ലമായി പത്രം
നടത്തുന്ന തന്റെ കുടുംബത്തിന്റെ പാരമ്പര്യമൊന്നും അടക്കാ കച്ചവടം
ചെയ്യുന്ന കുര്യച്ചനില്ലാ എന്നതുതന്നെ കാരണം. തികട്ടിവന്ന ക്ഷോഭം
മനസ്സിലടക്കാനാവതെ കുര്യച്ചൻ,
എടോ താനൊക്കെ അടക്കാകച്ചവടം ചെയ്തങ്ങു കാലം കഴിക്കുന്നതായിരുന്നു നല്ലത്. തന്റെ കോളേജിൽ പിള്ളാരില്ല. അതിനാളുവേണം. ഇവിടത്തെ പെങ്കൊച്ചുങ്ങളൊക്കെ ബാംഗ്ലൂരിനു പോയാൽ തന്റെ കോളേജിൽ ഈച്ച അരിക്കും. പെണ്ണൊള്ളീടത്തേ ആണും കാണു. താനിപ്പോ പോ.
മാത്തുക്കുട്ടീ, തന്റെ ഇടവകയിലെങ്ങാനുമല്ലേ കാടക്കോഴി വളർത്തുന്ന ഒരു ഫാമുള്ളത്?
താനതീന്നു കുറച്ച് കൊടുത്ത് വിട്. സാറാമ്മക്ക് കാട വല്യ ഇഷ്ടമാ.
“ഓ“ മാത്തുക്കുട്ടിച്ചായൻ ഏറ്റു.

കുര്യച്ചൻ ജോണിനോട്,
എടോ താനിത് മാർഗ്രറ്റിനോട് കൊണ്ടക്കൊടുക്ക്. ഞാൻ വിളിച്ചു പറയാം.

ഒന്നിച്ച് വെളിയിലേക്കിറങ്ങുമ്പോൾ, ആകാംഷ അടക്കാനാവാതെ
മാത്തുക്കുട്ടിച്ചായൻ ജോണിനോട് വീണ്ടും ചോദിച്ചു
ജോണേ ഇതൊക്കെ ഒള്ളതാണോ?
കുറച്ചൊക്കെ. ജോൺ അലസമായി പറഞ്ഞു.

അടുത്ത വാരത്തിലെ വനിതാപ്രസിദ്ധീകരണം ഇറങ്ങിയത് തിരുവനന്തപുരത്തുനിന്നും
കോഴിക്കോട്ടുനിന്നും പുറപ്പെടുന്ന ബാംഗ്ലൂരിലേക്കുള്ള ഏയർകണ്ടീഷൻ ചെയ്ത
ഡീലക്സ് ബസ്സുകളുടെ പടവുമായിട്ടായിരുന്നു. കോട്ടയത്തൂന്നും
എറണാകുളത്തൂന്നും പുറപ്പെടുന്ന ബസ്സുകളുടെ പടം എന്തുകൊണ്ടോ കിട്ടിയില്ല.
റിപ്പോർട്ടും കെങ്കേമമായി. വാരികയുടെ വിൽ‌പ്പന സാരമായി വർധിച്ചത് ഏറെ
സന്തോഷം ഉണ്ടാക്കിയത് കുര്യച്ചനെക്കാളേറെ മാത്തുക്കുട്ടിച്ചായനാണ്.
കോളേജിൽ ആളനക്കം വയ്ക്കുന്നുണ്ട്. റേറ്റും ഒന്നു മെച്ചപ്പെട്ടു.
സീറ്റൊഴിവുണ്ടോ എന്ന അന്വോഷണം തകൃതിയായി നടക്കുന്നു. മേമ്പൊടിക്കായി
തുടർവാർത്ത മുത്തശ്ശിപ്പത്രത്തിലും വന്നു.

ഇതിനിടയിൽ അഡ്മിനിസ്ട്ര്റ്ററഛനോട് ഒന്നു കയർക്കേണ്ടി വന്നു മാത്തുക്കുട്ടിക്ക്.
കോളേജിലേക്ക് സീറ്റൊഴിവുണ്ടോ എന്നു ചോദിച്ച് വിളിച്ചവരോടെല്ലാം അച്ചന്റെ
മറുപടി ഒഴിവില്ല എന്നതായിരുന്നു. മാത്തുക്കുട്ടിച്ചായന്റെ ഹാലിളകി.
അഛനെ ക്യാബിനിലേക്കു വിളിപ്പിച്ചു.
അഛനെന്തുട്ടു കോപ്പിനാ സീറ്റൊഴിവില്ല എന്നു കൂവുന്നത്?
സീറ്റൊഴിവുണ്ട്. പക്ഷേ എൻ.ആർ.ഐ സീറ്റു മാത്രം.
ന്നാപ്പിന്നെ ബാക്കി സീറ്റൊക്കെ ആരെക്കൊണ്ടിരുത്ത്വോടോ ?
ആരെയും ഇരുത്താം, നാല്പതുലക്ഷമാകും.
അഛന്റെ സാമ്പത്തികശാസ്ത്രം ഒരുവിധം ബോധിച്ച മാത്തുക്കുട്ടിച്ചായൻ ഒന്നടങ്ങി.
അഡ്മിനിസ്ട്രേറ്ററച്ചൻ പുശ്ചം മനസ്സിലൊതുക്കി വെളിയിലേക്കു പോയി.

അന്നു വൈകുന്നേരം കുര്യച്ചൻ ജോണിനെ ബംഗ്ലാവിലേക്കു വിളിപ്പിച്ചു.
എങ്ങിനുണ്ടെടോ തന്റെ റിപ്പോർട്ട്?
അതിപ്പം പത്രത്തിലല്യോ.
ങ്ങാ. ഇനി പത്രത്തിൽ വേണ്ട. തന്റെ സുഹൃത്തുക്കളില്ലേ മറ്റു പത്രങ്ങളിൽ?
ഉണ്ട്. ജോൺ വിനയാന്വീതനായി.
വിശ്വസ്തരാരെങ്കിലും?
ഉണ്ട് .
ഇനി ഈ വാർത്ത നമ്മുടെ പത്രത്തിൽ വേണ്ട. മറ്റുള്ളവർ ചെയ്യട്ടെ. തൽക്കാലം
ഞാൻ തന്നെ തിരുവനന്തപുരത്തേക്കു മാറ്റുന്നു. ശമ്പളം 200 രൂപ കൂട്ടിത്തരാൻ
ഏർപ്പാടാക്കിയിട്ടുണ്ട്. എല്ലാം തിരുവനന്തപുരത്ത് ശരിയാക്കാൻ ഞാൻ
വിളിച്ചു പറഞ്ഞിട്ടുണ്ട്. താനാ ഫിലിപ്പിനെ ചെന്നു കണ്ടാൽ മതി.
“ആയ്ക്കോട്ടെ.“ 200 രൂപയുടെ വർദ്ധനവിന്റെയും മാസികയിൽനിന്നും
പത്രത്തിലേക്കുള്ള ഉദ്യോഗക്കയറ്റത്തിന്റെയും അർമാദത്തോടെ ജോൺ ഇറങ്ങി.

ലൌജിഹാദും മാത്തുക്കുട്ടിച്ചായനും. 1

2009-12-13T01:25:00.000+03:00

മാത്തുക്കുട്ടിച്ചായൻ നല്ലവനാണ്. ലളിത ജീവിതം. ഏകപത്നീവ്രതം, ദൈവഭയമുള്ളവൻ. സാമൂഹക്ഷേമ തല്പരൻ. പോരെങ്കിൽ അടക്കാകച്ചവടക്കാരനും. കഠിനാധ്വാനി. ആറാംതരത്തിൽ പഠിപ്പു നിറുത്തിയതിൽ പിന്നെ അന്നുമുതലിന്നുവരെ കേരളത്തിലങ്ങോളമിങ്ങോളമുള്ള അടയ്ക്കാ കർഷകരുടെ കാണപ്പെട്ട ദൈവം. കഷടപ്പെട്ടു നാലുകാശുണ്ടാക്കുന്നതിന്റെ വിഹിതം കൃത്യമായി പള്ളിയിലെത്തിക്കുന്ന സത്യകൃസ്ത്യാനി. ആകെയുള്ളൊരു ദുശീലം അത്താഴത്തിനുമുൻപ് രണ്ട് ബോഞ്ച്ചിഗ്ലാസ്സ് (നാരങ്ങാവെള്ളം കുടിക്കാനുപയോഗിക്കുന്ന വലിയ കണ്ണാടി ഗ്ലാസ്) നിറയെ വിദേശമദ്യം കഴിക്കുമെന്നുള്ളതാണ്.. അതിപ്പോ സത്യകൃസ്ത്യാനിയായ നിലക്ക് കർത്താവ്‌ അനുവദിച്ചിട്ടുള്ളതാണെന്ന ന്യായവും ഉണ്ട്.
അങ്ങിനുള്ള സത്യകൃസ്ത്യാനിയും ദൈവ ഭക്തനുമായ മാത്തുക്കുട്ടിച്ചായനാണ് കുന്നംകുളത്തെ പൊതുനിരത്തിൽക്കൂടി നാലാളുകാണേ പള്ളികളായ പള്ളികളുടെയെല്ലാം തമ്പുരാനായ അഭിവന്ദ്യ പിതാവിനെ തെറിയും വിളിച്ച്കൊണ്ട് നടന്നുപോകുന്നത്. ഇടക്ക് കഥാപ്രസംഗത്തിനിടക്ക് പാട്ടുപോലെ :“എന്തതിശയമേ ദൈവത്തിൻ സ്ണേഹം എത്ര മനോഹരമേ” എന്നു കൂട്ടിച്ചേർക്കുന്നുമുണ്ട്. സംഗതി പിതാവിനെയാണ് തെറിപറയുന്നതെങ്കിലും കൂടെ ചേർത്തിരിക്കുന്ന പാട്ടിന്റെ കാര്യത്തിൽ അച്ചായനിതുവരെ കർത്താവായ തമ്പുരാനോട് കെറുവൊന്നുമില്ല എന്നത് നിശ്ചയം. നാട്ടുക്കർക്കു മുഴുവൻ ബഹുമാന്യനായ മാത്തുക്കുട്ടിച്ചായന്റെ രൂപാന്തരത്തിന്റെ കാര്യകാരണങ്ങളീലേക്ക് പോകണമെങ്കിൽ നമ്മൾ കുറച്ചധികം കാലം പുറകോട്ട് പോകേണ്ടിവരും. ഏറെയൊന്നുമില്ല കൂടിയാൽ ഒരു അഞ്ചോ ആറോ കൊല്ലം.

പിണ്ടിപ്പെരുന്നാളിന് മൂന്നു ദിവസം മുൻപാണ് കപ്യാരച്ചനും പാറേലെ ഔതക്കുട്ടിയും വിവരം പറയുന്നത്. തിരുമേനിക്ക് മാത്തുക്കുട്ടിയെ ഒന്നു കാണണം. സേവ്യറച്ചൻ വഴി അറിയിച്ചതാണ്. പെരുന്നാളിന്റന്ന് തിരുമേനി വരുന്നുണ്ട്. ഭവന സന്ദർനവും ഉണ്ടാകും. അതു പുതിയ കാര്യമല്ല. ഇടവകയിലെ ഏസി പിടിപ്പിച്ച മുറികളുള്ള വീടുകളിൽ നസ്രാണികളൂടേതായി മാത്തുക്കുട്ടിയുടെ വീടേയുള്ളു. തിരുമേനിക്ക് വിശ്രമിക്കാൻ പറ്റിയ മറ്റേത് വീടാണ് ഇടവകയിൽ ?. പക്ഷേ മുന്നേകൂട്ടി അറിയിച്ചുകൊണ്ടുള്ള ഈ വരവ് സാധാരണമല്ല. മാത്തുക്കുട്ടിച്ചായന് ആധിയായി. ആധി മാറാൻ ഗ്ഗ്ലാസ്സ് രണ്ടെന്നത് മൂന്നാക്കിയിട്ടും ആധി മാറിയില്ല. വരാനുള്ളത് വഴിയിൽ തങ്ങില്ലെന്നു പറഞ്ഞതുപോലെ പിണ്ടിപ്പെരുന്നാളു വന്നു. കൂടെ തിരുമേനിയും. പെരുന്നാളുകൂടലും മറ്റു പലവകകളും കഴിഞ്ഞ് ഉച്ചയോടെ തന്നെ തിരുമേനിയും കൂടെ പത്തുപന്ത്രണ്ട് ചെമ്മാച്ചമ്മാരും മാത്തുക്കുട്ടിയുടെ വീട്ടിലെത്തി. കൂടെ പൊന്തക്കാന ഇടവകയിലെ മണിപ്പൂരച്ചനുണ്ടായിരുന്നതുകെണ്ടാണോ എന്തോ മാത്തുക്കുട്ടീച്ചായന്റെ ഭാര്യ കൊച്ചുത്രേസ്യ വെളിയിലേക്കു വന്നില്ല. മണിപ്പൂരച്ചൻ പണ്ട് ഇടവകയിലിരുന്നതാണ്. വന്നകാലം തൊട്ട് പോകുന്നതു വരെ അച്ചൻ എല്ലാ ശനിയാഴ്ചകളിലും കൊച്ചുത്രേസ്യയെ വേദോപദേശം നൽകാനായി വീട്ടിലെത്തിയിരുന്നു. വേദോപദേശത്തിന്റെ അസ്കിത അറിഞ്ഞതുമുതൽ അച്ചൻ ഇടവകയിൽ നിന്നും പോകുന്നതുവരെ മാത്തുക്കുട്ടിച്ചായന് ഉറക്കമില്ലാത്ത നാളുകളായിരുന്നു. അച്ചനെ ഇടവകയിൽനിന്നും മാറ്റിയ വകയിൽ അടക്കാകച്ചവടത്തിൽനിന്നും ഉണ്ടായ കുറേ പണം ഒഴുകിപ്പോയി.

വിഭവ സമൃദ്ധമായ ഊണും ഒരൊന്നര ഉറക്കവും കഴിഞ്ഞാണ് തിരുമേനിയുടെ വക ചരിത്രം തിരുത്തിക്കുറിച്ച ചോദ്യമുണ്ടായത്. അതുകേൾക്കാൻ തൽക്കാലം ചെമ്മാച്ചന്മാരോ മാത്തുകുട്ടിയുടെ വാമഭാഗം കൊച്ചുത്രേസ്യയോ ഉണ്ടാകില്ലെന്നുറപ്പുവരുത്തുയിരുന്നു തിരുമേനി. മറുത്തൊന്നും പറയാനാവില്ല. ആവശ്യപ്പെടുന്നത് തിരുമേനിയാണ്. കർത്താവായ തമ്പുരാന്റെ കാണപ്പെട്ട പ്രതിരൂപം. എന്നാലും ഒട്ടൊന്ന് ആലോച്ചിച്ചു മറുപടി പറയേണ്ടിയിരുന്നതാണ്. പക്ഷേ കഴിഞ്ഞില്ല. സമ്മതിച്ചു. കാശുകുറേ ഇറങ്ങുന്നതാണ്. കോളേജെന്നൊക്കെ പറഞ്ഞാൽ ഒന്നും രണ്ടും ലക്ഷത്തിൽ തീരില്ല. നൂറുകണക്കിനു ലക്ഷങ്ങൾ ചേരണം. താൻ കൂട്ടിയാൽ കൂടുമോ. ആയിരിക്കും. ന്നാലും വാക്കു പറയേണ്ടിയിരുന്നില്ല. അടക്കാ കച്ചവടം പോലെയല്ല എഞ്ചിനിയറിംഗ് കോളേജും മെഡിക്കൽ കോളേജും തുടങ്ങുന്നത്. ആറാം ക്ലാസ്സിൽ നിറുത്തിയ തനിക്ക് സംഗതിയെക്കുറിച്ച് തീരെ വശമില്ല. പക്ഷേ തിരുമേനി പറയുന്നതങ്ങനെയല്ല. ഉള്ളതിറക്കിയാൽ മതി. വിലയും നിലയും മാറും. ഇപ്പോഴുള്ളതിന്റെ നൂറിരട്ടി ബഹുമാനം വരും നാട്ടുകാർക്ക്. മാത്രവുമല്ല നമ്മുടെ നാട്ടിൽ നമ്മുടെ ക്ടാങ്ങക്ക് പഠിക്കാൻ നമ്മുടെ സ്വന്തം കോളേജ്..! അതും നിർമ്മല മാതാവിന്റെ പേരിൽ. സംഗതി കേൾക്കാനൊരു സുഖമൊക്കെയുണ്ട്. പക്ഷേ പണം ? അതിനും തിരുമേനി ചില വഴികളൊക്കെ കണ്ടിട്ടുണ്ട്. അമേരിക്കയിലുള്ള ചിലരൊക്കെ സഹായിക്കും. പിന്നെ അരമന വക ചില്ലറ വേറെ. കോളേജ് അനുവദിക്കലും മറ്റുകാര്യങ്ങളും കൈകാര്യം ചെയ്യാൻ തിരുവനന്തപുരത്ത് ജോസഫച്ചൻ മിടുക്കനാണെന്നാണ് പറഞ്ഞത്. മാത്രമല്ല നമ്മൂടെ ആളുതന്നെയല്ലേ മുഖ്യനും. കാറ്റൊള്ളപ്പോ തൂറ്റണമെന്നല്ലേ പഴമൊഴി. മറുത്തൊന്നും ചിന്തിച്ചില്ല. കാറൊന്നു മാറ്റാൻ തീരുമാനിച്ച് മാത്തുക്കുട്ടിച്ചായൻ സുഖമായി ഉറങ്ങി.

എടുപിടിപോലെയാണ് കാര്യങ്ങൾ നീങ്ങിയത്. വർഷത്തോട് വർഷം തികഞ്ഞപ്പോൾ പള്ളീവക സ്ഥലത്തിന്റെ വടക്കു മാറി പുത്തനൊരു കോളേജു വന്നു. മാത്തുക്കുട്ടിച്ചായന്റെ കാലംചെയ്തുപോയ പിതാവ് പൊറിഞ്ചു വറുഗീസിന്റെ പൂർണ്ണകായ ഛായ ചിത്രം പ്രവേശനഹാളിൽ തൂക്കിയ പുത്തൽ കെട്ടിടത്തിൽ നിർമ്മല ഹൃദയാ കോളേജ് ഒഫ് എഞ്ചിനിയറിംഗ് പ്രവർത്തിച്ചു തുടങ്ങി. കാര്യങ്ങളൊക്കെ നിയന്ത്രിക്കുന്നത് വിവരവും വിദ്യാഭ്യാസവുമുള്ള അച്ചന്മാരായതിൽ മാത്തുക്കുട്ടിച്ചായനു തീരെ എതിർപ്പില്ല. ചെയർമാൻ സ്ഥാനത്ത് മാത്തുക്കുട്ടിച്ചായൻ തന്നെ. പക്ഷേ കോളേജിൽ തനിക്കനുവദിച്ച മുറിയിൽ വച്ചിരുന്ന ബോർഡിൽ എഴുതിയിരുന്ന പേര് കണ്ടപ്പോൾ ഒരു ശങ്ക തോന്നാതിരുന്നില്ല. “മാത്യു ഫ്രാൻസിസ് വർഗ്ഗീസ്.“ അതാരാപ്പാ ഇത് എന്നു ചോദിക്കാനാഞ്ഞതാണ് , പിന്നെ വിട്ടു. നമക്കറിയാത്ത കാര്യങ്ങളെന്തിനു ചോദിച്ച് വഷളാക്കണം.

ആദ്യത്തെ വർഷത്തെ ക്ലാസ്സുകൾ കഴിഞ്ഞ് അടുത്ത വർഷത്തെ അഡ്മിഷൻ തുടങ്ങിയപ്പോഴാണ് അച്ചന്മ്മാർ കാര്യം പറഞ്ഞത്. തീരെ കുട്ടികളില്ല. 40 ലക്ഷത്തിൽ തുടങ്ങിയതാണ് , താണു താണ് പതിനാലു ലക്ഷത്തിലെത്തിയിട്ടും കുട്ടികളില്ല. ഇക്കണക്കിനു പോയാൽ അടുത്തവർഷം കൂടുമ്പോൾ തുടങ്ങിയതുപോലെത്തന്നെ കോളേജ് പൂട്ടേണ്ടിവരും.നമ്മൂടെ നാട്ടിലെ ക്ടാങ്ങക്കു പഠിക്കാനാണു കോളേജ് തുടങ്ങിയതെങ്കിലും പിള്ളാരെല്ലാം പഠികുന്നതങ്ങ് ബാംഗ്ലൂരിലും മണിപ്പാലിലുമാണ്. ആവലാതി കൂടിയപ്പോൾ തിരുമേനിയെ കാണാൻ തന്നെ തീരുമാനിച്ചു. അഡ്മിനിസ്ട്രേറ്റരച്ചനും പ്രിൻസിപ്പാളച്ചനും കൂടെ ഉണ്ടായിരുന്നു തിരുമേനിയെ കാണുമ്പോൾ. തന്റെയീ പാരവശ്യമൊന്നും തീരെ ഏശിയ ഭാവമില്ല തിരുമേനിക്ക്. എല്ലാം ഒരു സാ‍ മട്ട്. ആകെ ഒരു പരിഹാരമേയുള്ളു. കോട്ടയത്തിനു പോകണം. പത്രം നടത്തുന്ന കുര്യാച്ചനെ കാണണം. കത്തും തന്നു തിരുമേനി. എന്തായാലും ഇവ്ട വരെ വന്നതല്ലേ ഒരു മുത്തവും കൊടുത്തു മോതിരത്തേലോട്ട്.

കോട്ടയത്ത് പത്രമാപ്പീസിലോട്ട് ചെല്ലുമ്പോൾ കുര്യാച്ചൻ ബംഗ്ലാവിലുണ്ടെന്നാണ് പറഞ്ഞത്. കുര്യാച്ചനെക്കണ്ടു കത്തും കൊടുത്തു. കുര്യച്ചൻ ഫോണെടുത്തു വിളിച്ചത് ചീഫ് എഡിറ്റർ ജേക്കബിനെ. കാര്യം ചെറിയരീതിയിൽ കുര്യച്ചൻ തന്നെ പറഞ്ഞു. അരമണിക്കൂറിനകം കുര്യച്ചന്റെ വനിതാ മാഗസീനിന്റെ റിപ്പോർട്ടൽ ജോൺ തുമ്പക്കാവിലും ജേക്കബും കൂടെ ഹാജരായി. ജോൺ തുമ്പക്കാവിൽ കൈയ്യിലിരുന്ന ഫയൽ കുര്യച്ചനെ ഏൽ‌പ്പിച്ചു. അത് കുര്യച്ചൻ മാത്തുക്കുട്ടിച്ചായനേയും.
അതിലെ ലേഖനത്തിന്റെ തലക്കെട്ടിതായിരുന്നു. “മറുനാട്ടിൽ പഠിക്കുന്ന മലയാളി പെൺക്കുട്ടികൾ വഴിതെറ്റുന്നു.” ബാംഗ്ലൂർ ബസ്സിലെ രതി നാടകങ്ങൾ. പരമ്പര.

വല്ലാതെ നീളം കൂടിയതിനാൽ നില്പനടിക്കാൻ വയ്യ, എത്രയും പെട്ടെന്നു തീർക്കാം. രണ്ടല്ലെങ്കിൽ മൂന്നിൽ.

കവിത.

2009-12-10T21:56:00.000+03:00

ഉണ്ണണമെന്നും മുറങ്ങണമെന്നും,
പെണ്ണുങ്ങളൊടു രസിക്കണമെന്നും
കണ്ണില്‍ക്കണ്ട ജനങ്ങളെയെല്ലാം
എണ്ണിക്കൊണ്ടു ദുഷിക്കണമെന്നും
ഇത്തൊഴിലല്ലാതിപ്പരിഷക്കൊരു
വസ്തുവിചാരമൊരിക്കലുമില്ല.
(കുഞ്ചൻ നമ്പ്യാർ)

അഫ്ഗാനിസ്ഥാനിൽ‌‌ എത്ര-കേരളാ വാച്ച് വാർത്ത.

2009-12-04T05:04:00.000+03:00

അഫ്ഗാനിസ്ഥാനിൽ എത്ര അമേരിക്കൻ പട്ടാളക്കാരുണ്ട് ? കൃത്യമായ കണക്ക് കേരളാവാച്ച് ഓൺലൈൻ പത്രത്തിലുണ്ട്.

പടത്തിൽ ഞെക്കിയാൽ വലുതാക്കി കാണാം. പച്ച നിറത്തിൽ അടയാളപ്പെടുത്തിയിട്ടുണ്ട്.

വായിച്ചുകഴിഞ്ഞപ്പോൾ ഒരു സംശയം. അപ്പോ സാറന്മാരേ ഇപ്പോ എത്രപേരുണ്ട് അവിടെ?

മരണം വിളിച്ച മനോഹരതീരം.

2009-11-28T21:48:00.004+03:00

ഈ ചിത്രത്തിന്റെ യദാർഥ അവകാശി ആരാണെന്ന് ഇതുവരെ അറിയില്ല. ചിത്രത്തിന്റെ ഉടമയ്ക്ക് എന്തെങ്കിലും പരാതിയുള്ളപക്ഷം ചിത്രം മാറ്റുന്നതായിരിക്കും
നാലു തലമുറകൾ നമുക്കു മധുരം പകർന്നുതന്ന മൂവാണ്ടൻ മാവിനെ കാർപാർക്കു നിർമ്മിക്കാനായി മുറിച്ചു കളഞ്ഞിട്ടുണ്ട് നമ്മൾ. അതൊരു തെറ്റല്ല. ഇന്നു നമുക്കാവശ്യം മൂവാണ്ടൻ മാവല്ല. കാർപാർക്കാണ്. നിറനിലാവു പരക്കുന്ന മുറ്റം നമ്മൾ മേൽ‌ക്കൂരകെട്ടി മറച്ചതും കാലഘട്ടത്തിന്റെ ആവശ്യമായതുകൊണ്ടു മാത്രം. മുറ്റത്തിരിക്കുമ്പോൾ മഞ്ഞ് കൊണ്ട് ജലദോഷം പിടിപെടുന്ന നമ്മുടെ കുട്ടികൾക്ക് നിറനിലാവെന്തെന്ന് കാട്ടിക്കൊടുക്കാൻ നിലാവിന്റെ ഒരു പടം പകൽക്കിനാവനോട് പറഞ്ഞ് നമുക്ക് പകർത്തിവയ്ക്കാം.

ഇവിടെ ഇതാ മരണം വിളിച്ച ഒരു തീരം കൂടി. “ഭൂമിയിൽ ഒരു സ്വർഗ്ഗമുണ്ടെങ്കിൽ അതിവിടെയാണ്, അതിവിടെയാണ്, അതിവിടെയാണ് . ദൈവത്തിന്റെ സ്വന്തം നാട്. “ എന്നു വിളിച്ചു പറയിച്ച ഈ മനോഹരതീരത്തിന്റെ ആയുസ്സ് ഇനി നാളുകൾ മാത്രം. ഒരു കിലോമീറ്റർ മാത്രം അകലത്തിൽ വരുന്ന കപ്പൽ സങ്കേതം, പൂവാറിൽ വരണമെന്ന് സമ്പത്ത് എം.പി. പാർലമെന്റിൽ ആവശ്യപ്പെട്ട കപ്പൽ നിർമ്മാണശാല. ഇതെല്ലാം വന്നുകഴിഞ്ഞാൽ ഈ മനോഹരതീരത്തെ നമുക്കു മറക്കാം. എണ്ണപ്പാട് മൂടിയ കടൽതീരത്തെ കാണാറാകുന്നതിനു മുൻപ്, നിങ്ങളൊരു മലയാളിയാണെങ്കിൽ, നിങ്ങൾക്കൊരു മകൻ/മകൾ ഉണ്ടെങ്കിൽ ഈ തീരത്തേക്കൊന്നു പോകു. നാളെ അവൾ പറയട്ടെ നമുക്ക് മനോഹരമായ ഒരു തീരമുണ്ടായിരുന്നു ഇവിടെ എന്ന്. ഇത് കോവളം കടൽത്തീരം.

സി.പി. രാമസ്വാമി അയ്യർ- ചർച്ച.

2009-11-16T00:49:00.000+03:00

എന്റെ സി.പി. രാമസ്വാമി അയ്യരെ ഓർക്കുമ്പോൾ. എന്ന പോസ്റ്റിൽ ബ്ലോഗിൽ നടന്ന ചർച്ചകൾക്കു പുറമേ തിരുവനന്തപുരം ബ്ലോഗു ഗ്രൂപ്പിൽ നടന്ന ചർച്ച, പങ്കെടുത്ത അംഗങ്ങളുടെ അനുവാദത്തോടെ ഇവിടെ ചേർക്കുന്നു.

Kenny Jacob :

കാലം ഒരിക്കൽ തിരുവനന്തപുരത്തെ കെ.സി.എസ്. മണിയുടെ സ്മാരകം നിൽക്കുന്ന സ്ഥലത്തുനിന്നും അതു മാറ്റി, സി.പി.രാമസ്വാമി അയ്യരുടെ പ്രതിമ സ്ഥാപിക്കും.

Waiting for that day when Kerala recognizes a real visionary and true leader.

അങ്കിൾ :

ഒഴുക്കിനെതിരേ നീന്തുകയാണോ, ഉറുമ്പേ. എഴുതിയത് നേരാണെങ്കിലും, എതിർപ്പ് വിളിച്ചു വരുത്തും.

Govindan Kutty :

സി പി നല്ലതു പലതും ചെയ്തു. പ്രധാനമന്ത്രിയായാൽ അങ്ങനെ ചെയ്തുപോകും. സി പി ബുദ്ധിമാനും ഭാവനാശാലിയുമായതിനാൽ, നല്ലത് കൂറ്റുതൽ ചെയ്തു. ചീത്തതോ? നേതാവ് എന്ന നിലക്ക് അദ്ദേഹത്തിന്റെ ഏറ്റവും വലിയ ദൂഷ്യം താൻ നേതാവാണ്, താനേ നേതാവാകാവൂ, തന്റെ നേതൃത്വത്തെ ചോദ്യം ചെയ്യുന്നവനെ വെച്ചേക്കില്ല എന്ന ശാഠ്യമായിരുന്നു. എല്ലാം തന്നിൽ തുടങ്ങുകയും ഒടുങ്ങുകയും ചെയ്യണമെന്ന് ആഗ്രഹിച്ച ആ ബുദ്ധിമാൻ എന്ന്റൊന്തൊരു ബോറൻ ആയിരുന്നു! ആ വഴിയേ പോയ ചെറുതും വലുതുമായ ആളുകളെ നമ്മ്ല് നേരത്തേ ജർമ്മനിയിലും ഇറ്റലിയിലും റഷ്യയിലും റോമിലും കണ്ട്യിട്ടുണ്ട്.

Kenny Jacob :

സി പി നല്ലതു പലതും ചെയ്തു. പ്രധാനമന്ത്രിയായാൽ അങ്ങനെ ചെയ്തുപോകും

If this were true Kerala automatically would have become a paradise.

Santhosh Kumar :

ചുരുക്കി പറഞ്ഞാല്‍ തിരുവിതാംകൂര്‍ രാജകുടുംബമാണ്‌ ചതിയര്‍. സി പി ഒരു ബലിയാടും.

കെ സി എസ്‌ മണിയുടെ പ്രതമ മാറ്റുമെന്ന്‌ പറയുന്നത്‌ ഒരു കടന്നകൈ അല്ലേ കെന്നി...

Kenny Jacod:

History is always written by the side that wins. CP lost and is portrayed as a dictator. If he had won we would have learned that Jawaharlal Nehru was a power hungry and tried to conquer kerala.

KCS Mani can be thought of as a freedom fighter like Bhagat singh or as a rebellious assassin like the Naxalites. It all depends on who wins.

Unfortunately for CP lost and KCS mani won. But as intelligent and unbiased people we need to give credit to CP for whatever he has done, and TRY to see history from a neutral point of view.

Think about this...

(old Kerala) = Punjab = Kashmir = every other state from which we have see (rebellions = freedom freedom struggle)

AntonyBoban:

“@ സന്തോഷ് കുമാർ,

കെന്നി പറഞ്ഞതു തന്നെ,

ജയിച്ചവന്റെ വീര കഥകളെയാണ് നാം എല്ലാക്കാലത്തും ചരിത്രമെന്ന പേരിൽ വായിക്കുനത്.

കെ.സി.എസ്. മണിയുടെ പ്രതിമ മാറ്റണമെന്നത് കടന്ന കൈയ്യെന്നല്ല, തീവ്രവാദമെന്നാണ് വിളിക്കേണ്ടത്.

പക്ഷേ മഹാനായ ആ വ്യക്തിക്ക് നമ്മൾ ചെയ്യേണ്ട ഏറ്റവും നല്ല സ്മരണാഞ്ജലിയാകണം അത്തരമൊരു നടപടി.

@ ഗോവിന്ദൻ കുട്ടി,

സി.പി. യുടെ പ്രതിമയുടെ മൂക്കുതകർത്ത സി.പി. സത്രം ആക്രമണത്തിൽ എത്രപേർ അറൻസ്റ്റ് ചെയ്യപ്പെട്ടിട്ടുണ്ട്?

സി.പി.യുടെ ആത്മസംയമനത്തിന്റെ ഉത്തമ ഉദാഹരണമാണ് ആ സംഭവം.

“പ്രധാനമന്ത്രിയായാൽ അങ്ങനെ ചെയ്തുപോകും“

സൻസ്ഥാന രൂപീകണത്തിനു ശേഷം അമ്പതിലേറെ കൊല്ലം കഴിഞ്ഞിട്ടും നമ്മളെന്തു ചെയ്തു എന്നൊരു കണക്കെടുപ്പു നടത്തുന്നതു നന്നായിരിക്കും.

Arun Mohan:

Dear Santhosh

This trend is absolutely wrong. Because its nothing short of shifting "Mandhu" from one leg to another.... The Kerala Society has done grave injustice to Sir C.P. But to every extend all the decisions which Sir C.P has taken was in joint consultation with the H.H The Maharaja Sree Chitra Thirunal, because H.H The Maharaja was not a titular rule in Travancore. He was powerful and a great visionary in all possible ways. Perhaps as per the Bureaucractic tradition, laid down ever since formation of Travancore Sree Moolam Council (Legislature Assembly), most of the Raja's decision were in joint consultation with the Diwan and the Durbar as whole

All decisions of travancore, were taken in joint consultation with H.H The Maharaja, his Mother H.H Junior Maharani Rajamatha Sethu Parvathy Bai, H.H Queen Kartika Thirunal and her husband H.H 1st Prince Col.Goda Varma Raja. So the current trend of portray positive aspects of Travancore to Diwan and blaming on atrocities on Royal Family is simple reverse what happened in past.

Both Good and bad decisions of Travancore should be attributed to the entire Administration, not a single person. Diwan Sir C.P was a great powerful administrator and wise visionary. Several of his recommendations, made one of the biggest strives in Kerala's progress. But these visions were shared by the Royal Family.

Just for example, prior to Sir C.P Committee on Temple reforms that recommended for Great Temple Entry Proclaimation, Travancore Royal Family were shed its orthodoxity and initating several reforms against Casteism and creed. The first approach was H.H Maharani Sethu Lakshmi Bai's decree against Devadasi system, establishment of Travancore Downtrodden Commission to report conditions of lower castes, final abolishment of distance system followed among higher castes when seen near lower castes etc.In early 1900s, H.H The Maharaja Sree Moolam Thirunal brought second reforms to Sree Moolam State Council (Legislature Assembly) by which lower castes hindus, ezhavas, dheevras gain 3% reservations based on caste, without consideration of their land value. H.H The Maharaja Chitra Thirunal only continued this reforms by taking a bold approch, by adopting the reforms recommended by Sir C.P

Hence attributing Travancore's war against Casteism or Creed, should not limited to exclusive reforms of Sir C.P

Likewise in your report, I saw, Sir C.P buliding the first Airport, which is a real factual error. H.H 1st Prince Col. Goda Varma Raja who was the Husband of H.H Queen Karthika Thirunal only took several initiatives leading to Trivandrum's development. GV Raja who was man behind in establishing a Royal Airforce airport in Trivandrum, followed by establishment of Kerala Flying club and a Mini Aerodorme, which became today's Trivandrum International Airport

GV Raja was instrumenting in developing the first masterplan for Trivandrum development, which included several mass electrification work, buliding State powerhouse and Sewage systems......

Ofcourse these all worked along with the Diwani Council...............

But I feel, this trend of blaming Royal family and praising Diwan will not do any help, as both worked together for both progress as well as decline of the Travancore state, together......... So the praises and blames must be distributed together

On Behalf of the Royal Family, I must thank for several bloggers like you, for your honest attempt to remove the pseudo approach towards the one of the greatest administrator of Kerala among Malayalees

With regards
Arun

Arun Mohan :

Well said Kenney

If on that day KC Mani's attempt failed and Sir C.P continued as Diwan, within a month, Travancore-Cochin Kingdoms would be an Independent country.

For many who does not know, in June 1947, Travancore declared its Independence with effect from Paramount British power leave India. Travancore with its adoption of American Model constitution, would be the only South Asian country having an Semi Monarchy American styled Presidential System. A special Undersecretary of Diwan, Keshava Menon ICS had discussions with Secretary of State in US and the American President Franklin Rosevelt was the first international personality who supported Travancore in August 1947. But soon with resignation of Sir C.P and loss of stablity in government in Travancore as well as Sardar Vallabhai Patel's strong approach against any foreign powers attempting to meddle into Indian Sub continent, soon resulted in US to drop its plans to recongize Travancore Kingdom

This was the most immedidate reason why Maharaja decided to sign accession treaty with India, as he was sure that he can't be sure of support of US in this regard........

If Sir C.P didn't resign, surely US would support Travancore and India won't dare to attack the state. As in case of any US Ally, Travancore would usher another era of prosperity like Japan etc.........

Unforunately the game was lost and thus we made Sir C.P as a traitor and under India we donot gain anything better than average........... This was our fate which couldn't be avoided.........

With regards
Arun

Riyad MR:

ഒരു മുറിപ്പാട് വരുത്തിയ വത്യാസം

സ്വാതന്ത്യാനന്തരം അല്ലറ ചില്ലറ രാജ്യങ്ങളെ എങ്ങനെ കൈകാര്യം ചെയ്യണം എന്ന് തീരുമാനിക്കുന്ന കമ്മിറ്റിയില്‍ കൂടി ഉണ്ടായിരുന്ന ആളാണ്‌ പട്ടാഭിരാമ രാമസ്വാമി അയ്യര്‍. അദ്ദേഹം ദിവാനായിരിക്കുന്ന തിരുവിതാം‌കൂര്‍ സ്വതന്ത്ര ഇന്ത്യയില്‍ ചേരാന്‍ വിസമ്മതിച്ചുകൊണ്ട് അയച്ച കത്തു കിട്ടി അന്തം വിട്ട മൗണ്ട് ബാറ്റണ്‍ സി പിയെ ഡെല്‍ഹിക്കു വിളിപ്പിച്ചു.

സി പിയുടെ ട്രാവന്‍‌കൂര്‍ തീരുമാനം ഉറച്ചതായിരുന്നു. അമേരിക്കന്‍ മോഡല്‍ രാജ്യം. അമേരിക്കന്‍ പ്രസിഡന്റിന്റെ സ്ഥാനത്ത് ദിവാന്‍. ഒരൊറ്റ വത്യാസം മാത്രം- ദിവാനെ നിയമിക്കുന്നത് മഹാരാജാവാണ്‌. തിരഞ്ഞെടുപ്പും വോട്ടുമൊന്നുമില്ല.

സര്‍‌ദാര്‍ പട്ടേലും മീറ്റിങ്ങിലുണ്ടായിരുന്നു. "ഇന്ത്യയില്‍ നിന്ന് വേറിട്ടൊരു രാജ്യം എന്ന സ്വപ്നവുമായാണ്‌ താങ്കള്‍ തിരുവിതാംകൂറിലേക്ക് മടങ്ങുന്നതെങ്കില്‍ നിങ്ങളുടെ ജീവന്‍ തന്നെ അപകടത്തിലാവും ഓര്‍ത്തോളൂ" പട്ടേലിന്റെ ഉരുക്കിന്റെ കാര്‍ക്കശ്യമുള്ള മുന്നറിയിപ്പ് സി പിയെ കുലുക്കിയില്ല.
"നിങ്ങള്‍ക്ക് എന്നെ വധിക്കാന്‍ കല്പ്പിക്കാന്‍ കഴിയുമെന്ന് എനിക്കറിയാം, പക്ഷേ ഒന്നോര്‍ത്തോ, ഞാന്‍ കൂടി മരിച്ചാല്‍ പിന്നെ കമ്യൂണിസ്റ്റുകളെ നേരിടാന്‍ നിങ്ങള്‍ ഒറ്റയ്ക്കാകും"

സി പി മടങ്ങി. ജൂലായ് പതിനെട്ട് ആയിരത്തി തൊള്ളായിരത്തി നാല്പ്പത്തേഴില്‍ തിരുവിതാംകൂര്‍ രാജാവ് വിളംബരം ചെയ്തു, ആഗസ്റ്റ് ഇരുപത്താറു മുതല്‍ തിരുവിതാംകൂര്‍ മഹാരാജ്യം സ്വതന്ത്ര രാജഭരണ പ്രദേശമാകുമെന്ന്.

ജനം ഇളകി. സര്‍ സി പിക്കു പിന്നില്‍ എക്കാലവും ഉറച്ചു നിന്ന മന്നത്തു പത്മനാഭന്‍ പോലും ഇതില്‍ പ്രതിഷേധിച്ച് ജയില്‍ വാസം വരിച്ചു. പുന്നപ്രവയലാറില്‍ തുടങ്ങി ദിവാനെതിരേ പരസ്യലഹള നടത്തിയ കമ്യൂണിസ്റ്റുകള്‍ ദിവാനെയും മന്ത്രിമാരെയും ബോംബെറിഞ്ഞു കൊല്ലാന്‍ പദ്ധതിയിട്ടു എന്നാല്‍ അതിനു മുന്നേ ജൂലൈ ഇരുപത്തഞ്ചിന്‌ റെവല്യൂഷണറി സോഷ്യലിസ്റ്റുപാര്‍ട്ടിക്കാരനായിരുന്ന ഒരു ചെറുപ്പക്കാരന്‍ തിരുവനന്തപുരത്തു ഒരു സംഗീതപരിപാടി കേള്‍ക്കാനെത്തിയ ദിവാന്റെ മുഖത്തു വെട്ടി ഗുരുതരമായ പരിക്കേല്പ്പിച്ചു. മഹാരാജാവ് തന്റെ തീരുമാനം മാറ്റുകയാണെന്നും റിപ്ലബിക്ക് ഓഫ് ഇന്ത്യയില്‍ ചേരാന്‍ തനിക്കു സമ്മതമാണെന്നും മൗണ്ട് ബാറ്റണു ടെലിഗ്രാം അടിച്ചു.

( Thomas J Nossiter, Royal Institute of International Affairs എഴുതിയ Communism in Kerala: A study of political adaptation എന്ന പുസ്തകത്തില്‍ നിന്ന്)

കെ സി എസ് മണി സി പിയുടെ മുഖത്തിട്ടു വെട്ടയില്ലെങ്കില്‍(മൂക്ക് അറുത്തു എന്നത് സത്യമല്ല എന്ന് സി പിയെ ചികിത്സിച്ചവര്‍ പിന്നീട് പറഞ്ഞിട്ടുണ്ട്, കവിളിലും കണ്ണിനു മീതേയുമായിരുന്നു വെട്ടെന്ന് അവര്‍ പറയുന്നു) എന്തായിരിക്കും സംഭവിച്ചിരിക്കുക? ഒരു പക്ഷേ, കമ്യൂണിസ്റ്റുകള്‍ ബോംബേറില്‍ വിജയിച്ചേനെ, ഇല്ലെങ്കില്‍ ജനസമരം രൂക്ഷമായി ഒടുക്കം സി പി അടിയറവു പറഞ്ഞേനെ.

ഇതൊന്നുമില്ലെങ്കിലും സര്‍‌ദാര്‍ പട്ടേല്‍ ബലം പ്രയോഗിച്ചു തന്നെ തിരുവിതാംകൂര്‍ ഇന്ത്യയില്‍ ലയിപ്പിക്കുമായിരുന്നു. ആ വെട്ട് പക്ഷേ ഒരു വത്യാസമുണ്ടാക്കി. സ്വതാല്പ്പര്യങ്ങള്‍ക്ക് വേണ്ടി ഒരു ജനതയുടെ ആഗ്രഹത്തെ കൊന്നു കുഴിച്ചു മൂടാന്‍ ശ്രമിച്ചാല്‍ ഏതു ദിവാനെയും പൊന്നുതമ്പുരാനെയും കൈകാര്യം ചെയ്യാന്‍ ആളുകള്‍ മടിക്കേണ്ടതില്ല എന്ന് അവര്‍ക്കു തന്നെ ബോദ്ധ്യം വന്നു. സ്വതന്ത്ര ഇന്ത്യയിലേക്ക് അവര്‍ ലയിക്കുമ്പോള്‍ നല്ലൊരളവിലെങ്കിലും രാജാവിനെയും ദിവാനെയും പേഷ്കാരെയും അധികാരിയെയും മാടമ്പിയെയും എല്ലാം മനസ്സില്‍ നിന്ന് അവര്‍ പറിച്ചു കളഞ്ഞിരുന്നു.

എന്റെ അച്ഛന്‍ സ്കൂളില്‍ പഠിക്കുമ്പോള്‍ എന്നും അസംബ്ലിയില്‍ വഞ്ചീശ മംഗളം ആയിരുന്നു പാടിയിരുന്നത്. ഞാന്‍ "എല്ലാ ഭാരതീയരും എന്റെ സഹോദരീ സഹോദരന്മാരാണ്‌ " എന്നും.

103.അനന്തപുരിയിലെ നീചാധിപന്‍

അന്തപുരിയിലെ മഹാരാജാവയിരുന്ന സ്വാതിതിരുനാളിനെ ,സംഗീത ലോകത്തെ രാജവെന്നും ,രാജാക്കാന്മാരിലെ സംഗിതചക്രവര്‍‌ത്തിയുമെന്നാണ്‍ അറിയപ്പെടുന്നത്.
മെല്‍‌പ്പടിയാനെ, വൈകുണ്ട സ്വാമികള്‍‌ -നിചാധിപന്‍‌ എന്നാണു വിളിച്ചത്.1823-ല്‍‌ തിരുവിതാം കൂറില്‍‌ തന്റെ പ്രസ്ഥാനത്തോടൊപ്പം ,ജാതിവിരുദ്ധ-അയിത്ത വിരുദ്ധ
സമരവും ഉയര്‍‌ത്തികൊണ്ടു വന്നു.

ചാന്നാര്‍‌ മുതല്‍‌ താഴോട്ടുള്ള ജാതിപെണ്ണുങ്ങള്‍‌ക്ക് -മേല്‍‌വസ്ത്രമണിയാനുള്ള സ്വാതന്ത്രിയം ഇല്ലായിരുന്നു.തെക്ക്ന്‍‌തിരുവുതാം ക്കഊറില്‍‌
നിന്നുമാ..സമരം ,കൊല്ലം വരെ പടര്‍‌ന്നു.വൈകുണ്ടസ്വാമിയേ തുറുങ്കലിലടച്ചു.118 ദിവസം കൊടിയ മര്‍‌ദനമായിരുന്നു.ആ കാലത്ത് രാജാവു അന്യദേശ കലകാരുമായി,
ക്രയാ-ക്രയ്യയ/,സ-രി-ഗ-മ-പ-ധ-നിയില്‍‌ ആറാടുകയായിരുന്നു.കരത്തിന്റെ നിലവാരം ആകാശത്തോളമുയര്‍‌ന്നു.തലകരം ,മുലകരം,മിശക്കരം.(ലിംഗത്തിനില്ലായിരുന്നു.)
ബ്രിട്ടനുകപ്പം കൊടുത്തുള്ള ഈ ഭരണത്തില്‍‌ ,ക്ര്‍‌ഷകരും ,സാധരണക്കാരും ഉരുകുകയായിരുന്നു.
സമരം നിര്‍‌ത്താനും,നാടാന്മാരുടെ കാര്യം മാത്രം പറയാനും ,എന്നാല്‍‌ മോചിപ്പിക്കാമന്നുള്ള രാജ തിറ്റുരം തള്ളുകയായിരുന്നു സ്വാമി.

Riyad MR:

2008 ആഗസ്റ്റ്‌ 8 ന്‌ വൈക്കം സത്യാഗ്രഹ സ്‌മാരകമന്ദിരം രാഷ്‌ട്രത്തിനു സമര്‍പ്പിച്ചുകൊണ്ട്‌ കേന്ദ്രമന്ത്രി വയലാര്‍ രവിയും മറ്റു നേതാക്കളും വൈക്കം സത്യാഗ്രഹനായകന്മാരെക്കുറിച്ചും അതിലൂടെ അവര്‍ നേടിയെടുത്ത ക്ഷേത്രപ്രവേശനവിളംബരത്തെക്കുറിച്ചും വളരെ വാചാലമായി സംസാരിക്കുകയുണ്ടായി. അയിത്തജാതിക്കാര്‍ക്ക്‌ ക്ഷേത്രപ്രവേശനം എന്ന ലക്ഷ്യത്തിനുവേണ്ടിമാത്രമുള്ള സമരമായിരുന്നു വൈക്കം സത്യാഗ്രഹമെന്ന ധ്വനിയുണര്‍ത്തിയാണ്‌ പലരും സംസാരിച്ചത്‌. എന്നാല്‍ പ്രസ്‌തുതപരിപാടിയുടെ പത്രപരസ്യത്തില്‍ നഗരസഭാദ്ധ്യക്ഷന്റേതായി വന്ന ചിലപരാമര്‍ശങ്ങള്‍ വൈക്കം സത്യാഗ്രഹത്തിന്റെ ഉള്ളറകളിലേയ്‌ക്ക്‌ അല്‌പം വെളിച്ചം വീശിയെങ്കിലും പലതും അദ്ദേഹവും മൂടിവച്ചു; അഥവാ മൂടിവയ്‌ക്കാന്‍ ശ്രമിച്ചു. ആ ഉള്ളറകളിലേക്ക്‌ മാന്യവായനക്കാരെ കൂട്ടികൊണ്ടുപോവുക എന്നതാണ്‌ ഈ ലേഖനത്തിന്റെ ലക്ഷ്യം.

തിരുവിതാംകൂര്‍ രാജഭരണാധികാരികള്‍ നിര്‍ത്തലാക്കിയ അപരിഷ്‌കൃത ആചാരങ്ങളുടേയും ജീവിതരീതികളുടേയും പേരില്‍ തിരുവിതാംകൂര്‍ ഭരണാധികാരികളെ പുരോഗമന ചിന്താഗതിക്കാരായി പുകഴ്‌ത്താനാണ്‌ ചില വരേണ്യവര്‍ഗ്ഗ എഴുത്തുകാര്‍ ശ്രമിക്കുന്നത്‌. തിരുവിതാംകൂറില്‍ സര്‍ക്കാര്‍ സ്ഥാപിച്ച പല സ്ഥാപനങ്ങളും അണകെട്ടുകളും എന്തിന്‌ കെ.എസ്‌.ആര്‍.ടി.സി വരെ തിരുവിതാംകൂര്‍ രാജാക്കന്മാരുടെ ഭരണനേട്ടങ്ങളില്‍ ഉള്‍പ്പെടുത്തുമ്പോഴും; ഈ നേട്ടങ്ങള്‍ക്കു പിന്നില്‍ ഒളിഞ്ഞിരിക്കുന്ന ബ്രിട്ടീഷ്‌ ഭരണാധികാരികളുടെ മുഖങ്ങള്‍, ഈ വരേണ്യവര്‍ഗ്ഗം ചരിത്രരേഖകളില്‍ ചേര്‍ക്കാതെ വരുന്നത്‌ മനഃപൂര്‍വ്വമല്ലെങ്കില്‍ പിന്നെ എന്താണ്‌?

ചാന്നാര്‍ സ്‌ത്രീകള്‍ക്ക്‌ മാറുമറയ്‌ക്കാന്‍ അനുവാദം കൊടുത്തതിനെ ചിലര്‍ രാജഭരണത്തിന്റെ സന്മനസ്സായി വാഴ്‌ത്തുന്നു. എന്നാല്‍ ഈ അവകാശത്തിനുവേണ്ടി ചാന്നാര്‍ സ്‌ത്രീകള്‍ നടത്തിയ ഐതിഹാസിക സമരത്തേയും ആ സമരത്തെ രാജകിങ്കരന്മാര്‍ അതിക്രൂരമായി നേരിട്ടതും ഇക്കൂട്ടര്‍ വിസ്‌മരിക്കുന്നു. ഈ ജനകീയസമരത്തെ ``മാറുമറയ്‌ക്കല്‍ അവകാശസമരമെന്ന്‌'' വിളിക്കാതെ ``ചാന്നാര്‍ ലഹള'' എന്ന്‌ വിളിച്ച്‌ അവഹേളിക്കുകയായിരുന്നു ഈ എഴുത്തുകാര്‍. എന്നാല്‍ 1859 ജൂലൈ 26-ന്‌ പുറപ്പെടുവിച്ച രാജവിളംബരത്തില്‍ ``മേല്‍ജാതിക്കാരുടേതു പോലുള്ള വസ്‌ത്രധാരണം പാടില്ല'' എന്ന നിബന്ധന പ്രത്യേകം ചേര്‍ക്കാന്‍ ഈ ദയാവാത്സല്യരായ രാജാക്കന്മാര്‍ മറന്നില്ല. ഈ വിളംബരത്തിലൂടെ ചാന്നാര്‍ സ്‌ത്രീകള്‍ക്ക്‌ മാത്രമേ മേല്‍മുണ്ട്‌ ധരിക്കുവാനുള്ള അവകാശം കിട്ടിയിരുന്നുള്ളൂ. പിന്നെയും വര്‍ഷങ്ങള്‍ കാത്തിരിക്കേണ്ടി വന്നു; അതായത്‌ 1915 ലെ പെരിനാട്‌ സ്വാതന്ത്ര്യ സമരത്തിലൂടെ മാത്രമാണ്‌ അയിത്ത ജാതിക്കാരായ മറ്റു സ്‌ത്രീകള്‍ക്ക്‌ മാറുമറയ്‌ക്കാനുള്ള അവകാശം കിട്ടിയത്‌.

മാറുമറയ്‌ക്കാനുള്ള അവകാശത്തിനുവേണ്ടി ചാന്നാര്‍ സ്‌ത്രീകള്‍ നടത്തിയ സമരകാലഘട്ടത്തിലെ തിരുവിതാംകൂറിലെ താഴ്‌ന്ന ജാതിക്കാരുടെ ജീവിതരീതികള്‍ പരിശോധിക്കുന്നത്‌, രാജഭരണത്തിന്റെ ``വിശാലമനസ്സിനെ'' അടുത്തറിയാന്‍ സാധിക്കും. ബ്രാഹ്മണ സ്‌ത്രീകള്‍ക്കും ക്ഷത്രിയ സ്‌ത്രീകള്‍ക്കുമല്ലാതെ മറ്റൊരു ജാതിയിലുംപെട്ട സ്‌ത്രീകള്‍ക്കും മാറുമറച്ചുകൂടാ. നായര്‍ സ്‌ത്രീകള്‍ക്കും ബാധകമായിരുന്നു ഈ നിബന്ധന. മേലാളന്മാരുടെ മുമ്പില്‍, ആരെങ്കിലും അരയ്‌ക്കു മുകളില്‍ തുണിയിട്ടു ചെന്നാല്‍ മാറ്‌ ഛേദിച്ചുകളയും. ഒരിക്കല്‍, ബ്രിട്ടീഷ്‌ ഭരണ പ്രദേശത്തുനിന്നും ആറ്റിങ്ങല്‍ റാണിയെ കാണാനെത്തിയ ഒരു നാടാര്‍ സ്‌ത്രീ മാറുമറച്ചിരുന്നു എന്ന കുറ്റത്തിന്റെ പേരില്‍ അവരുടെ സ്‌തനങ്ങള്‍ മുറിച്ചുകളയാന്‍ അതേ സ്‌ത്രീവര്‍ഗ്ഗത്തില്‍പ്പെട്ട റാണി ഉത്തരവിറക്കുകയും അവരുടെ സ്‌തനങ്ങള്‍ മുറിച്ചുമാറ്റപ്പെടുകയും ചെയ്‌തു. താഴ്‌ന്ന ജാതിക്കാരായ സ്‌ത്രീകള്‍ കുട ചൂടിക്കൂടാ, പാദരക്ഷ ധരിച്ചുകൂടാ, സ്വര്‍ണ്ണാഭരണമണിഞ്ഞുകൂടാ, ഇളിയില്‍ കുടം വച്ച്‌ വെള്ളം ചുമന്നുകൂടാ, പശുവിന്റെ പാല്‍ കറന്നുകൂടാ, ഉച്ചാരണശുദ്ധിയില്‍ സംസാരിച്ചുകൂടാ, ചെയ്യുന്ന ജോലിക്ക്‌ കൂലിയില്ല, കല്ലുമാലയെ ധരിക്കാവൂ എന്നു വേണ്ട; കേട്ടാല്‍ മൂക്കത്തു വിരല്‍ വച്ചു പോകുന്ന ആചാരങ്ങളും നിയമങ്ങളുമായിരുന്നു തിരുവിതാംകൂര്‍ രാജഭരണത്തിന്‍ കീഴില്‍ നടമാടിയിരുന്നത്‌. തലക്കരം, മുലക്കരം, മേല്‍മീശക്കരം തുടങ്ങി തൊട്ടതിനും പിടിച്ചതിനും വരെ കരം വസൂലാക്കി, ഉണ്ടും ഉറങ്ങിയും രാജകൊട്ടാരങ്ങളെ ഇന്നത്തെ നക്ഷത്രവേശ്യാലയങ്ങളെപോലെയാക്കി സുഖിച്ചിരുന്ന രാജാക്കന്മാരുടെ വാഴ്‌ച(വേഴ്‌ച)യുടെ കഥകള്‍ അവരുടെ പൊതുജനസേവന തല്‌പരതയ്‌ക്കുമേല്‍ വിരല്‍ ചൂണ്ടുന്നതാണ്‌.

അടിമവ്യാപാരനിരോധനവും രാജാക്കന്മാരുടെയും വരേണ്യവര്‍ഗ്ഗത്തിന്റെയും ദയാദാക്ഷിണ്യമായി ഇന്നും കണക്കാക്കിവരുന്നു. 1792 ലാണ്‌ ഇന്ത്യയില്‍ അടിമവ്യാപാരം നിരോധിക്കുന്നത്‌. പിന്നെയും 20 വര്‍ഷങ്ങള്‍ കഴിഞ്ഞ്‌ 1812 ലാണ്‌ തിരുവിതാംകൂറില്‍ റാണി ലക്ഷ്‌മി ഭായി അടിമവ്യാപാരനിരോധനം നടപ്പിലാക്കുന്നത്‌. 1843-ല്‍ ബ്രിട്ടീഷ്‌ ഇന്ത്യാ ഗവണ്‍മെന്റ്‌ ആക്‌ട്‌ പ്രകാരം മലബാറില്‍ അടിമ സമ്പ്രദായം നിരോധിച്ചു. 1812-ല്‍ അടിമ വ്യാപാരം തിരുവിതാംകൂറില്‍ ഔദ്യോഗികമായി നിരോധിച്ചുകൊണ്ട്‌ ഗവണ്‍മെന്റ്‌ വിളംബരം നടത്തിയെങ്കിലും 1862 വരെ പറയര്‍, പുലയര്‍ തുടങ്ങിയവരെ അടിമകളായിത്തന്നെ നിലനിര്‍ത്തിപ്പോന്നിരുന്നു. 1853 ലാണ്‌ അടിമകള്‍ക്ക്‌ പിറക്കുന്ന കുട്ടികള്‍ സ്വതന്ത്രരാക്കപ്പെട്ടത്‌. പക്ഷേ, 1869 - ല്‍ മാത്രമാണ്‌ അടിയന്‍, അടിയങ്ങള്‍ തുടങ്ങിയ വാക്കുകള്‍ സര്‍ക്കാര്‍ രേഖകളില്‍ നിന്നും പ്രമാണങ്ങളില്‍ നിന്നും നീക്കം ചെയ്യപ്പെട്ടത്‌. അടിമത്ത നിരോധനത്തിനുവേണ്ടി ഇന്ത്യന്‍ നാട്ടുരാജാക്കന്മാര്‍ക്ക്‌ വെളിപ്പാട്‌ ഉണ്ടാകാന്‍ ഇടയാക്കിയ സാഹചര്യം എന്താണ്‌? അടിമത്തത്തിനെതിരെ പ്രാദേശികമായി ഉയര്‍ന്നുവന്ന സമരങ്ങളും യൂറോപ്പിലും അമേരിക്കയിലും ഉണ്ടായ അടിമത്ത വിരുദ്ധ പ്രക്ഷോഭണത്താല്‍ ഉയര്‍ന്നുവന്ന ഇന്ത്യയിലെ ക്രിസ്‌ത്യന്‍ മിഷണറിമാരുടെ സമയോചിതമായ ഇടപെടലുകള്‍ (ബ്രിട്ടീഷ്‌ രാജ്ഞി മുഖേന) ഒപ്പം ബ്രിട്ടീഷ്‌ ഇന്ത്യയുടെ സമ്മര്‍ദ്ദങ്ങളുമാണ്‌ റാണി ലക്ഷ്‌മി ഭായിയെക്കൊണ്ട്‌ അടിമത്ത നിരോധനത്തില്‍ ഒപ്പുവയ്‌പിക്കാന്‍ പ്രേരിപ്പിച്ചത്‌.

ശ്രീനാരായണഗുരു
അതുപോലെ തന്നെയുള്ള മറ്റൊരു സുപ്രധാന വിളംബരമായിരുന്നു പില്‍ക്കാലത്ത്‌ തിരുവിതാംകൂര്‍ സര്‍ക്കാരിന്റെ മാഗ്നാകാര്‍ട്ട എന്നറിയപ്പെട്ട ``ക്ഷേത്രപ്രവേശനവിളംബരം''. വൈക്കം സത്യാഗ്രഹമാണല്ലോ ക്ഷേത്രപ്രവേശനത്തിലേയ്‌ക്ക്‌ എത്തിച്ചത്‌ (എന്നാണ്‌ വരേണ്യവര്‍ഗ്ഗ എഴുത്തുകാര്‍ പറയുന്നത്‌). വെറും ക്ഷേത്രപ്രവേശനത്തിനുവേണ്ടി മാത്രമായിരുന്നോ ടി.കെ. മാധവനെപ്പോലെയുള്ള ഒരു ജനകീയ നേതാവ്‌ വളരെ സജീവമായി ഈ സമരത്തില്‍ പങ്കെടുത്തത്‌? ഈഴവരെ സംബന്ധിച്ചിടത്തോളം സ്വന്തമായി നിരവധി ക്ഷേത്രങ്ങള്‍ ശ്രീനാരായണ ഗുരു തന്നെ നിര്‍മ്മിച്ച്‌, സ്വയം പ്രതിഷ്‌ഠയും നടത്തി നല്‍കിയിരുന്നു. വേണമെങ്കില്‍, വൈക്കത്ത്‌ മറ്റൊരു ക്ഷേത്രം നിര്‍മ്മിക്കുവാന്‍ അന്നത്തെ കാലത്ത്‌ ശ്രീനാരായണഗുരുവിനും ഈഴവ സമുദായത്തിനും കഴിയുമായിരുന്നു. എന്നാല്‍ അതിനു തയ്യാറാകാതെ ടി.കെ. മാധവനും മറ്റും സത്യാഗ്രഹസമരം സംഘടിപ്പിച്ചതെന്തിന്‌? ചരിത്രപ്രസിദ്ധമായിത്തീര്‍ന്ന വൈക്കം സത്യാഗ്രഹപന്തലില്‍ ഗുരു ഒറ്റദിവസം മാത്രമാണ്‌

ടി.കെ.മാധവന്‍
സന്ദര്‍ശനം നടത്തിയത്‌. 1000 രൂപ സംഭാവന നല്‍കുകയും വെല്ലൂര്‍ മഠം സ്വാഗതസംഘത്തിനായി വിട്ടുകൊടുത്തതുമല്ലാതെ പിന്നീട്‌ സത്യാഗ്രഹത്തിന്‌ പ്രത്യക്ഷമായോ പരോക്ഷമായോ യാതൊരു സഹായവും ശ്രീനാരായണഗുരുവും എസ്സ്‌.എന്‍.ഡി.പി. യോഗവും ചെയ്‌തിരുന്നില്ല. അവരെ സംബന്ധിച്ചിടത്തോളം വൈക്കം സത്യാഗ്രഹത്തിന്‌ അത്രമേല്‍ കാര്യപ്രസക്തിയേ ഉണ്ടായിരുന്നുള്ളൂ.

ക്ഷേത്രവഴിയിലൂടെ അയിത്തജാതിക്കാര്‍ക്ക്‌ നടക്കുവാനുള്ള അവകാശത്തിനുവേണ്ടിയായിരുന്നു വൈക്കം സത്യാഗ്രഹമെന്നും പറയുന്നവരുണ്ട്‌. ഇതില്‍ എന്തെങ്കിലും യാഥാര്‍ത്ഥ്യമുണ്ടോ എന്നറിയണമെങ്കില്‍ ആ കാലഘട്ടത്തില്‍ നടന്ന ചില സംഭവങ്ങളിലൂടെ ഒന്ന്‌ കണ്ണോടിക്കാം. 1924 മാര്‍ച്ച്‌ 30 നാണ്‌ ടി.കെ. മാധവന്റെ നേതൃത്വത്തില്‍ സത്യാഗ്രഹം ആരംഭിച്ചത്‌. എന്നാല്‍ 1920 ല്‍ ഈ സമരനായകന്‍ ടി.കെ. ഇതേ വൈക്കം ക്ഷേത്രത്തിന്റെ നിരോധിക്കപ്പെട്ടവഴിയിലൂടെ ഒറ്റയ്‌ക്ക്‌ നടക്കുകയുണ്ടായി. പിന്നീട്‌ സത്യവൃതന്‍, അയ്യപ്പന്‍, കെ.കെ. മാധവന്‍ തുടങ്ങിയവരോടൊപ്പവും ടി.കെ. വൈക്കം ക്ഷേത്രപരിസരത്തെ വഴികളില്‍ സ്ഥാപിച്ചിരുന്ന തീണ്ടല്‍പലകകള്‍ മറികടന്നു പോയിരുന്നു. എന്നാല്‍ ഏതെങ്കിലും സവര്‍ണ്ണര്‍ അദ്ദേഹത്തെയോ അദ്ദേഹത്തിന്റെ സഹപ്രവര്‍ത്തകരെയോ തടഞ്ഞില്ല. അങ്ങനെയുള്ള സാഹചര്യത്തില്‍ ടി.കെ.മാധവനെപ്പോലുള്ള ഒരു നേതാവ്‌ വെറും ക്ഷേത്രപ്രവേശനത്തിനും വഴിനടക്കുവാനുമുള്ള സ്വാതന്ത്ര്യത്തിനുവേണ്ടി മാത്രമായിരുന്നോ വൈക്കം സത്യാഗ്രഹം സംഘടിപ്പിച്ചത്‌?

വൈക്കം സത്യാഗ്രഹം, മനുഷ്യാവകാശധ്വംസനത്തിനെതിരെയും അദ്ധ്വാനിക്കുന്ന കീഴാളരുടെ അവകാശങ്ങളെ നിഷേധിക്കുന്ന സവര്‍ണ്ണ മേധാവിത്വത്തിനും അവരെ സംരക്ഷിച്ചുകൊണ്ടിരിക്കുന്ന തിരുവിതാംകൂര്‍ ഭരണത്തിനും എതിരായ സമരമായിരുന്നു. കാക്കിനാഡയില്‍ വച്ച്‌ നടന്ന കോണ്‍ഗ്രസ്സ്‌ സമ്മേളനത്തില്‍ ടി.കെ. മാധവനാണ്‌ ഗാന്ധിജിയെക്കൊണ്ട്‌ ``അയിത്തോച്ഛാടനം'' കോണ്‍ഗ്രസ്സിന്റെ ഒരു പരിപാടിയായി അംഗീകരിപ്പിച്ചത്‌. അതിനുശേഷം 1924 ജനുവരിയില്‍ എറണാകുളത്തു വച്ചു ചേര്‍ന്ന കോണ്‍ഗ്രസ്സ്‌ യോഗം അയിത്തോച്ഛാടനത്തിനായി ടി.കെ. മാധവന്‍, കെ. കേളപ്പന്‍, ശങ്കരന്‍ നമ്പൂതിരിപ്പാട്‌, ടി.ആര്‍. കൃഷ്‌ണസ്വാമി അയ്യര്‍, കണ്ണന്തോടത്തു വേലായുധമേനോന്‍ തുടങ്ങിയവരെ തെരഞ്ഞെടുത്തു. ഇതിന്റെ പ്രചരണത്തിനായി കെ.പി. കേശവമേനോന്‍, ഏ.കെ.പിള്ള, കുറൂര്‍ നീലകണ്‌ഠന്‍ നമ്പൂതിരിപ്പാട്‌ എന്നിവരെയും തെരഞ്ഞെടുത്തു. അതിന്‍ പ്രകാരം 1924 ഫെബ്രുവരി 29ന്‌ കെ.പി. കേശവമേനോന്റെ നേതൃത്വത്തില്‍ നടന്ന ഒരു സമ്മേളനത്തില്‍ വച്ച്‌ അയ്യായിരത്തോളം ആളുകള്‍ ഒന്നടങ്കം പിറ്റേദിവസം വൈക്കം ക്ഷേത്രത്തിലെ നിരോധിക്കപ്പെട്ടിരിക്കുന്നു എന്നുപറയുന്ന വഴിയിലൂടെ സഞ്ചരിക്കുമെന്ന്‌ തീരുമാനിച്ചു. എന്നാല്‍ മജിസ്‌ട്രേറ്റിന്റേയും മറ്റും സമ്മര്‍ദ്ദം മൂലം കേശവമേനോന്‍ ആ തീരുമാനം നടപ്പിലാക്കാന്‍ സമ്മതിച്ചില്ല. അല്ലായിരുന്നുവെങ്കില്‍ വെറും സത്യാഗ്രഹമായി മാറാതെ ഈ പ്രക്ഷോഭം ഒരു ബഹുജനവിപ്ലവമായി മാറുമായിരുന്നു. ഇ.വി. രാമസ്വാമി നായക്കരുടേയും ഗാന്ധിജിയുടെയും മറ്റും സന്ദര്‍ശനം കൊണ്ട്‌ മാത്രമാണ്‌ സത്യാഗ്രഹം ദേശീയ ശ്രദ്ധപിടിച്ചുപറ്റിയത്‌. നെഹ്‌റു അടക്കം പല പ്രമുഖരായ കോണ്‍ഗ്രസ്സ്‌ നേതാക്കളും സത്യാഗ്രഹത്തിലേയ്‌ക്ക്‌ എത്തിനോക്കുകപോലും ചെയ്‌തില്ല.

1924-മാര്‍ച്ചില്‍ തുടങ്ങിയ സത്യാഗ്രഹം യാതൊരുവിധ പ്രത്യാക്രമണങ്ങളും ഉണ്ടാകാതെയും ഉണ്ടാക്കാതെയും 1936 നവംബര്‍ 12 വരെ തുടര്‍ന്നു പോന്നു. അതായത്‌ ഈ സത്യാഗ്രഹം തിരുവിതാംകൂര്‍ ഗവണ്‍മെന്റിനെ സംബന്ധിച്ചിടത്തോളം ഒരു തലവേദനയേ അല്ലായിരുന്നു. എന്നിരുന്നാലും 1936 ല്‍ ക്ഷേത്രപ്രവേശന വിളംബരം നടത്താന്‍ ചിത്തിരതിരുനാള്‍ മഹാരാജാവിനെ പ്രേരിപ്പിച്ച ഘടകം എന്താണ്‌? അയിത്ത ജാതിക്കാരോടുള്ള സ്‌നേഹമോ? അങ്ങനെയായിരുന്നെങ്കില്‍ 1924 ല്‍ തുടങ്ങിയ സമരം 1936 വരെ നീട്ടിക്കൊണ്ടുപോയത്‌ എന്തിനാണ്‌? ഇവിടെയാണ്‌ സി.വി. കുഞ്ഞിരാമനെപ്പോലുള്ള കുശാഗ്രബുദ്ധിക്കാരായ ചില ഈഴവ നേതാക്കളുടെ പങ്ക്‌ വെളിച്ചത്തു വരുന്നത്‌.

ശ്രീ ചിത്തിരതിരുനാള്‍
1932-ല്‍ ശ്രീ. ചിത്തിരതിരുനാള്‍ പ്രഖ്യാപിച്ച ഭരണപരിഷ്‌കാരത്തിന്റെ അപര്യാപതതയ്‌ക്കെതിരെ ക്രിസ്‌ത്യാനികളും ഈഴവരും, മുസ്‌ലീങ്ങളും ചേര്‍ന്ന്‌ ഒരു സംയുക്ത രാഷ്‌ട്രീയ സമിതി രൂപീകരിച്ചു. ഇതായിരുന്നു പ്രശസ്‌തമായ ?നിവര്‍ത്തന പ്രക്ഷോഭം. (ക്രിസ്‌ത്യാനികളും മുസ്‌ലീങ്ങളും കൂടി പങ്കെടുത്തതുകൊണ്ടാകാം ഈ സമരത്തെ ``പ്രക്ഷോഭം'' എന്ന്‌ സംബോധന ചെയ്യാന്‍ വരേണ്യവര്‍ഗ്ഗത്തിനെ പ്രേരിപ്പിച്ചത്‌ - അല്ലായിരുന്നെങ്കില്‍ അത്‌ ``ഈഴവ ലഹള'' എന്നേ അറിയപ്പെടുമായിരുന്നുള്ളൂ). ഇതിന്റെ ഭാഗമായി കോഴഞ്ചേരിയില്‍ നടത്തിയ വിവാദപ്രസംഗത്തിന്റെ പേരില്‍ സി. കേശവനെ രാജ്യദ്രോഹകുറ്റം ചുമത്തി നാടുകടത്തി. 1936 ആഗസ്റ്റില്‍ ഗവണ്‍മെന്റ്‌ സമ്മതിദാനാവകാശ നിയമം പരിഷ്‌കരിച്ചു. അപ്പോഴും വൈക്കം സത്യാഗ്രഹം മുറപോലെ തന്നെ നടന്നുകൊണ്ടേയിരുന്നു. എന്നാല്‍ നിവര്‍ത്തനപ്രക്ഷോഭകാലത്ത്‌ - അതായത്‌ വൈക്കം സത്യാഗ്രഹം നടന്നു കൊണ്ടിരുന്ന സമയത്ത്‌ - 1936 ല്‍ തിരുവിതാംകൂറില്‍ ഒരു ഈഴവ മഹാസമ്മേളനം നടന്നു. ഇതേ തുടര്‍ന്ന്‌ സി.വി. കുഞ്ഞിരാമനും മറ്റേതാനും ഈഴവ പ്രമാണികളും കൂടി കോട്ടയത്തെ സി.എം.എസ്‌. ബിഷപ്പായിരുന്ന മൂര്‍ സായ്‌പിനെ കാണാന്‍ ചെന്നു. ഈഴവ സമുദായം ഒന്നടങ്കം ബ്രിട്ടീഷ്‌ ചക്രവര്‍ത്തിയുടെ മതമായ സി.എം.എസ്‌ സഭയില്‍ ചേരാന്‍ ഒരുക്കമാണ്‌ - അവരെ ഈഴവ ക്രിസ്‌ത്യാനികളായി കാണാതെ സുറിയാനി ക്രിസ്‌ത്യാനികളായി കാണണമെന്ന്‌ കുഞ്ഞിരാമന്‍ ആവശ്യപ്പെട്ടു. ബിഷപ്പ്‌ ഉടനടി സമ്മതം നല്‍കാതെ സഭയില്‍ വിശ്വാസമുള്ളവരായെങ്കിലേ സഭയില്‍ അംഗമായി ചേര്‍ക്കൂ എന്നു പറഞ്ഞു. കൊച്ചുകുട്ടികളെ മാമ്മോദീസാ മുക്കുന്നത്‌ അവര്‍ വിശ്വാസികളായിട്ടല്ലല്ലോ എന്ന്‌ സി.വി. തിരിച്ചടിച്ചു. മുതിര്‍ന്നവരാകുമ്പോള്‍ അതു വേണമെന്ന്‌ ബിഷപ്പ്‌ പറഞ്ഞു. വിശ്വാസികളാകണമെങ്കില്‍ ബൈബിള്‍ വായിക്കുകയും പള്ളിയില്‍ വന്ന്‌ ഞായറാഴ്‌ചകളില്‍ ആരാധന നടത്തുകയും വേണമെന്ന്‌ ബിഷപ്പ്‌ അറിയിച്ചതിനെതുടര്‍ന്ന്‌ സി.വി.യും കൂട്ടരും മൂന്നു ഞായറാഴ്‌ചകളില്‍ കോട്ടയം സി.എം.എസ്‌. കത്തീഡ്രലില്‍ ആരാധന നടത്തി. ഈ വിവരം സവര്‍ണ്ണരായിട്ടുള്ളവരുടെ ചെവിയിലുമെത്തി.

തിരുവിതാംകൂറിലെ ഒരു പ്രബലസമുദായമായിരുന്നു ഈഴവര്‍. ഇതിനോടകം തന്നെ നിരവധി ഈഴവരും ദളിതരും ക്രിസ്‌തുമതം സ്വീകരിച്ചതിലൂടെ തിരുവിതാംകൂറിലെ മറ്റൊരു പ്രബല സമുദായമായി ക്രിസ്‌തുമതവും വളര്‍ന്നു കഴിഞ്ഞിരുന്നു. ക്രിസ്‌ത്യാനികള്‍ക്ക്‌ ബ്രിട്ടീഷ്‌ സര്‍ക്കാര്‍ എല്ലാവിധ ഒത്താശകളും നല്‍കിവന്നു. അവര്‍ക്ക്‌ സര്‍ക്കാര്‍ സര്‍വ്വീസില്‍ ജോലിയും ഉറപ്പാക്കി അഥവാ ബ്രിട്ടീഷ്‌ ഭരണാധികാരികളുടെ കാവല്‍ സര്‍ക്കാരായ തിരുവിതാംകൂര്‍ രാജാവിനെ കൊണ്ട്‌ ഉറപ്പാക്കിച്ചു. ഇനി ഈഴവര്‍ കൂടി ക്രിസ്‌തുമതം സ്വീകരിച്ചാല്‍ തിരുവിതാംകൂറില്‍ ക്രിസ്‌തുമതം ഒന്നാം സ്ഥാനത്തെത്തും. കണക്കുകള്‍ ഉദ്ധരിച്ച്‌ പറയുകയാണെങ്കില്‍ 1816-ല്‍ 12.37% മാത്രമായിരുന്ന ക്രിസ്‌ത്യാനികള്‍ 1901 ആയപ്പോഴേക്കും 23.62% ആയി വളര്‍ന്നു. അതേ സമയം ഹിന്ദു മതമാകട്ടെ 1816 ല്‍ 82.7% ആയിരുന്നത്‌ 1901 ആയപ്പോഴേക്കും 68.5% ആയി കുറഞ്ഞു. 1930 ആയപ്പോഴേക്കും ക്രിസ്‌തുമതത്തിന്റെ വളര്‍ച്ച 30% മായി ഉയര്‍ന്നു. അതായത്‌ ജാതി വ്യവസ്ഥയുടെ തിക്താനുഭവങ്ങള്‍ അനുഭവിച്ചിരുന്നവര്‍ മതം

സ്വാമി വിവേകാനന്ദന്‍
മാറി ജോസഫും തോമസ്സും മറിയയും അന്നമ്മയുമൊക്കെയായി മാറി. ഇങ്ങനെ മതം മാറി ക്രിസ്‌ത്യാനികളായവരെ തൊട്ടുകൂടായ്‌മയില്‍ നിന്നും ഒഴിവാക്കിയിരുന്നു. ഇതു കണ്ടിട്ടായിരുന്നല്ലോ സ്വാമി വിവേകാനന്ദന്‍ കേരളത്തെ ഭ്രാന്താലയം എന്നുവിശേഷിപ്പിച്ചത്‌. വിവേകാനന്ദന്റെ തന്നെ വാക്കുകള്‍ ഉദ്ധരിക്കാം. ``മലബാറില്‍ ഞാന്‍ കണ്ടതിനേക്കാള്‍ ഏറ്റവും വലിയ വിഡ്‌ഢിത്തം ഇതിനുമുമ്പ്‌ ലോകത്തില്‍ എവിടെയെങ്കിലും ഉണ്ടായിട്ടുണ്ടോ? സവര്‍ണ്ണര്‍ നടക്കാറുള്ള തെരുവുകളില്‍ പാവപ്പെട്ട പറയനു നടന്നുകൂടാ. പക്ഷേ ഇംഗ്ലീഷ്‌ നാമം സ്വീകരിച്ചാല്‍ എല്ലാം ഭദ്രമായി. ഈ മലബാറുകാരെല്ലാം മതഭ്രാന്തന്മാരാണ്‌. ഇവരുടെ വീടുകളത്രയും ഭ്രാന്താലയവും'' (വിവേകാനന്ദ സാഹിത്യ സര്‍വ്വം. Vol. 3. p.186). എന്നാല്‍ വരേണ്യവര്‍ഗ്ഗത്തിനെതിരായ സ്വാമിയുടെ ഈ ആരോപണത്തിന്റെ കാരണങ്ങള്‍ ഹിന്ദു-മുസ്‌ലീം സംഘട്ടനങ്ങളുടെ തലയില്‍ കെട്ടിവയ്‌ക്കുകയാണ്‌ ഇക്കൂട്ടര്‍ ചെയ്‌തത്‌. വിവേകാനന്ദന്റെ നാടായ ബംഗാളിലും മറ്റും നടന്ന വര്‍ഗ്ഗീയ ലഹളകളുടെ പത്തില്‍ ഒരംശം പോലും കേരളത്തില്‍ സംഭവിച്ചിരുന്നില്ല. എന്നിട്ടും സ്വാമി ബംഗാളിനെ ഭ്രാന്താലയം എന്നുവിളിക്കാതെ കേരളത്തെ ഭ്രാന്താലയം എന്നു വിളിച്ചതിന്റെ പിന്നിലെ ചേതോവികാരം മേല്‍പ്പറഞ്ഞതല്ലാതെ മറ്റൊന്നല്ല.

സി.വി. കുഞ്ഞിരാമന്റേയും സഹപ്രവര്‍ത്തകരുടേയും ഇത്തരം നടപടികളുടെ സമയത്താണ്‌ 1936 ജൂണ്‍ 11 ന്‌ എസ്‌.എന്‍.ഡി.പി. യോഗം നേതാക്കളായ പത്മനാഭനും കെ.പി. ഗോവിന്ദനാശാനും ഹരിപ്പാട്‌ ക്ഷേത്രത്തിന്‌ മുന്‍വശത്തുള്ള റോഡില്‍ പ്രവേശിക്കുമെന്നും തങ്ങളെ തടഞ്ഞാല്‍ തങ്ങളോടൊപ്പം മറ്റനേകംപേര്‍ ഇസ്‌ലാം മതം സ്വീകരിക്കുമെന്നും പ്രഖ്യാപിക്കുന്നത്‌. ഈ സമയം സിംലയില്‍ സുഖവാസത്തിനുപോയ രാജാവിനെ അന്നത്തെ ദിവാനും സര്‍വ്വോപരി കിരീടം വയ്‌ക്കാത്ത രാജാവുമായിരുന്ന സാക്ഷാല്‍ സര്‍. സി.പി. രാമസ്വാമി അയ്യര്‍ വിവരം അറിയിക്കുകയും ``ദയാമനസ്‌കനായ''?രാജാവ്‌ ക്ഷേത്രപരിസരത്തുകൂടെ വഴിനടക്കുവാനുള്ള അനുവാദം നല്‍കുകയും ചെയ്‌തു. അപ്പോഴും വൈക്കം ക്ഷേത്രത്തിലെ വഴികളിലൂടെ പ്രവേശനസ്വാതന്ത്ര്യത്തിനുവേണ്ടി (എന്ന്‌ വരേണ്യവര്‍ഗ്ഗം അവകാശപ്പെടുന്നു) സത്യാഗ്രഹം നടന്നുകൊണ്ടേയിരുന്നു. അതായത്‌ മതം മാറുമെന്ന ഒറ്റ ഭീക്ഷണികൊണ്ട്‌ ഗോവിന്ദനാശാനും മറ്റും ഒറ്റ ദിവസം കൊണ്ട്‌ ക്ഷേത്രപരിസരത്തുകൂടെ വഴി നടക്കാനുള്ള അവകാശം നേടിയെടുത്തിട്ടും പത്തു വര്‍ഷത്തിലധികം സത്യാഗ്രഹം നടത്തിയിട്ടും വൈക്കം സത്യാഗ്രഹികള്‍ക്ക്‌ അവരുടെ ആവശ്യം നേടിയെടുക്കാന്‍ പിന്നെയും കാത്തിരിക്കേണ്ടിവന്നു.

സി.വി.യുടെ നേതൃത്വത്തില്‍ ഈഴവര്‍ ഒന്നടങ്കം ക്രിസ്‌തുമതം സ്വീകരിച്ചാല്‍ ഉണ്ടാകുന്ന ഭവിഷ്യത്തുകള്‍ മനസ്സിലാക്കിയ വിറളിപൂണ്ട സവര്‍ണ്ണര്‍, എന്‍.എസ്സ്‌.എസ്സ്‌. നേതാവായിരുന്ന മന്നത്തുപത്മനാഭന്റെ നേതൃത്വത്തില്‍ തിരുവനന്തപുരത്തേക്ക്‌ ഒരു ``സവര്‍ണ്ണജാഥ'' സംഘടിപ്പിച്ചു. അവര്‍ണ്ണര്‍ക്ക്‌ ക്ഷേത്രപ്രവേശനം അനുവദിക്കണമെന്ന്‌ സി.പി.യോട്‌ ഇവര്‍ ആവശ്യപ്പെട്ടു. അല്ലാത്തപക്ഷം സംഭവിക്കാന്‍ പോകുന്ന ഭവിഷ്യത്തുകള്‍ മനസ്സിലാക്കിയ സി.പി., ശ്രീ. ചിത്തിരതിരുനാള്‍ രാജരാജവര്‍മ്മ മഹാരാജാവിനെകൊണ്ട്‌ ക്ഷേത്രപ്രവേശനവിളംബരത്തില്‍ ഒപ്പുവയ്‌പ്പിച്ചു. അത്‌ വൈക്കം സത്യാഗ്രഹത്തിന്റെ ഭാഗമാണെന്ന്‌ വരുത്തിത്തീര്‍ത്ത്‌, ഐതിഹാസികമായി തീരേണ്ടിയിരുന്ന, അയിത്ത ജാതിക്കാരുടെ സമൂലപരിവര്‍ത്തനം ഇല്ലാതാക്കി, വൈക്കം സത്യാഗ്രഹത്തെപിരിച്ചുവിടുവിക്കാനും ഇടയാക്കി. സര്‍ക്കാരിനെതിരായ സമരം നിര്‍ത്തിവയ്‌പിക്കുവാനും; ഈഴവരുടെ മതംമാറ്റം ഒഴിവാക്കാനും സാധിച്ചു. ഒരു വെടിക്ക്‌ രണ്ടുപക്ഷി. ഒപ്പം അവര്‍ണ്ണര്‍ക്കുവേണ്ടി നടന്നുവന്നിരുന്ന സമരങ്ങള്‍, ക്ഷേത്രത്തില്‍ പ്രവേശനം കിട്ടിയ സന്തോഷത്താല്‍ (നായയ്‌ക്ക്‌ എല്ലിന്‍കഷണം കിട്ടിയ കണക്കെ) നിര്‍ജ്ജീവമാക്കാനും സാധിച്ചു.

ഈ ക്ഷേത്രപ്രവേശനവിളംബരത്തിന്റെ ആഘോഷങ്ങള്‍ ജനകീയ സര്‍ക്കാരുകള്‍ വര്‍ഷംതോറും ലക്ഷങ്ങള്‍ മുടക്കി ആഘോഷിക്കുമ്പോഴും സ്‌മാരകം പണിത്‌ രാഷ്‌ട്രത്തിനു സമര്‍പ്പിക്കുമ്പോഴും കേരളത്തിലെ ജാതിവ്യവസ്ഥയ്‌ക്ക്‌ അറുതിവന്നിട്ടില്ലെന്ന്‌ തിരുവല്ലയിലെ പരുമലയിലുള്ള മധു എന്ന ഈഴവ യുവാവിന്റെ ജീവിതത്തില്‍ ഉണ്ടായ അനുഭവം തെളിയിക്കുന്നു. കേരളഹൈക്കോടതിയില്‍ മധു സമര്‍പ്പിച്ച ഹര്‍ജിയില്‍ ഇപ്രകാരം പറഞ്ഞിരിക്കുന്നു -?``17.07.2007 ന്‌ കവിയൂര്‍ ശ്രീമഹാദേവ ക്ഷേത്രത്തില്‍ നമസ്‌കാരമണ്ഡപത്തില്‍ കയറുന്നതില്‍ നിന്നും പൂണൂല്‍ ഇല്ലാ എന്ന കാരണം പറഞ്ഞ്‌ ക്ഷേത്ര ഭരണാധികാരികള്‍ വിലക്കി''. കവിയൂര്‍ ശ്രീമഹാദേവ ക്ഷേത്രം തിരുവിതാംകൂര്‍ ദേവസ്വം ബോര്‍ഡിന്റെ ഭരണത്തിന്‍കീഴിലുള്ള ഒരു ക്ഷേത്രമാണ്‌. അതായത്‌ സര്‍ക്കാര്‍ വക ക്ഷേത്രം. കേന്ദ്രമന്ത്രി ശ്രീ. വയലാര്‍ രവിയുടെ ചെറുമകന്റെ ചോറൂണുമായി ബന്ധപ്പെട്ട്‌ ഗുരുവായൂരില്‍ നടത്തിയ പുണ്യാഹ സംഭവം ഇതുമായി കൂട്ടിവായിക്കേണ്ടതാണ്‌. ``അന്ത്യജനഗ്രജന്‍ ഇല്ലിവിടെ, വര്‍ണ്ണം വര്‍ഗ്ഗം അരുതിവിടെ'' എന്നുപറഞ്ഞ്‌ വീമ്പിളക്കുന്ന സംഘപരിവാര്‍കാരെ ആരെയും കണ്ടില്ല ഈ അനീതിയ്‌ക്കെതിരെ പോരാടാന്‍. എങ്ങനെ കാണും അവരും വരേണ്യവര്‍ഗ്ഗത്തിന്റെ നാളത്തെ ചരിത്രകാരന്മാരേകേണ്ടവരല്ലേ. നമ്മളോ അവരെഴുതുന്ന ചവറുകള്‍ വേദവാക്യംപോലെ വിഴുങ്ങി `ജിഹ്വ' മുഴക്കുവാന്‍ വിധിക്കപ്പെട്ടവരും. ഇതിനെതിരെ പോരാടുന്ന പുരോഗമനപ്രസ്ഥാനക്കാരെ പിച്ചിച്ചീന്തുന്ന മാദ്ധ്യമവര്‍ഗ്ഗം മറ്റൊരു വശത്തും.

സ്വാതന്ത്ര്യം കിട്ടി 61 വര്‍ഷം കഴിഞ്ഞിട്ടും `വഞ്ചി ഇപ്പോഴും തിരുനക്കരയില്‍ തന്നെ' എന്ന അവസ്ഥയിലാണ്‌ ജാതി വ്യവസ്‌ഥിതി. ആറാട്ടുപുഴ വേലായുധപണിക്കര്‍, വൈകുണ്‌ഠസ്വാമികള്‍, തൈക്കാട്ട്‌ അയ്യാവ്‌, ശ്രീനാരായണഗുരു, അയ്യങ്കാളി, ചട്ടമ്പിസ്വാമി, പണ്ഡിത്‌ കറുപ്പന്‍, പൊയ്‌കയില്‍ കുമാരഗുരു, ബ്രഹ്മാനന്ദസ്വാമി ശിവയോഗി, വാഗ്‌ഭടാനന്ദന്‍ തുടങ്ങിയ ഒട്ടനവധി മഹാരഥന്മാര്‍ തെളിച്ച നവോത്ഥാന രഥത്തിന്റെ ചക്രം ഇളക്കിമറിച്ച കേരളമണ്ണില്‍, കമ്മ്യൂണിസ്റ്റ്‌ പ്രസ്ഥാനം വളര്‍ന്നു വന്നതിന്റെ ഫലമായാണ്‌ ജാതിവ്യവസ്ഥിതിയില്‍ തെല്ലൊരു അയവു വന്നത്‌. ഈ നവോത്ഥാന നായകരാകട്ടെ ജാതിവൃക്ഷത്തിന്റെ ചില്ലകള്‍ മാത്രമേ വെട്ടിനശിപ്പിച്ചിരുന്നുള്ളു. എന്നാല്‍ ആ തടി വീണ്ടും കിളിര്‍ത്ത്‌ പഴയ നിലയില്‍ എത്തി നില്‍ക്കുന്നു. നമ്മുടെ സാഹിത്യ-രാഷ്‌ട്രീയ രംഗത്ത്‌ ഇന്നും ജാതി കൊടികുത്തി വാഴുന്നു. കഴിവുള്ള എത്രയോ സാഹിത്യകാരന്മാര്‍ `സവര്‍ണ്ണനല്ല' എന്ന കാരണത്താല്‍ ഉയര്‍ത്തപ്പെടാതെ ഇപ്പോഴും താഴെത്തട്ടില്‍ തന്നെ കിടക്കുന്നു. സിനിമയിലും ജാതിയുടെ അതിപ്രസരം ഉണ്ടെന്ന്‌ നടന്‍ തിലകന്‍ പലവട്ടം ആവര്‍ത്തിച്ചു പറയുന്നു. മലയാള സിനിമയില്‍ ഇന്നും നായകന്‍ ഹിന്ദുവാണെന്നറിയിക്കാന്‍, കഥാപാത്രത്തെ നായരെന്നോ, കൈമളെന്നോ, മേനോനെന്നോ, പിള്ളയെന്നോ, വര്‍മ്മയെന്നോ, പിഷാരാടിയെന്നോ, വാര്യരെന്നോ, നമ്പ്യാരെന്നോ വിളിക്കേണ്ട ഗതികേടാണ്‌. സത്യന്‍ അന്തിക്കാടിനെ പോലെയുള്ള സംവിധായകരുടെ നായകന്മാര്‍ക്ക്‌ മാത്രമേ പേരിനോടൊപ്പം വാലില്ലാതുള്ളൂ (രാമു - യാത്രക്കാരുടെ ശ്രദ്ധയ്‌ക്ക്‌, വിനോദ്‌, ഷാജി - വിനോദയാത്ര, റജി - മനസ്സിനക്കരെ, പ്രേമന്‍ - രസതന്ത്രം). പച്ചയായ യാഥാര്‍ത്ഥ്യങ്ങളില്‍ ജാതിക്ക്‌ എന്ത്‌ പ്രസക്തിയെന്ന്‌ ഒരുപക്ഷേ അദ്ദേഹം തിരിച്ചറിഞ്ഞിരിക്കാം. പണ്ഡിത്‌ കറുപ്പനെപ്പോലെയുള്ളവര്‍ ജനിച്ച അരയസമുദായത്തില്‍ ജനിച്ചതില്‍ അഭിമാനം കൊള്ളാതെ അമൃതാനന്ദമയി പോലും സവര്‍ണ്ണയാകാന്‍ ശ്രമിക്കുന്നു. അമൃതാനന്ദമയിയുടെ പിതാവിനോട്‌ ഒരു സന്യാസി പറഞ്ഞുവത്രേ; അദ്ദേഹത്തിന്റെ ശരീരത്തില്‍ ഒരു പൂണൂലുണ്ടെന്നും അത്‌ ദിവ്യജ്ഞാനം ഉള്ളവര്‍ക്കുമാത്രമേ കാണാന്‍ കഴിയുകയുള്ളൂവെന്നും അമൃതാനന്ദമയിയുടെ ജീവചരിത്രത്തില്‍ പറയുന്നു.

സംവരണത്തിന്റെ കാര്യത്തിലും രാഷ്‌ട്രീയ പാര്‍ട്ടികളും വ്യക്തമായി ഒന്നും പറയുന്നില്ല. ഇവിടെയും അവരുടെ സവര്‍ണ്ണതാല്‌പര്യമാണ്‌ വെളിവാകുന്നത്‌. സാമൂഹിക സംവരണവും ഒപ്പം സാമ്പത്തികമായി പിന്നോക്കം നില്‍ക്കുന്നവര്‍ക്കും സംവരണം നല്‍കുകയാണ്‌ വേണ്ടത്‌. ഹിന്ദുക്കളെ ബാധിക്കുന്ന ഏതു പ്രശ്‌നത്തെക്കുറിച്ചും പ്രതികരിക്കുന്ന ഹിന്ദുക്കളുടെ മൊത്തക്കച്ചവടക്കാരായ ബി.ജെ.പി. പോലും സംവരണകാര്യത്തില്‍ അഭിപ്രായം പറയാന്‍ തയ്യാറാകുന്നില്ല. ഇന്ത്യയിലെ ഹിന്ദുക്കളില്‍ 80% ദളിത്‌-പിന്നോക്ക വിഭാഗത്തില്‍പ്പെട്ടവരാണ്‌. ഈ 80%നുള്ള സംവരണം 50%-ല്‍ കൂടുതല്‍ ആകരുതെന്നാണ്‌ സുപ്രീംകോടതി പറഞ്ഞിരിക്കുന്നത്‌. 20%നും 80% നും ഒരേ സംവരണം (50%). ഗണിതശാസ്‌ത്രത്തിന്റെ പിതാക്കന്മാര്‍ക്കുപോലും മനസ്സിലാക്കാന്‍ പറ്റില്ല ഈ കണക്ക്‌. ഉന്നത വിദ്യാഭ്യാസ രംഗത്ത്‌ പിന്നോക്കസമുദായത്തിന്‌ 27% സംവരണം ഏര്‍പ്പെടുത്തിയ അര്‍ജുന്‍സിംഗിന്റെ നടപടിയെ എങ്ങനെയാണ്‌ എയിംസിലെ (ആള്‍ ഇന്ത്യ ഇന്‍സ്റ്റിറ്റിയൂട്ട്‌ ഓഫ്‌ മെഡിക്കല്‍ സയന്‍സ്‌, ഡല്‍ഹി) വിദ്യാര്‍ത്ഥികള്‍ നേരിട്ടതെന്ന്‌ നമ്മള്‍ കണ്ടതാണ്‌. മധുര ജില്ലയിലെ ഉത്തംപൂരില്‍ വര്‍ഷങ്ങളായി സവര്‍ണ്ണരേയും അവര്‍ണ്ണരേയും തമ്മില്‍ വേര്‍തിരിച്ചിരുന്ന മതില്‍ പൊളിച്ചുമാറ്റാന്‍ മുഖ്യമന്ത്രി കരുണാനിധി തയ്യാറായത്‌ അടുത്തനാളുകളില്‍ പത്രങ്ങളില്‍ വായിച്ചതാണ്‌. സംവരണത്തിലൂടെ പഞ്ചായത്ത്‌ പ്രസിഡന്റായ ആളെ കസേരയിലിരുത്താതെ നിലത്തിരുത്തിയ സംഭവം നമ്മുടെ തൊട്ടടുത്ത സംസ്ഥാനമായ തമിഴ്‌നാട്ടില്‍ ഉണ്ടായി. സ്വാതന്ത്ര്യം കിട്ടി 61 വര്‍ഷങ്ങള്‍ കഴിഞ്ഞിട്ടും ഇത്തരം സംഭവങ്ങള്‍ക്ക്‌ യാതൊരുവിധ ശമനവുമില്ല. എ.ഡി. 8-ാം നൂറ്റാണ്ടുമുതല്‍ നിലനിന്നിരുന്ന സാമൂഹികമായ അടിമത്വം, സ്വാതന്ത്ര്യം കിട്ടി വെറും 61 വര്‍ഷം കൊണ്ട്‌ സംവരണത്തിലൂടെ തുടച്ചുനീക്കിയെന്ന്‌ അവകാശപ്പെടുന്നവര്‍ക്ക്‌ മറുപടി നല്‍കുവാന്‍, മാഹാത്മ ജ്യോതിറാവു ഫുലേയും ശ്രീനാരായണഗുരുവും അയ്യന്‍കാളിയും ചട്ടമ്പിസ്വാമിയും ഡോ. അംബേദ്‌കറും മറ്റും പുനര്‍ജനിക്കേണ്ടിവരും.

Reference :
(1) കാലത്തിനുമുമ്പേ നടന്നവര്‍ - എം.സി. ജോസഫ്‌, ഇന്‍ഡ്യന്‍ എതീസ്റ്റ്‌ പബ്ലിഷേഴ്‌സ്‌, ന്യൂ ഡല്‍ഹി
(2) 11-11-2007 ലെ കേരളകൗമുദി ദിനപത്രം.
(3) 05-08-1984 ലെ കലാകൗമുദി വാരിക.

Kenny Jacob:
I need a clarification from history experts here.

CP demanded an American model government. I have read somewhere that he demanded that India be a true federal republic like America and he was not mentioning about an American govt in Kerala. There are sources that say he was supporting the Indian union, but demanded that it give more freedom to its states, and cited america as a example, which Nehru and the Iron man didnt agree upon.

Did we misunderstand a statement there ? Or did our leaders purposefully make us mis understand it ?

സര്‍‌ദാര്‍ പട്ടേലും മീറ്റിങ്ങിലുണ്ടായിരുന്നു. "ഇന്ത്യയില്‍ നിന്ന് വേറിട്ടൊരു രാജ്യം എന്ന സ്വപ്നവുമായാണ്‌ താങ്കള്‍ തിരുവിതാംകൂറിലേക്ക് മടങ്ങുന്നതെങ്കില്‍ നിങ്ങളുടെ ജീവന്‍ തന്നെ അപകടത്തിലാവും ഓര്‍ത്തോളൂ"

Now this is an open threat, who is this Mr Patel to command something to another ruler here in south ? What privilege does he have ? Was he an elected leader (did any keralite vote) ? Plain "Themmadiatharam"......

Riyad MR:
ആണല്ലൊ, അങ്ങനെ തന്നെയായിരുന്നു വേണ്ടിയിരുന്നതും. പട്ടേൽ അങ്ങനെയൊരു നിലപാടെടുത്തില്ലായിരുന്നെങ്കിൽ ഇന്ന് ഇൻ‌ഡ്യ എന്ന സ്വതന്ത്ര പരമധികാര ജനാധിപത്യ രാജ്യം കാണില്ലായിരുന്നു. തല്ലേണ്ടിടത്ത് തല്ലിയും തലോടേണ്ടിടത്ത് തലോടിയും തന്നെയാണ് ഇൻഡ്യ എന്ന രാഷ്ട്രം രുപം കൊണ്ടിട്ടുള്ളത്.

പട്ടേലിന്റെ വാക്കിനെ ധിക്കരിച്ചിരുന്നുവെങ്കിൽ ഹൈദരാബാദ് നൈസാമിനുണ്ടായ ഗതിയുണ്ടായേനെ തിരുവിതാംകൂർ ഭരിച്ച് മുടിച്ച പൊന്നു തമ്പുരാക്കന്മാർക്ക്. തിരുവിതാം കൂറിനേക്കാൾ ശക്തമായ സേനയുണ്ടായിരുന്ന രാജ്യമായിരുന്നു ഹൈദരാബാദ്. എന്നിട്ടെന്തായി? മാറ്റത്തിന്റെ കുത്തൊഴുക്കിൽ രാജ്യവും രാജഭരണവും പോയി, പൊന്നു തമ്പുരാൻ ജനാധിപത്യത്തിൽ എല്ലാവരെയും പോലെ പ്രജ മാത്രമായി.

കെന്നി സ്റ്റോക്ക് ഹോം സിൻഡ്രോമിനെക്കുറീച്ച് കേട്ടിട്ടുണ്ടാവുമല്ലൊ അല്ലെ...:)

The Stockholm syndrome is a psychological shift that occurs in captives when they are threatened gravely but are shown acts of kindness by their captors. Captives who exhibit the syndrome tend to sympathize with and think highly of their captors, at times believing that the captors are showing them favor stemming from inherent kindness. Such captives fail to recognize that their captors' choices are essentially self-serving. When subjected to prolonged captivity, these captives can develop a strong bond with their captors

തിരുവിതാംകൂർ ജപ്പാനാവുമായിരുന്നത്രെ....

ചിരിച്ച് ചിരിച്ച് ഒരു വഴിക്കാ‍യി. ഈ വർഷത്തെ ഏറ്റവും വലിയ തമാശക്കുള്ള അവാർഡിനു സ്കോപ്പുണ്ട്.

Kenny Jacob:
ആണല്ലൊ, അങ്ങനെ തന്നെയായിരുന്നു വേണ്ടിയിരുന്നതും. പട്ടേൽ അങ്ങനെയൊരു നിലപാടെടുത്തില്ലായിരുന്നെങ്കിൽ ഇന്ന് ഇൻ‌ഡ്യ എന്ന സ്വതന്ത്ര പരമധികാര ജനാധിപത്യ രാജ്യം കാണില്ലായിരുന്നു. തല്ലേണ്ടിടത്ത് തല്ലിയും തലോടേണ്ടിടത്ത് തലോടിയും തന്നെയാണ് ഇൻഡ്യ എന്ന രാഷ്ട്രം രുപം കൊണ്ടിട്ടുള്ളത്.

You are making it sound like "India" was a prophesy and the Jawaharlal Nehru/Patel team where the chosen one to realize it.

I am questioning the basic thinking that praises these leaders and criticizes CP. Travancore cochin was an independent nation, just like Srilanka or burma or any other neighboring country. Under what right did these Super heroes forced the accession ?

They had no right, they used force. Its not a matter of right and wrong. Its a simple matter of who won the race.

തിരുവിതാംകൂർ ജപ്പാനാവുമായിരുന്നത്രെ...

We cant never imagine what would have happened to Kerala if we were independent. There is no point in arguing about it.

But CP lead a great life even after we kicked him out. The same Indian super heroes gave him nice titles and entrusted him with responsibilities which he carried out perfectly.

Coming back to our point. - Our history books have done injustice to CP.

Santhosh Kumar:
എന്തു സംഭവിക്കാന്‍ കെന്നി....
ഉരുക്കുമുഷ്ടിയുമായി ഭരണം നടത്തിയ നിരവധി ഭരണകര്‍ത്താക്കള്‍ ലോകത്തുണ്ട്‌. അവരുടെ ഒക്കെ രാജ്യങ്ങളില്‍ പിന്നീട്‌ എന്ത്‌ സംഭവിച്ചുവെന്നതും നാം കണ്ടു.
അതൊക്കെതന്നെ ഇവിടെയും സംഭവിക്കുമായിരുന്നുള്ളൂ.

Kenny Jacob:
Like Saudi Arabia... right ?

Kenny Jacob:
Sorry... missed the big brother China.

Santhosh Kumar:
ജര്‍മ്മനി മുതല്‍ പോളണ്ട്‌ വരെയുള്ള കമ്യൂണിസ്‌റ്റ്‌, കമ്യൂണിസ്‌റ്റ്‌ ഇതര രാജ്യങ്ങളെയും നോക്കം.

പിന്നെ ചൈന. അവിടെ ഭരിക്കുന്നത്‌ ഒരു വ്യക്തിയല്ല, ഒരു പാര്‍ട്ടിയാണ്‌. അതു മറക്കരുത്‌.

Kenny Jacob:
My point was that we cannot predict what would have happened.

Anyways, what we need to find out is

1. Whether CP was against democracy ? We know that he introduced universal adult franchise. contradiction !!!!

2. The word "American model" that caused the trouble. Was it for Kerala or for the Indian Union. Most chances are that its for the Indian Union, cos like america India is also a group of entirely different states.

Kerala Farmer :
Son of CP was capable to become the President of India.

Riyad MR:
ചൈനയെ പോലെയൊക്കെ ആവേണ്ടിയിരുന്നു ഇൻഡ്യ.( ഞാൻ കമ്മ്യൂണിസ്റ്റ് പാർട്ടിയുടെ ഭരണമല്ല പറയുന്നത്). എങ്ങനെയാണ് പഴയചക്രവർത്തിമാരെ അവർ കൈകാര്യം ചെയ്തൊ അത് പോലെ ഇവിടത്തെ സോ കാൾഡ് തമ്പുരാക്കാന്മാരെ കൈകാര്യം ചെയ്യേണ്ടീയിരുന്നു. ഇൻഡ്യൻ ഭരണകർത്താക്കൾക്ക് പറ്റിയ ഏറ്റവും വലിയൊരബദ്ധം.!

ദ ലാസ്റ്റ് എമ്പറർ എന്നൊരു ചൈനീസ് മൂവിയുണ്ട്, കെന്നി കണ്ടിട്ടുണ്ടോ എന്നറിയില്ല, ഫോർബിഡൻ സിറ്റിയിൽ വെച്ചെടുത്ത ചിത്രം . അത് കണ്ടാൽ മനസ്സിലാകും എങ്ങനെയായിരുന്നു അവസാനത്തെ ചക്രവർത്തി കാലം കഴിച്ച് കൂട്ടിയതെന്ന്. ഭാസുരസുന്ദരമായിരുന്ന പഴയകാലത്തെക്കുറിച്ച് നെടുവീർപ്പിട്ട് കാലം കഴിച്ചത്..!

സൌദി രാജവംശത്തെക്കുറിച്ചൊന്നും പറയാതിരിക്കുന്നതാണ് നല്ലത്. അമേരിക്കൻ പട്ടാളം താങ്ങി നിർത്തുന്നില്ലെങ്കിൽ പണ്ടേക്ക് പണ്ടെ സൌദ് കുടുംബം തുടച്ച് മാറ്റപ്പെട്ടേനെ. ഒരു തരത്തിൽ സൌദ് രാജകുടുംബം അവിടെ നിലനില്ക്കുന്നതാണ് നല്ലത്. ജനാധിപത്യം വരുന്നത് വരെ, ഇല്ലെങ്കിൽ മൌലികവാദികൾ കയറി മേയും. എന്നാലും ഒരിക്കൽ സൌദ് രാജകുടുംബവും ലോകത്തിലെ എല്ലാ ഏകാധിപതികളൂം നിലം പതിക്കും, നേപ്പാളിൽ സംഭവിച്ചത് പോലെ, ജനമുന്നേറ്റങ്ങൽ ഉണ്ടാവുക തന്നെ ചെയ്യും,

സി പി ഈ ഇട്ടാവട്ടത്തിരുന്ന് ഒന്നുമുണ്ടാക്കില്ലായിരുന്നു. ജപ്പാൻ പോയിട്ട് ഒരു കൊറിയ പോലുമാവില്ലായിരുന്നു തിരുവിതാംകൂർ. ഇൻഡ്യൻ യൂണിയനിൽ ചേർക്കപ്പെട്ടില്ലായിരുന്നെങ്കിൽ കീർത്തനങ്ങളെഴുതിയും, ചതുരംഗം കളിച്ചും, കഥകളി കണ്ടും, അമ്മച്ചി വീടൂകളുണ്ടാക്കിയ്ം മുലക്കരം പിരിച്ചും, മീശക്കരം പിരിച്ചും പാവപ്പെട്ടവനെ പിഴിഞ്ഞ് കാലം കഴിച്ച് കൂട്ടൂമയിരുന്നു പൊന്നു തമ്പുരാക്കന്മാർ.ഇവരുടെ മൂട് താങ്ങി കാലം കഴിക്കാൻ കുറെ ആൾക്കാരുമുണ്ടായിരുന്നേനെ

സി പി യെ മുന്നിൽ നിർത്തി രാജാക്കന്മാർ കളിച്ച കളി. കളി പാളിയപ്പോൾ പഴി മുഴുവൻ സി പിക്കും. പൊന്നു തമ്പുരാക്കന്മാർ മാന്യമായി സ്കൂട്ട് ചെയ്തു.

ബിറ്റ്വീൻ

അലിന്തും ഫാക്റ്റും ടൈറ്റാനിയവുമൊന്നും ട്രാവൻ‌കൂർ ഗവണ്മെന്റ് ആരംഭിച്ചതല്ല, ഇതെല്ലാം ഷേഷസായി,നാ‍ട്ടുവർ തുടങ്ങിയ സ്വകാര്യ തമിഴ് വ്യവസായികൾ ആരംഭിച്ചതാണ്. സി പി അതിനുള്ള സൌകര്യം ഏർപ്പെടുത്തി എന്ന് മാത്രം

Santhosh Kumar:
മുല്ലപ്പെരിയാര്‍ ഡാമിന്റെ കരാര്‍ ആരാ ഉണ്ടാക്കിയത്‌.
എനിക്കറിയാതതുകൊണ്ട്‌ സീരിയസ്‌ ആയാ ചോദിക്കുന്നത്‌

Kenny Jacob:
Lets not waste time discussing the lost future/present. I said a few country names to show that there are countries which are not democratic, the reasons may vary.

Now back to our doubts.

1. Whether CP was against democracy ? We know that he introduced universal adult franchise. contradiction !!!!

2. The word "American model" that caused the trouble. Was it for Kerala or for the Indian Union. Most chances are that its for the Indian Union, cos like america India is also a group of entirely different states.

Can any historians help us with this.

BTW I am reading KM mathews autobiography. Very dramatic !!!!!!

Antony Boban :
കെന്നി,
സി.പി. ഒരിക്കലും ജനാധിപത്തിനെതിരായിരുന്നില്ല എന്നാണ് എന്റെ അറിവ്.
മാത്രമല്ല പലയിടത്തും ജനാധിപത്യപ്രക്രിയ പൂർത്തിയാക്കാനുള്ള നടപടികളും സി.പി.യുടെ ഭാഗത്തുനിന്നും ഉണ്ടായിട്ടുണ്ട്.

അമേരിക്കൻ മോഡൽ എന്നത് മുഴുവൻ ഇൻഡ്യക്കുവേണ്ടിയായിരുന്നില്ല. തിരുവിതാംകൂറിന്റെ മാത്രം കാര്യത്തിലായിരുന്നു അങ്ങിനെ ഒരു തീരുമാനം.
അതുകൊണ്ടുതന്നെ മഹാരാജാവിന്റെ ഇഷ്ടാനിഷടങ്ങളല്ലേ അതിനു പിന്നിൽ എന്നു കരുതുന്നതാവും കൂടുതൽ ശരി എന്നു തോന്നുന്നു.

ജവഹർലാൽ നെഹ്രുവിനു മുൻപ് ഇൻഡ്യൻ നാഷണൽ കോൺഗ്രസ്സിന്റെ സെക്രട്ടറി പദം അലങ്കരിച്ച സി.പി.ക്ക്, അയാൾ അധികാര മോഹിയാനെങ്കിൽ, എന്തിനു തിരുവിതാംകൂർ എന്ന നാട്ടുരാജ്യത്തിൽ ഒതുങ്ങി നിൽക്കണം. ഇൻഡ്യൻ പ്രധാനമന്തിതന്നെ ആകാനുള്ള കഴിവില്ലായിരുന്നോ സി,പി,ക്ക്?

പിന്നെ മനോരമക്കുള്ള താല്പര്യങ്ങൾ,
കച്ചവടക്കാരന്റെ താല്പര്യങ്ങൾ മാത്രം.
പലപ്പോഴും ചരിത്രം സൃഷ്ടിക്കപ്പെടുകയല്ല, എഴുതപ്പെടുകയാണ്

Riyad MR:
ക്ഷമിക്കണം കെന്നി,രാജകുടുംബത്തിന്റെ മഹത്ത്വമൊന്നും ഞാനല്ല ഇവിടെ വിളമ്പിയത്. അന്നേരം കെന്നി ഒന്നും പറഞ്ഞതുമില്ല. കെന്നി തെളിക്കുന്ന വഴിയെ ചർച്ച പോകണമെന്നൊക്കെ പറഞ്ഞാൽ ലേശം ബുദ്ധിമുട്ടുണ്ട്..

ArunMohan:
Dear Kenney and friends

As per records available with us as well as many of the official archives published by Government of Kerala

let me say

1. American Model constitution was proposed by Sir C.P, would make an absolute monarchy state into a semi monarchy state

As per this system, Sree Padmanabha who was the titular ruler of Travancore, would be remain as titular Emperor of the new Kingdom with his representative H.H Padmanabhadasa Maharaja as a sovereign holding 4 portfolios namely Defense, Foreign Affairs, Communications and Finance

These 4 portfolios would be managed by nominated Diwan Peshkars duly appointed by the Royal Durbar. These Diwan Peskhars hold ranks equal to Diwan and is answerable only to Royal Durbar, not State Legislature

Diwan would be Semi sovereign almost equal to position of US President in US. However as part of phase 1, he will be nominated by Sree Mulam Council (Upper House). not from Sree Chitra Council (Lower house which consists of People's representatives). The upper house consists of 50% officials and 45% landlords and remaining nominated members. In short in phase 1, Diwan would be purely a person nominated as per Maharaja's preference

But PLS NOTE:- Phase 2 was envisioned in the draft constitution, which said when time settles for full implementation of the constitution, DIWAN WOULD BE ELECTED BY PEOPLE DIRECTLY, though nominations of candidates would be done by Upper Council or Sree Mulam Council

The Diwan would be assisted by team of State Huzar Peshkars holding equal to rank of Secretary of States in US for each portfolio

2. The Diwan is answerable to Sree Chitra Council and all proposals passed by Royal Durbar needs to be passed at Sree Chitra Council, thus no rule that goes against people's interest could be passed at Sree Chitra Council. Sree Chitra Council consists of MPs directly elected by people based on universal suffrage, hence there is a direct check and control, as seen in US Political system

3. The Maharaja is not answerable to both the houses, though he makes policy formation for a period 10 years, declarable at Sree Mulam council whereas Diwan makes annual policy declarable at Sree Chitra Council

In short thro' using the word American Model constitution, Sir C.P was intending to implement Presidential Model of democracy retaining the essential Monarchy essence in Travancore.

Sir C.P was in favour of elections based on universal adult franchise, as implemented in Sree Chitra Council during 1930s elections and thro' creation of such checks and balances, he envisioned for a stable, responsible government, yet retaining the Royal house of Travancore and allegiance to Sree Ananthapadmanabha Swamy

But thro' using the word American, it was felt that America would become paramount power in place of British............

With regards
Arun

Antony Boban :
@ അരുൺ മോഹൻ,
ഈ വിവരങ്ങൾ ആരാണ് എഴുതിയത്?
ഒരു കോപ്പി കിട്ടാൻ വഴിയുണ്ടോ?

അമേരിക്കൻ മോഡൻ എന്ന നിർദ്ദേശത്തോട് മഹാരാജാവിന്റെ സമീപനം എന്തായിരുന്നു?
കേരളം പിൽക്കാലത്ത് ഭരിച്ചത് സി.പി.യുടെ നയങ്ങളോട് എതിർപ്പുള്ള സർക്കാരുകളായിരുന്നു എന്നതുകൊണ്ടുതന്നെ ഈ രേഖകളിൽ ഒരു സി.പി. വിരുദ്ധ നിലപാടിനു സാധ്യത തള്ളിക്കളയാനാകുമോ

Arun Mohan:
@Antony Boban

You can see the copy of the draft constitution as duly published in Travancore State Manuel. The copy is also available as part of a Kerala Government published book called "Travancore, an Historical Insight". Also the copy is available as part of National archives. I read this constitution from a copy published in Travancore State Record, again by Dept of archives, Government of Kerala.............

You can also gain a copy of this draft constitution from Dept of Archives, Government of Kerala, on payment of some prescribed fees..........

If possible, I will try to get a copy from Palace archives, though I am not so sure, as I am now not in Kerala, to go there and get it........ Still I will give a try

Dear Antony

Maharaja Chitra Thirunal thampuran, whom I used to call Valiya thampuran in my childhood days, was a man of progress values and high end approach. He was a man of modern values and always shed the traditional orthodox concepts associated with the Royal Family. Thus he was sure that he could not retain the concept of absolute monarchy for further longer, as most of the world absolute monarchy were over. Hence he favoured for semi monarchy. But he specifically made some conditions

1. Sree Padmanabha Swamy should hold the titular Emperor, as this concept is one of the strongest pillar of Travancore Foundations and Maharaja should thus gain Full Sovereign status, as being servant of Lord. This was first area, that goes on contradictory with true spirit of American Politican system, as in US there is no DUAL SOVEREIGN CONCEPT, but Travancore envisionized DUAL SOVEREIGN CONCEPT, with Sree Padmanabha thro' his Servant becomes First Sovereign and Diwan as second sovereign

2. Though Diwan is a semi sovereign post, his/she must declare his unconditional alleigence to Sree Padmanabhaswamy. This condition was put forward to curtail any future possiblity of communists coming to power, as they can't pledge loyalty to Sree Padmanabha as they consider it as a Hindu God

3. The Maharaja must given direct control of 4 portfoilos

This was said to me, by H.H Valiya Thampurathi, Late Karthika Thirunal, who was sister of Chitra Thirunal and Queen of Travancore. She used to tell me, these old stories, whenever I used to visit Kowidar

With regards
Arun

AntonyBoban:

@ ആരുൺ മോഹൻ,
അതായത് ഇപ്പറഞ്ഞ രേഖകൾ രാജകുടും‌ബത്തിന്റെ വെർഷൻ എന്നല്ലേ.

അതല്ലാതെ ഇതു സംബന്ധിക്കുന്ന മറ്റു രേഖകൾ കിട്ടാൻ വഴിയുണ്ടോ.
ഞാൻ മനപ്പൂർവ്വം താങ്കളെ ബുദ്ധിമുട്ടിക്കുന്നു എന്നു തോന്നരുത്.
ഞാനുദ്ദേശിച്ചത് മഹാരാജാവും ദിവാൻ സി.പി.യുമായി നടത്തിയ കത്തിടപാടുകളൂടെ (അമേരിക്കൽ മോഡൽ സംബന്ധിച്ച് ) രേഖകൾ വല്ലതും ?

Mountbatten wrote in a Personal Report to London on July 25: "I gather the Maharaja is completely under Sir C.P.'s thumb." C.P. observed the forms carefully, keeping his boss informed. But he called the shots. It is, however, only fair to say that the boss fully shared the dream of entering "the gates of Eden" in his company. Else, C.P. could not have gone as far as he did.

ArunMohan:
Dear Kenney and Riyad

India wanted Hyderabad to join with Union, because presence of such a hostile Muslim Kingdom, that too which declared open support to India's arch rival Pakistan and holding the key entry into south, would be a major security for India. Thus they wanted Hyderabad, some way or other into India Union

Regarding Travancore, if US openly declared their support, as promised to Diwan's secretary or atleast made a press statement officially recognizing the country, India would leave Travancore alone, just like how they left Nepal, as Nepal got an official support from British Crown. Moreover as India knows both Travancore and Nepal are Hindu countries, it won't create as hostile as Hyderabad poised

But 2 major actions from Travancore provoked India too........ One action from Sir C.P was recongizing Pakistan. Soon on August 15th 1947, on the very next day after Independence of Pakistan, Travancore declared its recogition. Travancore's political agent in Karachi announced that it will submit its credentials soon to legimately become as an Ambassador of Travancore to Pakistan. This action lead Pakistant to recognize Travancore, which irked and created fear among Indian leaders, that it could result in a bigger game play involving US, Pakistan and Britian using Travancore to meddle back into India's new Independence. So unlike Nepal, Indian Leaders wanted Travancore to get into Indian Boat

Another issue was Diwan Sir C.P was all set form group of nawabs like Nawab of Bhopal, Mysore Raja and Hyderabad Nizam to counter any Indian aggression. In event of forming such an alliance and using combined forces of these kingdoms, which secretly enjoy British support as well as Travancore's secret support of US, was felt to be a major threat to Indian Union, especially into south...........

However Diwan Sir C.P had serious difference with Nizam and he was not sure about support of other nawabs, barring Mysore Raja. So he didn't went strongly with this plan, but this intelligence report of India, was strong enough for Sadar to decide to go along with his plan to get Travancore into Indian boat, much before an alliance between US and Travancore could be formed

But I am damn sure, if US supported openly Travancore as promised, India won't go with its plan to annex Travancore. Unforunately US felt insecurity soon after Sir C.P's resignation and refused to extend its open support, which finally lead Travancore into India Union

But whether to laugh or not, if US supported Travancore and Travancore becoming a US Ally, like anyother US allies, it would surely a major country, just like how US supported West Germany or Japan made major strives after complete annahilation

With regards
Arun

Arun Mohan:
What I said is only what Lord Mountbatten felt........ Sree Chitra Thirunal, unlike other Royals, was a shy person..... In many functions after Independence, where he used to attend, he rarely address or speak openly............. So for any outsiders always his ADC was his mouth, though he has a strong mind and powerful visions...........

Perhaps his lonely childhood days, might have made him, less spoken type........ In those royals days, Chitra Thirunal rarely gave audience at Durbar. Rather Diwan used to hold Durbar on behalf of him. However the East Room of Kowidar Palace was one of strategic rooms, where Maharaja, his Mother Junior Maharani, his sister Queen Karthika Thirunal, 1st Prince GV Raja and a few trusted advisors along with Diwan holds the real durbar, where Maharaja makes his decisions.........

Its true, Chitra Thirunal used to delegate several of his powers to Diwan, his brother in law GV Raja, crown prince Uthradom Thirunal and several others.... Perhaps it might be the reason why he failed

But truly he was monitoring all things, right from his own room and made his decisions,but all jointly with Sir C.P, as he was his mouth and to some extend his mind......... Perhaps, that might resulted a tense moments for him, when he was left alone with C.P, which lead to signing into Indian Union

Antony Boban:
@ ആരുൻ മോഹൻ.

Soon on August 15th 1947, on the very next day after Independence of Pakistan, Travancore declared its recogition.

On June 20, 1947, Jinnah wired Iyer to say that Pakistan was “ready to establish relationship with Travancore which will be of mutual advantage”. The Dewan replied that since his State was taking steps to “maintain herself as an independent entity”, he proposed that a treaty be signed between the “independent Sovereign State” of Travancore and the Government of Pakistan.

Arun Mohan:
Yeah

it was true, August 15th 1947, automatically made Travancore as an Independent country as it didn't join with India at that time. So it has all legitimacy to recognize a country, using its own independent foreign policy power....... Thats why Travancore recognized Pakistan on August 15th, the day when TRAVANCORE became INDEPENDENT SOVEREIGN POWER. Pls note, on this day, Travancore was not a party to standstill agreement, so naturally it was an independent state........

On this day, it was the Imperial Red Shanku Flag fluttering on Huzur Cutchery (today's Secretariat) Bldg just like any other day, another example, that on this day, India had no influence over Travancore......

Pakistan also announced its recognition towards 14 princely states on later days, which irked India too

With regards
Arun

Antony Boban:

സി.പി. രാമസ്വാമി അയ്യരുടെ സംഭാവനകൾ

Kenny Jacob:
രാജകുടുംബത്തിന്റെ മഹത്ത്വമൊന്നും ഞാനല്ല ഇവിടെ വിളമ്പിയത്. അന്നേരം കെന്നി ഒന്നും പറഞ്ഞതുമില്ല

I kept silent cos I dont know much about them. I

കെന്നി തെളിക്കുന്ന വഴിയെ ചർച്ച പോകണമെന്നൊക്കെ പറഞ്ഞാൽ ലേശം ബുദ്ധിമുട്ടുണ്ട്..

I did not try to control the discussion, All that I said was none of us can every predict what would have happened to Kerala if it were independent. It will be an endless argument. I am sure many will agree with me.

KM Mathews book is a total waste, he is too biased in his writings and portrays CP as cruel, power hungry and manipulative. His writing style is exactly that of Manorama when it reports a penvanibha case uncovered with a sting operation. The book is full of speculations allegations. Every action of CP is seen from a negative angle. (Eshtamillatha Achi tottathellam kuttam).

AntonyBoban :
@ Kenny,
കെ.എം.മാത്യു അങ്ങനെ എഴുതുന്നതിൽ കര്യമുണ്ട്.
കാരണം സി.പി. ദേശസാൽകരിച്ച് ക്വ്യ്‌ലോൺ ബാങ്കിന്റെ ഡയറക്റ്ററായിരുന്നു ഇദ്ദേഹത്തിന്റെ പിതാവ് മമ്മാൻ മാപ്പിള.
കാശുപോയവർക്കു ദണ്ഡമില്ലാണ്ടിരുക്കുമോ?

KennyJacob:
Found an excellent read, shared to me by a friend on twitter.

http://pmn1974.blogspot.com/2009/04/blog-post.html

'എട്ടാമത്തെ മോതിര'ത്തിന്റെ ഒമ്പതു മുതല്‍ പതിനെട്ടുവരെ അധ്യായങ്ങള്‍ (110 പേജുകള്‍) വിനിയോഗിച്ചിരിക്കുന്നത് സി.പി. രാമ സ്വാമി അയ്യരെ ദുഷിക്കാനും കെ.സി. മാമ്മന്‍ മാപ്പിളയുടെ നിരപരാധിത്വം ആവര്‍ത്തിച്ചാവര്‍ത്തിച്ച് വ്യക്തമാക്കാനുമാണ്. ട്രാവന്‍കൂര്‍ നാഷനല്‍ ആന്റ് ക്വയിലോണ്‍ ബാങ്കിന്റെ തകര്‍ച്ചയും ഉടമസ്ഥരുടെ വിചാരണയും തടവുശിക്ഷയുമൊക്കെ പ്രതിപാദിക്കുമ്പോള്‍ സഹജമായ നയവും വിനയവും അഭിനയവും ഗ്രന്ഥകാരനെ വിട്ടുപിരിയുന്നു. സ്വരം പരുഷമാകുന്നു, വാക്കുകള്‍ക്കു മൂര്‍ച്ചകൂടുന്നു. വ്യാജരേഖയുണ്ടാക്കി ഇടപാടുകാരെ വഞ്ചിച്ചതിനാണ് മാമ്മന്‍ മാപ്പിളയെയും കൂട്ടരെയും വിചാരണചെയ്തു ശിക്ഷിച്ചത് എന്ന പ്രാഥമിക വസ്തുത വിസ്മരിക്കുന്നു.

പകരം, സി.പിയുടെ പൊലീസ്, സി.പിയുടെ കോടതി, സി.പിയുടെ പീനല്‍കോഡ്, സി.പിയുടെ ജയില്‍, സി.പി അനുകൂല ചരിത്രകാരന്മാര്‍ എന്നിവര്‍ക്കൊക്കെ നേരെ കുരച്ചു ചാടുന്നു. പ്രൊഫ. എ. ശ്രീധരമേനോനെപ്പോലും വിട്ടിട്ടില്ല. മനോരമ പൂട്ടിച്ചതിന്റെയും ബാങ്ക് തകര്‍ത്തതിന്റെയും ഉത്തരവാദിത്തം അമ്മ മഹാറാണിക്കാണെന്ന തിയറിയെ പാടേ നിരാകരിക്കുന്നു (മറിച്ചു തെളിയിക്കാനുള്ള വ്യഗ്രതകൊണ്ടാവണം മാര്‍ത്താണ്ഡവര്‍മ മഹാരാജാവിനെക്കൊണ്ട് മോതിരം പ്രകാശിപ്പിച്ചത്). തിരുവിതാംകൂറിന്റെ വ്യവസായ പുരോഗതിക്കുവേണ്ടി സി.പി. രാമസ്വാമി അയ്യര്‍ ഒരു ചുക്കും ചെയ്തില്ല എന്നു വാദിക്കുന്നു.

സത്യത്തില്‍, ഒമ്പതുമുതല്‍ പതിനെട്ടുവരെ അധ്യായങ്ങളില്‍ വിവരിക്കുന്ന സംഗതികളില്‍ മുക്കാല്‍പങ്കും കെ.എം. മാത്യുവിന് നേരിട്ട് അറിവുള്ള കാര്യങ്ങളല്ല. ഇതേ കാര്യങ്ങള്‍ ഇതിനേക്കാള്‍ വ്യക്തതയോടെ, കുറേക്കൂടി സത്യസന്ധമായി കെ.സി. മാമ്മന്‍ മാപ്പിളയുടെ 'ജീവിതസ്മരണകളി'ല്‍ പ്രതിപാദിച്ചിട്ടുള്ളതുമാണ്.

ബാങ്കുതട്ടിപ്പുകേസിലെ പ്രതികളെ എട്ടുകൊല്ലത്തെ തടവിനാണ് വിചാരണക്കോടതി ശിക്ഷിച്ചത്. അപ്പീല്‍ പരിഗണനയിലിരിക്കെ കെ.സി. ഈപ്പന്‍ മരിച്ചു. കെ.വി. വര്‍ഗീസിനെ ഹൈക്കോടതി വെറുതെവിട്ടു. ബാക്കി മൂന്നുപേരുടെയും ശിക്ഷ ശരിവെച്ചു. കെ.സി. മാമ്മന്‍ മാപ്പിളയും മകന്‍ കെ.എം. ഈപ്പനും നിരുപാധികം കുറ്റം സമ്മതിക്കുകയും ക്ഷമയാചിക്കുകയും അനാരോഗ്യം പരിഗണിച്ച് ജയില്‍വിമുക്തരാക്കണമെന്ന് അന്നദാതാവായ പൊന്നുതമ്പുരാനോട് താണപേക്ഷിക്കുകയും ചെയ്തു. മാപ്പപേക്ഷയില്‍ ചിത്തിര തിരുനാള്‍ തൃക്കൈവിളയാടി: 1941 സെപ്റ്റംബര്‍ 11ന് മാമ്മന്‍ മാപ്പിളയും മകനും ജയില്‍മോചിതരായി. താമസം മദ്രാസിലേക്കു മാറ്റി.

അവശേഷിച്ച പ്രതി, ചാലക്കുഴിയില്‍ സി.പി. മാത്തന്‍ കുറ്റം സമ്മതിച്ച് ക്ഷമായാചനം നടത്താന്‍ തയാറായില്ല. മാമ്മന്‍ മാപ്പിളയും മകനും തടികഴിച്ചിലാക്കിയ ശേഷവും അദ്ദേഹം പൂജപ്പുര ജയിലില്‍ ഉണ്ടതിന്നുകഴിഞ്ഞു. മാത്തന്റെ ഭാര്യ, അന്നത്തെ അഡ്വക്കറ്റ് ജനറല്‍ സര്‍ ബി.എല്‍. മിത്തറുടെ നിയമോപദേശം സഹിതം വൈസ്രോയിക്ക് ഹരജി കൊടുത്തു. വൈസ്രോയിയുടെ സമ്മര്‍ദത്താല്‍ മാത്തനും മോചിതനായി എന്നാണ് ചരിത്രം.

ഇനി കെ.എം. മാത്യുവിന്റെ ഭാഷ്യം കേള്‍ക്കുക. കുറ്റസമ്മതം, ക്ഷമായാചനം തുടങ്ങിയ പദങ്ങളൊന്നും അദ്ദേഹം കേട്ടിട്ടേയില്ല:

''കേസിനോടു ബന്ധപ്പെട്ട കാര്യങ്ങളോടൊപ്പം വിധിന്യായവും ചേര്‍ത്ത്, കെ.പി. ഏബ്രഹാം മുഖേന അയച്ച അഭ്യര്‍ത്ഥനയിലൂടെ സി.പി. മാത്തന്റെ പത്നി ഏലിയാമ്മ (കുഞ്ഞ്), ഫെഡറല്‍ കോടതിയിലെ റിട്ടയേഡ് ജഡ്ജി ബി.എല്‍. മിത്തറിനോട് വിധിയെക്കുറിച്ചുള്ള വിദഗ്ധ നിയമോപദേശം തേടി. വിശദമായ തെളിവുകളോടെ ബാര്‍വെല്ലും കെ.ജി. നായരും കെ.പി. ഏബ്രഹാമും നടത്തിയ വാദവും മറ്റും പരിശോധിച്ചു ബോധ്യപ്പെട്ട മിത്തറിന്റെ അഭിപ്രായം കേസിന് നിലനില്പില്ലെന്നും വിധി പക്ഷപാതപരമാണെന്നുമായിരുന്നു. വൈസ്രോയിക്കും ബന്ധപ്പെട്ട മറ്റുള്ളവര്‍ക്കും മിത്തറിന്റെ ആ അഭിപ്രായം മിസിസ് മാത്തന്‍ അയച്ചുകൊടുത്തു. സി.പി പ്രതീക്ഷിക്കാത്ത ഒരു നീക്കമായിരുന്നു ഇത്.

ഇതേത്തുടര്‍ന്ന്, കേസില്‍ വിധിന്യായം നടത്തിയ ജഡ്ജിമാര്‍ക്കെതിരെയും സി.പിക്കെതിരെയും കൊട്ടാരത്തിനെതിരായിപ്പോലും പൊതുജനങ്ങള്‍ക്കിടയിലും ബ്രിട്ടീഷ് അധികാരകേന്ദ്രങ്ങളിലും അഭിപ്രായ രൂപീകരണം ഉണ്ടാവുമെന്ന ഭീതിയില്‍, ശിക്ഷാകാലാവധി തീരുംമുന്‍പേ 1941 സെപ്തംബര്‍ 11ന് സി.പി. മാത്തനൊഴികെയുള്ള എല്ലാവരെയും വിട്ടയക്കുകയായിരുന്നു. സി.പി. മാത്തനെ വീണ്ടും പ്രകോപിപ്പിക്കുവാന്‍ വേണ്ടിയായിരുന്നു അപ്പച്ചനെയും മറ്റുള്ളവരെയും ആദ്യം വിട്ടയച്ചത്. ഇതില്‍ മാത്തന്‍ കുലുങ്ങില്ലെന്ന് ബോധ്യപ്പെട്ട സി.പി വൈകാതെ മാത്തനെയും വിട്ടയച്ചു.''

'സി.പി മാത്തനൊഴികെയുള്ള എല്ലാവരെയും,' 'അപ്പച്ചനെയും മറ്റുള്ളവരെയും' എന്നീ പ്രയോഗങ്ങള്‍ ശ്രദ്ധിക്കുക. സി.പി. മാത്തനെക്കൂടാതെ 10^15 പ്രതികളെങ്കിലും ഉണ്ടായിരുന്നു എന്ന പ്രതീതി സൃഷ്ടിക്കാനാണിത്. മാത്തനെ കൂടാതെ രണ്ടു പ്രതികളേ ജയിലിലുണ്ടായിരുന്നുള്ളൂ^ മാമ്മന്‍ മാപ്പിളയും മകന്‍ കെ.എം. ഈപ്പനും മാത്രം. അവര്‍ മാപ്പെഴുതിക്കൊടുത്ത് ഇറങ്ങിപ്പോകുകയും ചെയ്തു.

ശശി തരൂർ കുവൈറ്റിലെത്തുമെന്നു വാർത്ത

2009-11-15T21:02:00.000+03:00

സി.പി. രാമസ്വാമി അയ്യരെ ഓർക്കുമ്പോൾ.

2009-11-12T22:32:00.000+03:00

കാലത്തെ രണ്ടായി പകുത്തുവയ്ക്കുന്ന ചിലരുണ്ട്. യേശു ക്രിസ്തുവും അബ്രഹാം ലിങ്കണും, ഗോർബച്ചേവും കാലത്തെ അങ്ങനെ പകുത്തു വച്ചവരാണ്. ലോകത്തിന്റെ ഒഴുക്കിനെതിരെ നീന്തുകകയും നിലവിലെ സംസ്കാരത്തെ അല്ലെങ്കിൽ നിയമങ്ങളെ തകിടം മറിച്ചുകൊണ്ട് പുത്തൻ ലോകക്രമങ്ങൾ സൃഷ്ടിച്ചവരാണ് ഇവരെല്ലാം. തന്റേതായ വീക്ഷണകോണിലൂടെ ലോകത്തിനു പുതിയ ചരിത്രം എഴുതിച്ചേർത്തവർ. ഒരുപക്ഷേ ഇവർ ഇല്ലായിരുന്നുവെങ്കിൽ ലോകം എന്തായിത്തീരുമെന്നു സങ്കൽ‌പ്പിക്കാൻ പോലുമാവില്ല. ഒരു വാക്കിൽ, ഒരു വിരലുയർത്തലിൽ, ഒരു മൂളലിൽ, അല്ലെങ്കിൽ അർദ്ധഗർഭമായ മൌനത്തിൽ ലോകത്തെ മറ്റിയവർ.

തെറ്റിധരിക്കപ്പെടാൻ ഇനിയും സാധ്യതകളുള്ള അത്തരമൊരു വ്യക്തിത്വമാണ് സജിവോത്തമൻ സർ സി.പി. രാമസ്വാമി അയ്യരുടേത്. തിരുവിതാം‌കൂറിന്റെ ദിവാനായിരുന്ന സർ സി.പി. അഞ്ചു വർഷക്കാലം ചിത്തിര തിരുന്നാൾ മഹാരാജാവിന്റെ ഉപദേശകനായും, പത്തു വർഷം തിരുവിതാംകൂറിന്റെ ദിവാനായും സേവനമനുഷ്ടിക്കുകയും ചെയ്തുകൊണ്ട്, തിരുവിതാംകൂറിന്റെ, അല്ലെങ്കിൽ കേരളത്തിന്റെ തന്നെ ചരിത്രത്തെ തന്റെ കാലവും അതിനുശേഷവും എന്നു രണ്ടായി തിരിച്ച ഭരണാധികാരി.

നവമ്പർ പതിമൂന്ന് , സി.പി. രാമസ്വാമി അയ്യരുടെ നൂറ്റിമുപ്പതാം ജന്മദിനം.
നമ്മൾ മലയാളികളുടെ, പ്രത്യേകിച്ച് തിരുവിതാംകൂറുകാരായ മലയാളികളുടെ മനസ്സിൽ കറുത്ത ചില ഓർമ്മകളാണ് സി.പി. എന്ന രണ്ടക്ഷരത്തിലൂടെ ഉയർന്നു വരുന്നത്. ഇൻഡ്യൻ യൂണിയൻ എന്ന മഹത്തായ സ്വപ്നത്തെ തുരങ്കം വയ്ക്കാൻ ശ്രമിച്ച സ്വേഛാധിപതി. കേരളത്തിൽ ഉയർന്നു വന്ന ഇടതു പാർട്ടികളെ തകർത്തെറിയാൻ ശ്രമിച്ച ഉരുക്കു മുഷ്ടി. ഇതാണ് സി.പി.യെക്കുറിച്ചുള്ള പൊതു ധാരണ. ഒരു പരിധിവരെ അതു ശരിതന്നെയാണ്. എന്നാൽ എന്തുകൊണ്ട് അങ്ങനെയായി എന്ന് ചിന്തിക്കാനുള്ള അവസരമാണിത്.

കെ.സി.എസ് മണിയുടെ വെട്ടേറ്റ് മരണത്തിൽ നിന്നും കഷ്ടിച്ച് രക്ഷപ്പെട്ട ആമനുഷ്യനെ പിന്നെ കാണുന്നത് ഇൻഡ്യയിലെത്തന്നെ മറ്റാരുടെയും വന്യമായ സ്വപ്നങ്ങളിൽ‌പോലും കടന്നു വരാത്ത ചില സ്ഥാനങ്ങളിൽ ഇരിക്കുന്നതാണ്.
സജിവോത്തമൻ സർ.സിപി. രാമസ്വാമി അയ്യർ എന്തുകൊണ്ട് ന്യായീകരിക്കപ്പെടണം ?
ദിവാൻ എന്ന നിലയിൽ തിരുവിതാംകൂറിന്റെ പുരോഗതിക്കായി അദ്ദേഹത്തിന്റെ സംഭാവനകളെ ഒന്നു വിശകലം ചെയ്യാം.

1. ക്ഷേത്രപ്രവേശനവിളംബരത്തിന്റെ മുഖ്യ ശില്പി.
2 . എഫ്.എ.സി.ടി. ഇൻഡ്യൻ അലുമിനിയം കമ്പനി, ട്രവാങ്കൂർ റയോൺസ്, അലുമിനിയം കേബിൾ കമ്പനി കുണ്ടറ, ട്രവാൻ‌കൂർ ടൈറ്റാനിയം പ്രോഡക്റ്റ്സ്, ട്രൻസ്പോർട്ട് കോർപറേഷൻ, പള്ളിവാസൽ വൈദ്യുത നിലയം, പേച്ചിപ്പാറ വൈദ്യുത നിലയം, തുടങ്ങിയ മറ്റനവധി പദ്ധതികൾ.
3. നദീജല സംയോജന പദ്ധതി വിഭാവനം ചെയ്തു.
4. കന്യാകുമാരിയിലെ വിവേകാനന്ദപ്പാറയിലെ പ്രവർത്തികളും കന്യാകുമാരി അതിഥിമന്ദിരവും.
5. പത്മനാഭപുരം കൊട്ടാരത്തിന്റെ പുനരുദ്ധാരണ പ്രവർത്തനങ്ങൾ.
6. തിരുവനന്തപുരത്തെ ആർട്ട് ഗാലറിയുടെ വികസനം.
7. തിരുവിതാം‌കൂർ സർവകലാശാല ആരംഭിച്ചു. (ഇന്നത്തെ കേരളാ സർവകലാശാല.)
8. തിരുവനന്തപുരം മുതൽ കന്യാകുമാരിവരെ നീളുന്ന ആദ്യത്തെ സിമെന്റ് റോഡ് സ്ഥാപിച്ചു.
9. കുറ്റകൃത്യങ്ങൾക്കുള്ള അവസാന ശിക്ഷാനടപടിയായ തൂക്കുമരണം തിരുവിതാംകൂറിൽ നിന്നും എടുത്തുകളഞ്ഞു.
10. സ്കൂൾ കിട്ടികൾക്ക് ഉച്ചഭക്ഷണം വിതരണം ചെയ്യുവാനായി വഞ്ചിപുവർ ഫണ്ട് സ്ഥാപിച്ചു.
11. ആദ്യമായി ഒരു വനിതയെ ജില്ലാ ജഡ്ജിയായി നിയമിച്ചു. (അന്നാ ചാണ്ടി).
12. കഴക്കൂട്ടം മുതൽ കോവളം വരെ തിരുവനന്തപുരം നഗരത്തിന്റെ വികസനം വിഭാവനം ചെയ്തു.
13. സൌജന്യ-നിർബന്ധിത വിദ്യാഭ്യാസം നടപ്പിലാക്കി.
14. ഇൻഡ്യയുടെ മറ്റു ഭാഗങ്ങളിലേക്ക് വിമാന സർവ്വീസ് നടപ്പിലാക്കി.( വിമാന സർവ്വീസ് നടപ്പിലാക്കുന്ന ആദ്യത്തെ നാട്ടുരാജ്യമാണ് തിരുവിതാംകൂർ)
മറ്റനവധി പരിഷ്കാരങ്ങൾ. പത്തുവർഷക്കാലത്തെ ദിവാൻ ഭരണത്തിന്റെ നേട്ടങ്ങൾ.
കേരളരൂപീകരണം കഴിഞ്ഞ് അമ്പതിലേറെ വർഷങ്ങളായിട്ടും സി.പി. തുടങ്ങിയടുത്തുതന്നെ നിൽക്കുന്നു നമ്മുടെ വികസനം.
ചുരുക്കത്തിൽ സർ സി.പി. നടപ്പിലാക്കിയതും വിഭാവനം ചെയ്തതുമായല്ലാതെ ആധുനിക കേരളം ഒന്നും നോടിയിട്ടില്ലാ എന്നു തന്നെ പറയാം.
“ദക്ഷിണകേരളം സി.പി.യുടെ കാലത്ത് നേടിയതല്ലാതെ മറ്റൊന്നും നേടിയിട്ടില്ല” എന്ന് ഉത്രാടം തിരുന്നാൾ മാർത്താണ്ട വർമ്മക്കു പിന്നീട് പറയേണ്ടി വന്നത് ചരിത്രത്തിന്റെ തിരിച്ചുപോക്കാണ്. തമസ്കരിക്കപ്പെട്ട സത്യത്തിന്റെ കുമ്പസാരം. സി.പി. ആക്രമിക്കപ്പെടാൻ പാടില്ലായിരുന്നുവെന്നും അദ്ദേഹം പറഞ്ഞു.

ഇത്രയൊക്കെ ചെയ്തിട്ടും എന്തുകൊണ്ട് സി.പി. വെറുക്കപ്പെട്ടവനാകുന്നു. ?

മഹാരാജാവിന്റെ താല്പര്യങ്ങൾക്കൊത്ത് പ്രവർത്തിക്കണം ദിവാൻ. വെട്ടേറ്റു നാടുവിടേണ്ടി വരുന്നതിനു ഒരുവർഷം മുൻപ് ദിവാൻ പദം ഒഴിഞ്ഞ് രാജിക്കത്തു നൽകിയ സി.പി. രാജാവിന്റെ അഭ്യർഥനപ്രകാരം വീണ്ടും തൽ‌സ്ഥാനത്തു തുടരുകയായിരുന്നു എന്നത് ഇതോടൊപ്പം ചേർത്തു വായിക്കേണ്ടതാണ്. തിരുവിതാം‌കൂറിലെ പ്രജ ഇന്നും മനസ്സിൽ ആരാധനയോടെ മാത്രം കാണുന്ന മഹാരാജാവിന്റെ അധികാരക്കൊതിയോടുള്ള എതിർപ്പു കാരണമല്ലേ സി.പി. സ്ഥാനമൊഴിയാൻ തീരുമാനിച്ചത്.? ആറ്റിരത്തിതൊള്ളായിരത്തി അമ്പത്താറ് ജനുവരി പതിനൊന്നാം തിയതി രാജിവിനെഴുതിയ കത്തിൽ സി.പി. പറയുന്നു “തിരുവിതാംകൂർ ഇൻഡ്യൻ യൂണിയനിൽ ചേരാതിരിക്കുകയും, സ്വതന്ത്രരാജ്യമെന്ന നിലയിൽ തുടരുകയും ചെയ്താൽ, ബ്രിട്ടീഷ് സാമ്രാജ്യത്തിന്റെ സൈനീകസഹായം തേടേണ്ടതായി വരും. എന്നാൽ, ബ്രിട്ടീഷുകാരുടെ പൊതുസ്വഭാവം വച്ചുകൊണ്ട് അവർ ഒഴുക്കിനൊപ്പം നീന്തുന്നവരാണ്. അവരെ വിശ്വസിക്കാനാവില്ല.“
ഈ വാക്കുകളിലൂടെ മഹാരാജാവിന് ഇൻഡ്യയുടെ അപ്പോഴത്തെ രാഷ്ട്രീയ സാഹചര്യം ബോധ്യപ്പെടുത്തിക്കൊടുക്കുകയും ഇൻഡ്യൻ യൂണിയനിൽ ചേരാൻ മഹാരാജാ‍വിനെ പ്രേരിപ്പിക്കുകയുമാണ് ചെയ്തത്. സ്വതന്ത്ര രാജ്യമെന്നരീതിയിൽ നിൽക്കേണ്ടി വന്നാൽ ഇൻഡ്യൻ പട്ടാളത്തോട് യുദ്ധംചെയ്തു ജയിക്കാനാവില്ലെന്നും അദ്ദേഹം സൂചിപ്പിക്കുന്നു. ഇൻഡ്യൻ യൂണിയൻ രൂപീകരണത്തിനു ശേഷം അദ്ദേഹത്തിന്റെ പ്രവർത്തനങ്ങൾ പരിശോധിച്ചാൽ, അദ്ദേഹം ഒരു അധികാരക്കൊതിയനായിരുന്നില്ല എന്നു മനസ്സിലാക്കാനാകും. തിരുവിതാംകൂറിനെ, സ്വന്തം കാലിൽ നിൽക്കാ‍ൻ പ്രാപ്തമാകുകയായിരുന്നു സി.പി. എന്നു പറയാം. തിരുവിതാംകൂർ ദിവാനാകുന്നതിനു മുൻപും പിൻപുമുള്ള അദ്ദേഹത്തിന്റെ പ്രവൃത്തികൾക്ക്, അധികാരഭ്രമം കയറിയ ഒരു സ്വേഛാധിപതിയുടേതല്ല, ദീർഘവീക്ഷണമുള്ള ഒരു ജനനായകന്റെ മുഖമാണുള്ളത്. ഇൻഡ്യയുടെ ചരിത്രത്തിലാദ്യമായി ഒരു ദളിതനെ തന്റ്റെ ജൂനിയർ വക്കീലായി നിയമിക്കുന്നതിലൂടെ അദ്ദേഹം ജാതിവ്യവസ്ഥയുടെ വേലിക്കെട്ടുകൾ തകർത്തെറിയുകയായിരുന്നു.

ചരിത്രത്തിന്റെ പകുത്തുവയ്ക്കൽ നിർവ്വഹിച്ച ആ മഹത് വ്യക്തിത്വത്തെക്കുറിച്ചുള്ള കുറിപ്പ് ഈ ലേഖനത്തിൽ അവസാനിക്കില്ല. കൂടുതൽ ചർച്ചയിലേക്ക് സകല ബൂലോകരെയും ക്ഷണിക്കുന്നു.

കാലം ഒരിക്കൽ തിരുവനന്തപുരത്തെ കെ.സി.എസ്. മണിയുടെ സ്മാരകം നിൽക്കുന്ന സ്ഥലത്തുനിന്നും അതു മാറ്റി, സി.പി.രാമസ്വാമി അയ്യരുടെ പ്രതിമ സ്ഥാപിക്കും.

ഫ്രൈഡേ 13th വീണ്ടും

2009-11-11T22:25:00.000+03:00

ബൂലോകത്തിലെ സുഹൃത്തുക്കളുടെ ശ്രദ്ധക്ക്

ഫ്രൈഡേ 13th വീണ്ടും

ഒരു മോഷണം കൂടി.

2009-11-03T21:31:00.000+03:00

ബൂലോകത്ത് മോഷണം ഒരു കലയായി മാറിയിരിക്കുന്നു എന്നു സംശയിക്കത്തക്ക രീതിയിലാണ് കാര്യങ്ങളുടെ പോക്ക്.
ഇപ്പോ ദാ ഒന്നുകൂടെ.
സുനിൽ ചെറിയാന്റെ സാജു കൊടിയനും പള്ളുരുത്തിയും പറഞ്ഞത്

അതേ ദിവസം ചങ്ങാത്തം എന്ന സൈറ്റിൽ, അജിത്ത് എസ്. വാര്യരുടെ സാജു കൊടിയനും പള്ളുരുത്തിയും പറഞ്ഞത്

വള്ളിപുള്ളി വിസർഗ്ഗം പോലും മാറ്റാതെ കൃത്യമായ “ഈച്ചക്കോപ്പി”

എട്ടുകാലി മമ്മൂഞ്ഞ് മാരുടെ കാലം...!